Category Archives: одам ва олам

СУЮҚ ОЛТИН

Vot-jeto-chudodejstvennoe-maslo

Узум, кунжут, шолидан олинган мой барча замонавий ошпазлар учун таниш. Қовоқ, тарвуз данагидан олинган мой косметологнинг энг яқин ёрдамчиси. Уй бекалари кунгабоқар мойини пахта ёки зайтун мойини ҳиди, ранги, мазасига қараб қийинчиликсиз ажрата олади. Бироқ уларнинг бошқа фарқлари ҳам мавжуд бўлиб, бу хоссаларни билиш ортиқчалик қилмайди.

Ўсимлик мойларининг қанча тури бор? Кунгабоқар, кунжут, рапс, узум, зайтун, маккажўхори…уларни санаб охирига етиш қийин. Биз улардан асосий 4таси билан танишамиз.

Кунгабоқар мойи

семечка

Кунгабоқарнинг ватани Шимолий Америка бўлиб, ҳозирги замон диетологларнинг аниқлашича ундан олинган мой моддалар алмашинувини меъёрда бўлиши, ўт суюқлигининг ажралиши, қон таркибидаги холестеринни камайишига ёрдам беради.бу мойни бир кунда камида 1-2 ош қошиқда истеъмол қилиш фойдали.

Бу мойнинг асосий фазилати Е витаминини кўп миқдорда бўлишидадир. Масалан, зайтун мойида бу витамин кунгабоқар мойидан 12 марта кам.

Соя мойи

соя

Бу мойни соя дуккакларидан олинади, ўзига хос ранг ва ҳидга эга. Гипертония ва холестерин миқдори юқори бўлган одамлар учун жуда фойдали. Таркибидаги лецитин, линол ва линолен кислота мавжудлиги билан қадрланади. Турли сабзавотлар билан жуда фойдали, бироқ гўшт билан аралаштириш тўғри келмайди.

Маккажўхори мойи

кукуруза

Сариқ –тилларанг мой, маккажўхорининг донларидан олинади. Кўринишига кўра зайтун, кимёқий таркибига кўра кунгабоқар мойини эслатади. Таркибида стеринлр борлиги билан бошқа мойлардан ажралиб туради. Таркибида линол кислота кам бўлсада, организмда осон ўзлаштирилади ва моддалар алмашинувини яхшилайди. Нейтрал таъми барча турдаги овқатларни тайёрлашга мос, айниқса майонез ва кондитер маҳсулотлари олишда ишлатилади.

Зайтун мойи

олива

Ғарбда кенг тарқалган мой. Унинг энг сара навлари Ўрта ер денгизининг қайноқ қуёшида пишган, танлаб олинган зайтун мевалариданолинади. Бундай мой тилларангда товланади. Тўқроқ ранглилари эса пишиб етилган мевалардан ажратиб олинади. Бу мойнинг мақталиши бекорга эмас. Зайтун мойи таркибида тўйинмаган кислоталар мавжуд бўлиб, организмдаги холестерин миқдорини камайтириб, керакли микроэлементларни сақланиб қолишига имкон беради.

Биз рўзғор учун мойларни харид қилган асосан нарҳи ёки ишлаб чиқарувчисига қараб оламиз. Ваҳоланки, мойларнинг асосий фарқи- уларнинг қандай олинишида. Масалан, кунгабоқар мойи тозаланган ( рафинированное) ёки тозаланмаган бўлади.

Тозаланмаган – бу мой фақат механик тарзда тозаланган, фильтрланган, турли қолдиқлардан бир неча муддат дам олдириб тозаланган. Бундай маҳсулот, айниқса янги олингани ўзига хос ҳид, рангга эга бўлади. Афсуски, бундай мой биринчидан тез бузилади, вақт ўтиши билан чўкма ҳосил қилади. Иккинчидан, асосий хоссалари 2 ойгина сақланади, айниқса идиш очилганида, учинчидан унда қовуриш мумкин эмас.

Тозаланган – тўлиқ тозаланган, сифатли мой.

100-Pure-Refined-Sunflower-Oil

Ҳидсизлантирилган – мой учун харктерли ҳидлар йўқотилган, мазаси ҳам ёқимли. Бундай мойлар барча овқатлар учун мос келади, салатлар, кондитер маҳсулотлари тайёрлаш, гўшт қовуриш… қаттиқ қиздириш, бир неча марта ишлатиш мумкин. Масалан тозаланган, ҳидсизлантирилган кунгабоқар, маккажўхори ва соя мойини -8, пахта, зайтун, ерёнғоқ мойини ҳатто 15 марта ишлатиш мумкин. Бироқ бунда ҳарорат 160-1700С дан ошмаслиги керак. Яна бир шарт: иккинчи марта ишлатилаётган мой тор оғизли идишга солиниб, музлаткичда сақланиши керак.

Пресслаш усулида олинган мойлар таркибида қаришни олдини олувчи, моддалар алмашинувини яхшиловчи Е витамини яхши сақланади. Энг асосийси, бу усул мойни оксидланишдан, яъни ачишдан сақлайди.

