Tag Archives: Сурхондарё

эко

ЭКОИНСПЕКТОРЛАРНИНГ МАЛАКАСИ ОШИРИЛДИ

2016  йилдан бери Вазирлар Маҳкамасининг Атроф муҳитни муҳофаза қилиш соҳасида фаолият кўрсатаётган ходимларни қайта тайёрлаш ва уларнинг малакасини оширишни ташкил этиш чора-тадбирлари тўғрисида” ги 38-сонли қарори асосида фаолият юритиб келётган Ўзбекистон Республикаси Экологи ва атроф муҳитни муҳофаза қилиш давлат қўмитаси ҳузурида Атроф муҳитни муҳофаза қилиш соҳасида фаолият кўрсатаётган ходимларни қайта тайёрлаш ва уларнинг малакасини ошириш маркази илк маротаба Сурхондарё ва Қашқадарё вилоятларида  инспекторларни малакасини ошириш курсларини ташкил этди.

эко1- Бир ҳафта давом этган ўқув курсларида 30  та ходимимиз ўз малакасини оширишди, дейди Бошқарма бошлиғи ўринбосари  Баҳодир Урунов. -Шу пайтгача ходимларнинг бир иккитаси Тошкентга бориб, малакасини оширарди. Малака оширишнинг айнан  вилоятда ташкил этилганлиги  айни муддао бўлди. Чунки Сурхондарё вилоятида ўзига хос экологик муаммолар мавжуд бўлиб, бу  транспортлардан  ва ишлаб чиқариш корхоналаридан чиқаётган ис газларини камайтириш, тозалаш иншоатларнинг самардорлигини оширишдир. Вилоятнинг Денов, Жарқурғон туманларида  уларнинг самарадорлиги жуда паст ва айни дасда мазкур иншоатларда  реконструкцияга кетмоқда. Шунингдек Термез туманида жойлашган заҳарли кимёвий моддалар қабристонини  амалга оширилмоқда. Чиқинди муаммосини бартараф этиш учун  Термез шаҳри, Термез ва Ангор туманларидаги политиэлен, шиша, ёғоч чиқиндиларини қайта ишлайдиган завод ишга тушди. Айнан мавжуд муаммоларни аниқлаш ва бартараф этишда инспекторларимизнинг роли катта, шу сабабли уларнинг билимларини ошириш муҳимдир.

эко2Жойларда ташкил этилган ўқув курслари вилоятлардаги  Бошқарма ходимларининг аксарият қисмини қамраб олишга имкон берди. Ўқув давомида экоинспекторлар Ўзбекистоннинг экологик сиёсати, мазкур соҳадаги қонунчилик, халқаро ҳамкорлик, экологик назорат ва экспертиза ва бошқа йўналишлардаги мавжуд янгиликлардан бохабар бўлишди.

-Мазкур ўқув курсларни ташкил этишдан асосий мақсадимиз  Бошқармага яқинда ишга кирган 25 нафар ходимларимизнинг билимини ошириш, атроф-муҳофазаси борасидаги қонунчиликдаги янгиликлар билан таништириш дан иборат, дейди Қашқадарё вилояти Экология ва атроф-муҳитни  муҳофаза қилиш бошқарма  ахборот хизмати раҳбари Карима Ёдгорова. — Бугунги кунда  биргина Қаршининг ўзида атмосфера ҳавосини ифлослантирадиган бир қанча корхоналар мавжд. Шунингдек биохилмахилликни асраш, сув борасидаги муаммоларни ечиш муҳим аҳамият касб этади. Ходимларимизнинг қанча малакаси ошса, мавжуд муаммолар ечимини топиш, аҳоли ўртасида тушинтириш ишларини олиб бориш шунчалик фаоллашади.

Ўқув курс якунида барча қатнашчилар сертификатларга эга бўлишди.

Н. ҚОСИМОВА

ondatry-v-kletkah-e1495001338825

ҲЕЧ БИР ЖОНЗОТ ЭГАСИЗ ЭМАС!

Инсон ўзини ўраб турган атроф-муҳитга эҳтиёткорлик билан муносабатда бўлиши лозим. Бу ҳақида Ўзбекистон Республикасининг “Ҳайвонот дунёсини муҳофаза қилиш ва ундан фойдаланиш тўғрисида”ги Қонунида сўз юритилган бўлиб, ушбу тартибни бузган шахсларга нисбатан тегишли жазо белгиланиши кўзда тутилган.

Аммо ҳамма ҳам бу каби қонунлардан бохабар эмас ёки билса-да, унга амал қилмайди. Қашқадарё ва Сурхондарё вилоятлари бўйича Биохилмахиллик ва муҳофаза этиладиган табиий ҳудудларни муҳофаза қилиш ва улардан фойдаланишни назорат қилиш инспекцияси ходимлари томонидан ўтказилган назорат тадбири давомида худди шундай қонунбузилиш ҳолатига дуч келинди. Касби туманидаги Пандрон қишлоғида яшовчи фуқаролар Арслон Йўлдошев ва Бурхон Йўлдошев Қарши-Миришкор автомобиль йўли четидаги каналдан тақиқланган қўлбола ясалган қафаслар ёрдамида 26 бош ондатрани ноқонуний тарзда овлаганликлари аниқланди. Қонунга зид бу ҳаракат натижасида ҳайвонот дунёсига 22 миллион 391 минг 200 сўм миқдорида зарар етказилган. Ушбу ҳолат юзасидан тегишли тартибда вилоят прокуратурасига маълумот киритилди ва айбдорлар жавобгарликка тортилди.

Унутмаслик керакки, табиатдаги ҳеч бир жонзот эгасиз эмас. Уларни ов қилиш, табиат қўйнида эркин юрган жониворни тутиб олиш, ундан ўз манфаати йўлида фойдаланишга йўл қўйилмайди. Овнинг эса ўз мавсуми ва тартиб-қоидалари бор. Буларни билган ва амал қилган киши юқоридаги сингари нохуш ишга қўл урмайди.

Улуғбек МАМАШАРИПОВ,

инспекция ходими