Фарангиз  ДЖАМОЛХОНОВА

ДУНЁДАГИ ҒАРОЙИБ ФЕРМАЛАР

Перу. Қурбақа фермалари

novosti-v-fotografiyah-14-19

     Қурбақа фермалари жуда ҳам кўплаб мамлакатларда мавжуд. Аммо перуликлар ушбу жонзотни миахсус ичимлик тайёрлаш учун кўпайтиришади. Перу ресторанларида қурбақа блендерда майдаланиб, унга турли гиёҳлар қўшишади. Ушбу ичимлик кучли афродизиак, яъни эркаклар қувватини оширувчи дармон ҳисобланиб, нафақат маҳаллий аҳолибалки, сайёҳлар ўртасида ҳам машҳурдир. Бундан ташқари Перуда қурбақа гўштидан шоколад ва ўзига хос маҳаллий ширинлик тайёрлашда ҳам фойдаланилади.

Хитой. Суварак фермалари

ферма тараканов1

        Деворда югуриб ўтган суварак кўпчиликнинг таъбини хира қилиб,  ундан тезроқ қутилишга ҳаракат қилинади. Дунёда энг тез кўпаювчи, ҳар қандай шароит ва иқлимга мослашувчан бу жонзот Хитойда махсус фермаларда кўпайтирилади.  Бугунги кунда аҳолиси 2 миллиард нафарга яқинлашган мамлакатда  одамлар аксарият инсонлар жирканадиган ҳашаротни истеъмол қилиш, унинг оқсилидан крем ва лосьонлар ҳамда бошқа дори-дармон воситаларини тайёрлашда фойдаланишади. Хитой фермаларида асосан америка сувараклари етиштирилиб, унинг узунлиги 4-5 см.ни ташкил этади. Вояга етган сувараклар озиқ-овқат шахобчаларига, уларнинг қуритилиб, кукун ҳолатига келтирилгани дорихона ва  косметика фирмаларига етказиб берилади.

                                            Корея. Ит фермалари

ферма собак

Ит фермалари бугунда Жанубий Корея, Вьетнам, Тайвань, Хитойда мавжуд. Аммо Жанубий Кореяда уларнинг сони анча юқори. Бутун дунё ҳайвонларни ҳимоя қилиш жамиятларининг эътирозларига қарамай кореяликлар ит  фермаларини ёпишга ошиқаётганлари йўқ. Ҳар қандай ит, баъзида мушук ҳам маҳаллий аҳоли учун истеъмолга яроқли гўшт ҳисобланади. Жанубий Кореяда 1991 йилда қабул қилинган “Ҳайвонларни ҳимоя қилиш тўғрисида” ги қонун қабул қилинганига қарамай,   йилига  саккиз минг тоннадан зиёд ит гўшти истеъмол қилинади ва 6 мингта ресторанда ундан турли хил таомлар тайёрлашади.

АҚШ. Шиллиқурт фермалари

Ferma-po-razvedeniyu-ulitok

АҚШ дунёда шиллиқуртлар экспорти бўйича етакчи давлатлардан биридир. Тирик, музлатилган, тузланган, қуритилган шиллиқуртлар нафақат америкаликлар, балки  французлар, испанлар, белгияликлар, шведлар, итальянлар, хитойларнинг ҳам севимли таомларидан биридир.  Шиллиқурт гўшти мутлақо холестириндан холи бўлиб, инсон организми учун зарур аминокислоталар ва витаминларга бой. Тадқиқотларга кўра дунёда ҳар йили 100 минг тонна шиллиқурт гўшти истеъмол қилинади.

Хитой. Илон фермалари

ферма змея

Илон гўшти азалдан Осиё халқлари учун доривор ҳисобланиб, унинг заҳридан бугунги кунда ҳам бир қанча дори препаратлари тайёрланиб келинади. Хитойда илон гўштига эътибор ўзгача. Бу ерда уни қовурилган, дудланган, қуритилган, тузланган, пиширилган, димланган ва хомлигича истеъмол қилишади. Биргина  Жишикао  қишлоғида маҳаллий аҳоли 4 миллион дона илон боқади. Илон фермасининг асосчиси Ян Хончанг ногиронлиги сабаб 1985 йили уларни аввало ўзига дори тайёрлаш учун тутган. Аммо илон гўшти ва заҳрига талаб катталигини сезгач, банкдан кредит олиб, қишлоқда илон фермасини ташкил этган.  Бугунги кунда Хитойда илон фермаларининг сони 1000 дан ошиб, илон гўшти, қони ва заҳри дунё мамлакатлари га экспорт қилинади.

Австралия. Тимсоҳ  фермалари

ферма крокодил

        Австралияда тимсоҳ гўштидан тайёрланган махаллий таомлар  тобора машҳурлашмоқда. Тимсоҳлар Ҳиндистон, АҚШ, Япония ва Сингапурда ҳам кўпайтирилишига қарамай, Австралияда  у алоҳида аҳамиятга эга. Тимсоҳ бу ерда унинг кучи, сабри ва ваҳшийлиги учун “қадрланади”. Тимсоҳ терисидан тайёрланадиган пойафзал, сумкалар ва кийимларнинг нархи эса қимматлилиги билан ажралиб туради.

Колумбия. Чумоли фермалари

1218053

    Чумоли меҳнаткаш ҳашарот. Бундан ташқари унда чумоли кислотаси ва оқсил мавжуд. Маҳаллий аҳоли қадимдан Atta laevigata  туридаги чумолиларни истеъмол қилиб, уларни қовуриш ва тузлашдан ташқари,  чўмолидан турли хил соуслар  ҳам тайёрлашган. Маҳаллий ҳукумат  чумоли фермаларини кўпайтиришни қўллаб-қувватлайди. Чунки у яхшигина даромад манбаидир.  Колумбиянинг Сантандер  провинциясида мазкур чумолиларни кўплаб етиштириб, биргина ўтган йилда дунёнинг турли мамлакатларига 400 килограмм чўмоли  экспорт қилинган. Ҳозирда ушбу маҳсулотини турли кўринишда  Лондоннинг Harrods ва  Fortnum & Mason супермаркетларида харид қилиш мумкин. Буюк Британиянинг Edible компанияси эса истеъмолчиларга шоколадга қўшилган чумолиларни таклиф этади.

Вьетнам. Калтакесаклар фермаси

ферма ящерец

    Маҳаллий con dong калтакесагидан тайёрланадиган таомлар Вьетнамда тансиқ ҳисобланади. Сайёҳлар ўртасида ҳам мазкур таомнинг машҳурлиги ортиши боис мамлакатда калтакесакларни кўпайтирувчи фермаларнинг сони ошиб бормоқда. 1 килограмм калтакесак гўштининг нархи  300.000 донг бўлганлигига қарамай, унга бўлган талаб сусайгани йўқ.

Кайман ороллари. Тошбақа фермалари

ферма черепах

     Тошбақани қадимдан инсонлар унинг лаззатли гўшти учун овлашган. Унинг тухуми Кайман оролларида истиқомат қилувчи маҳаллий аҳолининг асосий озуқаларидан биридир. Бугунги кунда Кайман оролларида тошбақаларни етиштириш бўйича фермалар мавжуд. Ҳукумат ёввойи тошбақаларни ушлаш ва уларни ўлдириш бўйича махсус қонун қабул қилгач, бу ерда фермалар янада ривожлана бошлади.  Бундай фермалар нафақат тансиқ гўшт етиштириб берувчи маскан, балки  сайёҳликдан яхшигина сармоя берувчи манбага ҳам айланган.

Дилноза БОБОМИРЗАЕВА,

ЎзДЖТУ талабаси

УЧИНЧИ ДАРОМАД МАНБАИ

page_detail_zoom_3288Замонавий туризм саноати ицтисодиётнинг юқори даромад келтирадиган ва жадал ривожланиб бораётган йирик тармоцларидан бўлиб, у дунё халҳлари маданияти соҳасида амалий мулоцот вазифасини ўтамоцда.

Сайёҳлик дунёдаги кўплаб давлатларда даромад олишнинг асосий соҳаларидан биридир. Жаҳон сайёҳлик ташкилотинининг маълумотларига кўра, ҳозир дунё бўйича туризм саноатида 195 миллиондан зиёд киши хизмат қилиб, соҳанинг дунё бўйича йиллик пул айланмаси 900 миллиард АҚШ долларидан ошади. Жаҳон сайёҳлик саноатида халқаро туризмдан тушаётган даромад автомобиль, нефть ва газ ишлаб чиқариш саноатидан кейин учинчи ўринда туради.

Тарихан олиб қараганда, сайёрамизда туризм XИX аср бошларида ривожлана бошлаган. Дастлаб 1815 йилда Англиядан Францияга уюшган сайёҳлик ташкил этилган. Туризмнинг асосчиси ҳисобланган инглиз фуқароси Томас Кук 1843 йилда 1-темир йўл сайёҳлигини ташкил этган. У ўзининг туристик корхонасини тузиб, 1866 йилда илк сайёҳлик гуруҳларини АҚШга жўнатган. Шарқца араб сайёҳи Ибн Баттута 21 ёшида саёҳатини бошлаб, Шарқ ва Шимолий Африка мамлакатларини кезиб чиққан. Шундан сўнг туризм босқичма-босқич ривожлана борди. Ўтган асрлар давомида туризм асосан давлатлараро урушлар, зиддиятлар туфайли пасайган бўлсада, янги асрга келиб туризм яна бир жиддий синовни бошидан кечирмоқда. Халқаро ҳаво транспорти уюшмаси маълумотларига кўра, ўтган беш йил давомида сайёҳлик соҳасида жиддий пасайиш кузатилди. Айнан глобал инқироз дунё бўйича йўловчилар ташиш ҳажмининг қисқаришига олиб келди. Хусусан, Хитой, Испания, Италия, АҚШ, Таиланд каби давлатларда сайёҳлар сони камайган. Ушбу давлатлар қатори Греция, Миср, Индонезия, Туркия каби туризмдан юқори даромад кўрадиган давлатлар ҳам соҳага алоҳида эътибор қаратишмокда. Испания ҳукумати томонидан соҳани модернизация қилиш мақсадида ажратилган 1,5 миллиард АҚШ доллари миқдорида маблаглар айни пайтда асосан Канар оролларига йўналтирилмоқца. Зеро, бугунги кунда туризм Канар ороллари ялпи ҳудудий маҳсулотининг 60 фоизидан ортигини ташкил этади.

Глобал молиявий инқироз Жанубий Корея иқтисодиётига ҳам жиддий таъсир этганига қарамай, «Осиё йўлбарси» туризмнинг ўсиш суратларини сақлаб қолаётган давлатлар сирасига киради. Жанубий Кореяга ташриф буюрувчи меҳмонлар сони 9 фоизга ошган. Исландияда эса кронанинг долларга нисбатан 65 фоиз, еврога қараганда 40 фоиз қадрсизлангани мамлакатга сайёҳларни жалб этишни кўпайтиришга туртки берган. Пулнинг қадрсизланиши туризмга қандай фойда бўлиши мумкин? Мутахассисларнинг фикрича, даромади евро бўлган киши агар Исландияга ташриф буюрса, кам пулга мамлакатнинг катта қисмини томоша қилиши, нарх-наволар бирмунча пасайган пайтда пулини иқтисод қилиши мумкин.

Сайёҳлик соҳасида ўзига хос тажриба, салоҳият ва имкониятга эга бўлган Ўзбекистонда соҳа тобора ривожланиб бормокда. Зеро, гўзал табиат гўшалари, тарихий-маданий осори-атиқалар сайёҳликнинг ошу нони. Юртимизда башарият тамаддунининг бешикларидан бўлган беназир шаҳарларимиз, Шарқ ва Ғ арбни бир-бирига боглаган ноёб тарихий ёдгорликлар, ранг-баранг қадимий обидалари, муқаддас зиёратгоҳлар, ўзига хос хушманзара табиати, файзли гўшалари, бетакрор маданияти, анъаналари ва меҳмондўст халқи билан жаҳон сайёҳларини ўзига ром этмоқда. Пурвиқор тоглардаги абадий музликлар, минг дардга даво гиёҳлардан тортиб шифобахш сувларгача заминимизда мужассам. Бу бизда туризм соҳасида катта имкониятлар борлигидан далолат беради. Узбекистон сайёҳлик кўлами ва тарихий жойлар кўплиги бўйича дунёдаги етакчи ўн мамлакат қаторида туради. Мамлакатимизда тўрт мингдан зиёд тарихий ва маданий ёдгорлик бор. Уларнинг бир қисми ЮНЕСКОнинг Бутунжаҳон маданий мероси рўйхатига киритилган. Буюк аждодларимиздан мерос бу бебаҳо обидалар асрлар оша дунё аҳлини ўзига мафтун этиб келмокда.

Дунё мамлакатларидан ташриф буюрадиган сайёҳлар Тошкент, Самарқанд, Бухоро, Хива, Шаҳрисабз, Қарши, Термиз, Маргилон, Қўқон сингари шаҳарларимиздаги осори-атиқаларни катта қизиқиш билан томоша қилади. Ҳукуматимиз томонидан миллий қадриятларимизни асраб-авайлаш борасида олиб борилаётган ислоҳотлар самарасида кўплаб ёдгорликлар қайта тикланди. Қадимий шаҳарларимизда кўплаб замонавий меҳмонхоналар қад ростлаб, сайёҳлик инфратузилмаси ва сервис хизмати тубдан яхшиланди. Яна бир муҳим жиҳат шундаки, соҳада хусусий секторнинг улуши тобора ортмоқда.

Соҳада шериклар билан ҳамкорликни кенгайтириш учун қулай шароит яратишга алоҳида эътибор берилаётир. Сайёҳлик салоҳиятини намойиш қилиш ва сайёҳлар оқимини янада кўпайтириш мақсадида «Ўзбектуризм» миллий компанияси томонидан маркетинг лойиҳалари — мега-инфо-турлар ташкил этилмокда. Ушбу лойиҳа доирасида Буюк Британия, Венгрия, Италия, Испания, Нидерландия, Россия, Сингапур, Франция, Хитой, Япония каби кўплаб мамлакатларнинг кўплаб сайёҳлик компанияси билан яқин ҳамкорликда иш олиб борилаётир. Мамлакатимизга келаётган сайёҳлар сони 2012 йилнинг ўтган даврида 2011 йилнинг шу даврига нисбатан 59,8 фоиз ошган.

Ўзбекистон билан Жаҳон сайёҳлик ташкилоти ўртасидаги алоқалар изчил тараққий этмокда. Мамлакатимиз Жаҳон сайёҳлик ташкилотига 1993 йили аъзо бўлган. Юртимизда ушбу ташкилот билан ҳамкорликда халқаро сайёҳлик ярмаркалари, халқаро конференция ва семинарлар мунтазам ўтказилаётир. Маълумотларга қараганда, мамлакатимизга келаётган сайёҳлар умумий оқимининг қарийб 80 фоизи сайёҳлик соҳаси ривожланган ҳудудлар — Бухоро, Самарқанд, Хоразм, Тошкент вилояти ва Тошкент шаҳри ҳиссасига тўғри келмоқда. Фарғона водийси, Жиззах, Қашқадарё ва Сурхондарё вилоятлари ҳам хорижлик меҳмонларда катта қизиқиш уйғотмоқда. Мамлакатимизга кўпроқ Германия, Япония, Франция, Италия, Туркия, Россия ва бошқа давлатлардан меҳмонлар ташриф буюрмоқда. Буларнинг барчаси қадимий ва навқирон Ўзбекистонимизга бутун дунёда қизиқиш тобора ортиб бораётганидан далолатдир. Негаки, мамлакатимиз географик жиҳатдан қулай ҳудудда, машҳур Буюк Ипак йўли марказида жойлашган. Мамлакатимизда 4000 дан зиёд ноёб тарихий ва маданий ёдгорликлар мавжуд бўлиб, уларнинг 140 таси ЮНЕСКО Бутунжаҳон мероси рўйхатига киритилган.

Мутахассисларнинг фикрича, юртимизда сайёҳлар сонини оширишнинг муҳим йўлларидан бири — бу туризм салоҳиятини етарли даражада халқаро миқёсда реклама қилишдир. Бу ишга эътиборни кучайтириш давр тақозосига айланиб бораётир. Қолаверса, миллий авиакомпаниялар ҳамкорлигини кенгайтириш ҳам МУХИМ ахамият касб этади.

Бугун Ўзбекистонда халқаро андозаларга мослаб қурилган сайёҳлик мажмуаси сифатида Чорвоқдаги иншоотларни айтиш мумкин. Шунингдек, дам олувчилар эҳтиёжларидан келиб чиққан ҳолда юртимизда худди шундай рақобатбардош масканларни янада кўпайтириш зарур.

Кузатувчиларнинг айтишича, Ўзбекистонда соҳани ривожлантириш учун барча имкониятлар мавжуд. Хусусан, уч минг йиллик тамаддунга гувоҳ бўлган шаҳарлар, янгидан-янги кашф этилаётган қадимий қадамжолар шулар жумласидан. Етти оламга довруғи кетган Самарқанд, Бухоро, Хива, Шаҳрисабз, Маргилондаги обидалар, улуг алломалар жойлари, маданий мерос объектлари, археология, меъморчи лик ёдгорликлари, зиёратгоҳлардан хорижий сайёҳларнинг қадами узилаётгани йўқ.

Беҳбуд БОТИРОВ,  Камолиддин ҲОТАМОВ

БЎРИ ОДАМ

Shaun-EllisБўри номини эшитгач, деярли барча инсонлар кўз ўнгида йиртқич ҳайвон гавдаланади. Ўткир тишли, ўз ўлжасини тилка пора қиладиган бу ҳайвонни инсон кўриши билан ўзини пана жойга яширишга ҳаракат қилади. Сабаби, тўда бўлиб яшайдиган бу ҳайвонлар, ўз ўлжасини камдан-кам ҳолларда тирик қолдиради. Лекин, шундай бўлишига қарамай, баъзи инсонлар уларнинг тилини тушуниб, тўданинг тенг ҳуқуқли аъзоси бўлиб яшаганлари ҳам айни ҳақиқат.

Лондон шаҳри фуқароси Шон Элис 2005 йилдан бошлаб, бўрилар тўдасида яшаб келмоқда. У 18 ой бўрилар билан овга чиқиб, улар нимани топиб истеъмол қилишса, у ҳам шуни еб яшаган. Қолаверса, бўриларнинг тилини яхши тушуниб, ишончини ҳам қозонган. Шон Элис улар билан ўйнаб, бирга дам олиб, кўп вақтини табиат қўйнида ёввойи шароитда ўтказиб, инсонни бўрилардан ҳеч ҳам қўрқмай яшай олишини исботлай олган.

Бўрилар ўзидан ўн баробар катта ўлжани ўлдира олади. Бундан ташқари жағларидаги ўткир тишлари билан 250-300 кг куч билан ўлжани тишлаб, тилка-пора қилади.

Шон Элис бўрилар каби увиллаб, тўдадаги ўз ўрнини ҳимоя қилади. Шунингдек, улар тилида имо-ишоралар билан бошқалари билан баҳслаша олади ҳам.

Алишер ХАЛИКОВ, 

Қибрай туманидаги 42-мактаб ўқитувчиси

ЭНГ ҚИММАТ ГУЛЛАР

Medinilla_magnifica_florЭкзотик , такрорланмас гул навларининг донаси жамғармангизни бўшатиб қўйиши ҳақида эшитганмисиз? Уларнинг баъзиларини табиат, бошқаларини инсон селекционерлик йўли билан яратганини-чи?

samyi-dorogoi-tsvetok-v-mire

Кинабули олтини. Бу гулнинг бир донаси 5000 АҚШ доллари бўлиб, унинг қиммат сотилишига биринчи сабаб, дунёнинг биргина жойида ўсиши, бўлса, иккинчи сабаб бетакрор чиройли гуллари 15 йилда очилиши экан.

scale_Black_Tulips_by_D4Rud3Тун қироли. Тарихда гуллар орасида қиммат баҳолаб келинган гуллардан бири “тун қироли” ҳисобланади. Бу гул қора ялтироқ лола гулли бўлиб, бир вақтлар унинг бир дона пиёзига тўртта буқа, бешта чўчқа, икки тонна буғдой, бир туда қўй, уч юз литр шароб, уч юз килограмм пишлоқ ва қўшимчасига кумуш идиш ҳам беришган. Лолага бўлган қизиқиш уни ҳамма ерда етиштиришга сабаб бўлди. Ҳозирги кунда унинг бир дона пиёзи 20 АҚШ долларига баҳоланади.

РОЗА

Пьер де Ронсар. Пушти рангли атиргулнинг бу тури шу оилага мансубларининг ичида энг чиройлиси ҳисобланади. Мазкур гул мартабали шахслар боғидан, оранжериялардан ўзининг муносиб ўрнини топган. Бу гулнинг бир донасига уни шинавандалари ҳеч иккиланмасдан 15 евро пул тўлашади.

. Бу гул ўзининг ноёб кўриниши билан кўпчиликнинг эътиборини қозонган. Кўп давлатларда унинг турли хил навларини учратиш мумкин. Селекционерлар эса бу гулнинг 400 хил турини ярата олганлар.  Асл ватани Мадагаскар ва Филиппин бўлган бу экзотик гул энг қиммат гуллар рўйхатидан жой олган. Уларнинг очилиб турган кичик гулдастаси 700 доллардан камига сотилмайди.

________ ____ 3-1000x1000Радужная (камалаксимон). Атиргуллар орасида энг қиммат нархга баҳолангани  “радужная” ҳисобланади. Бу гул турини ҳосил қилиш учун, унинг новдасига махсус ранглар юборилган. Рангларининг хилма – хиллиги япроқларида намоён бўлган бу гул чиройига тенг келадиган гул кам топилади. 30 дона гулдан иборат бўлган гулдастасининг нархи 350 АҚШ доллар ҳисобланади.

92630947_2000000DМуддлемист. Жуда камёб ва парваришга муҳтож гул — муддлемист ҳисобланади. У фақат Янги Зелландияда ўсади. Қизил рангли тури бошқалари орасида энг чиройлиси ҳисобланади. Буюк Британия қироличаси бу гулни хўш кўриб, ўз боғида яратилган иссиқхонасида парвариш қилиб ўстирган. Барча гуллар орасида қимматларидан бири ҳисобланган бу гулнинг аниқ баҳоси 500 АҚШ долларига баҳоланак экан.

Наргиза ҲАЙДАРОВА,

Олмалиқ  шаҳридаги 14-мактаб ўқитувчиси

СОЯНИНГ ВАҚТГА ДАҲЛДОРЛИГИ

100379567_26_Protiv_techeniya

Барчамизга маълумки, 22 июнь куни қуёш 230 301 шимолий кенгликдан 22-декабр куни эса, 230 301 жанубий кенгликдан ўтади. Айнан шу кунлари бизнинг соямиз соат 12:00да тўғри шимолий қутбни кўрсатади. Хўш қолган кунларчи? Баҳорги (21-март) ва кузги (23 сентябр) тенг кунликларда қуёш экватор чизиғидан ўтади. Бунда сайёрамиз қуёшга нисбатан 21-мартда 230 301 шарқ томонга, 23 сентябрда эса 230 301 ғарб томонга оғган ҳолатда блади. Шу сабабли 21-мартда соат 12:00да соямиз 230 301 шимолий – Қарбни 23 сентябрда эса 230 301 шимолий-шарқни кўрсатади. 22 декабрдан 22 июнгача соямиз йўналиши (маълум бир вақтда, айтайлик соат 12:00да) 470 гача ўзгариб боради. Шундай экан йилнинг бошқа (22-декабр ва 22 июндан ташқари) кунлари соямиз қачон қутбни тўғри кўрсатади. Буни топиш учун оддий математик усулдан фойдаланамиз. 1 соат = 150 470 =? соат 10 = 41 41х470=3соат 81 Демак, 22-декабр соат 12:00даги ва 22 июн кунги соат 12:00 даги соямизнинг шимолий қутбни кўрсатиш вақти 3 соат 8 дақиқага фарқ қилар экан. Яъни 21 мартда соат 16:26да 23 сентябрда эса соат 13:34 да соямиз шимолий қутбни тўғри кўрсатади. 12:00-1:34=10:26 12:00+1:34=13:34 22 июндан 23 сентябргача 93 кун бўлса 1с 34 мин(94мин):93 кун=1,011. ўрта ҳисобда ҳар бир кун соямизнинг шимолий қутбни кўрсатиш вақтини ўртача бир минутга ўзгартиради. Шу тариқа қолган кунларни ҳам топишимиз мумкин. Эгалланган билим ва кўникмаларга таяниб ўзингиз яшаб турган жойингизга баҳорги ва кўзги тенг кунликларда ҳамда қишки (22-декабр) энг узоқ тун ва энг қисқа кун ва ёзги (22-июн) энг қисқа тун ва энг узоқ кун даврларида қуёш зенитда (12:00да) бўлган вақтда қуёш нури текис юзага неча градус бурчак остида тушишини ҳам аниқлашингиз мумкин. Бунинг учун сиз турган жойингизнинг координатасини, аниқроғи кенглигини билсангиз бас. Айтайлик сиз Қўқон шаҳридасиз. Бу шаҳар 400 301 шимолий кенгликда жойлашган. Шаҳарга 21-март ва 23 сентябрда яъни қуёш экватордан ўтган пайтда соат 12:00да неча градус бурчак остида тушишини топиш учун. 900-400301=490301 (21 март ва 23 сентябр соат 12:00да) 490301 -230301=260 (22 декабр соат 12:00да) 490301+230301=730 (22 июн соат 12:00да) 22 декабрдан 22 июнгача ўртача ҳар 4 суткада қуёш нурининг тушиш бурчаги 10га ўзгариб боради. Шу ўзгаришлар қил фаслларининг алмашинишига сабаб бўлади.

Эгамназар ЭРМАТОВ, Фарғона вилояти Бувайда тумани

Самарқандда экожурналистлар учун Ёзги Академия – 2014 ўз ишини бошлади

300px-Registan_-_Samarkand_-_15-10-2005

  Самарқанд шаҳрида  Атроф-муҳит муҳофазаси бўйича энг яхши журналистик ишлар учун «Қоплон-2014» республика кўрик-танлови доирасида  экожурналистлар учун Ёзги Академия ўз ишини бошлади.
 Академия  ташкилотчилари:  »CHINOR ENK» экологик ноширлик компанияси, Европада хавфсизлик ва ҳамкорлик ташкилотининг Ўзбекистондаги лойиҳалари координатори офиси ҳамда Ўзбекистон Республикаси Табиатни муҳофаза қилиш давлат қўмитаси.
  «Қоплон» кўрик-танлови  ўтказилиб келинаётган 4 йиллик давр мобайнида    жуда кўп мақолалар чоп этилди, радио ва телерепортажлар ҳамда кўрсатувлар эфирга чиқди.  Ўзбекистон ОАВ томонидан чоп этилаётган мақолаларни таҳлил қиладиган бўлсак, улар  аксарият ҳолларда   воқеа-ҳодисаларнинг тавсифи билан чекланган бўлиб, уларда таҳлилий материаллар деярли мавжуд эмас, дейиш мумкин. Шу боис жорий йилда Академия томонидан таҳлил қила оладиган, мулоҳаза юритадиган журналистларни тайёрлаш, иштирокчиларни нафақат маълумот олишга, балки уни тўғри шарҳлаш ҳамда таҳлилий изоҳлашга  ўргатиш  режалаштирилган.
Бундан ташқари, Академия доирасида иштирокчилар фотосуратга олиш дарсларида иштирок этишлари мумкин.  Сайёрамиздаги инсонларнинг аксарияти маълумотларни визуал равишда  яхши қабул қиладилар, шунинг учун мақола  билан бирга  сифатли ва  ўзига хос  фотоиллюстрацияларнинг берилиши ҳам муҳим аҳамият касб этади.
Академиянинг мақсади  экологик мавзуда таҳлилий мақолалар ёзадиган  иқтидорли ёшларнинг янги  оқими юзага келишига  ёрдам бериш, журналистларнинг атроф-муҳит муҳофазаси, барқарор ривожланиш ва экологик хавфсизлик  соҳасидаги  хабардорлик даражасини  ошириш ҳамда ҳайвонот ва ўсимлик дунёсини  профессионал тарзда фотосуратга олиш малакаларини ривожлантиришдан иборат.
Ёзги Академия доирасида ёш эко-журналистлар билимини оширишувчи  ва қизиқиш доирасини кенгайтирувчи ҳамда  кўпроқ сифатли босма материаллар, теле-радиосюжетлар яратиш мақсадида экология ва атроф-муҳит муҳофазаси мавзусини чуқур сингдирувчи қатор ахборот-маърифий  тадбирлар  ўтказиш режалаштирилмоқда. Академиядаги иш жараёнида барча иштирокчилар экспертлар томонидан маслаҳатлар берилиб, қўллаб-қувватланадилар.
Академияда иштирок этиш натижасида ёш журналистларда оламга ўзгача  назар билан боқиш имконияти яратилади.  Академиянинг мазмунга бой дастурига нафақат назарий, балки амалий машғулотлар ҳам киритилган. Табиий объектларга чиқишлар, иштирокчиларга ҳамроҳлик қиладиган ва зарур маълумотлар берувчи  миллий экспертлар билан учрашувлар бўлиб ўтади.
Сифатли таҳлилий материаллар тайёрлашда  журналистика соҳасида 37 ёзги жаҳон тажрибасига эга  таниқли хорижий мустақил медиа консультант Оливер Уайтс (Буюк Британия) ва  фотожурналистика соҳасида 13 йиллик иш тажрибасига эга, БМТнинг Марказий Осиё, Европа, Нью-Йорк ва Либериядаги  Агентликлари  билан ҳамкорликда ишлаган  Кристофер Харвиг (АҚШ) кўмак беради.

 

Манба: econews.uz

ОБРАЩЕНИЕ ЧЛЕНОВ ЕВРОПЕЙСКОГО ЭКО-ФОРУМА

В настоящее время в Голландии проходит Конференция Сторон Орхусской конвенции и встреча Сторон Протокола по регистрам выброса и переноса загрязнителей (РВПЗ).

Европейский Эко Форум подготовил Обращение к участникам данных совещаний, выступив от имени представителей 70 организаций гражданского общества из 23 стран Европы, Кавказа и Центральной Азии.

В Обращении изложена позиция организаций по трем ключевым пунктам Конвенции — доступ к информации, участие общественности в принятии решений и доступ к правосудию по вопросам, касающимся окружающей среды.
«Мы призываем Стороны-участники Конвенции и тех, кто ее подписал, поощрять национальные… диалоги о доступе к информации, с участием, насколько это возможно, максимально широкого круга заинтересованных сторон, в том числе, представляющих интересы маргинализированных и уязвимых групп населения; устранить финансовые барьеры и задержки в доступе к информации; содействовать ее активному распространению, а также использовать современные технологии и открытые базы данных в процессе предоставления доступа к информации», — говорится в Обращении.
Организации призывают также улучшить участие общественности (особенно уязвимых групп) в принятии решений по вопросам, касающимся окружающей
среды, и их доступ к правосудию.

ИЧИМЛИК СУВИ ҚАНДАЙ ТОЗАЛАНАДИ?

 ёхуд Тошкент сув тозалаш иншоотлари фаолиятига бир назар

IMG_1220

 

-Ҳой, крандан сув ичма! Ана чойнакда совуқ чой бор. Кеча Сурайё холанг ҳам крандан сув ичиб, қорни  оғриб қолганини айтди.

Севара 12 яшар ўғли Комилжонни койиб, сув тўлдирилган пиёлани унинг қўлидан тортиб олди.

-Ойи, мактабда ўқитувчимиз, крандаги сув тоза, уни мутахассислар бир неча маротаба текшириб, зарарсизлантириб, кейин истеъмол учун узатишларини айтувдилар.

-Ўқитувчинг айтаверади-да,  ундан кўра сен менинг гапимга қулоқ сол. Қара, жумракдан сувнинг оппоқ бўлиб оқишини?! Ғирт хлор.

Комилжон ноилож чойнакдаги совуқ чойни пиёлага қўйиб  ичдида, индамай хонасига  кириб кетди.

IMG_1253

Бундай ҳолатларни деярли ҳар бир хонадонда кузатиш мумкин. Биз ҳар куни истеъмол қилаётган сувимиз қанчалик тоза ва жавобни истеъмолга яроқли? Краннинг жумрагидан оқаётган сувни қайнатмасдан ичиш мумкинми? Пойтахтимизга етказиб берилаётган оби-ҳаёт қандай текширишлардан ўтади? Мазкур саволларга  Ўзбекистон Республикаси Табиатни муҳофаза қилиш давлат қўмитаси “Сувсоз” давлат унитар корхонаси кўмагида  Қодирия сув олиш иншооти ва Салар аэрация станциясига ташкил этилган медиа-тур давомида жавоб олдик.

Қулай, барқарор атроф-муҳитни яратишда асосий эътибор биринчи галда аҳолини тоза ичимлик суви билан таъминлашга қаратилади. Зеро,  етказиб бериладигнан сувнинг тозалиги ва истеъмолга яроқлилиги биринчи галда аҳоли  саломатлилигининг гаровидир. “Сувсоз” ДУК Ўзбекистон Республикасида йирик коммунал  корхоналаридан бири бўлиб,  унинг асосий вазифасига Тошкент шаҳрини узлуксиз сифатли ичимлик суви билан таъминлаш, шаҳар оқова сувларини ажратиш ҳамда тозалаш киради. Сув иншооти 1969 йилда  босқичма -босқич қурила бошланган. Айни пайтда  иношоат томонидан аҳолига етказиб бериладиган сув тоза бўлиб, барча давлат стандартларига мос келади.

-Бугунги кунда Тошкент шаҳрининг водопровод билан таъминланганлик даражаси 99 фоизни, канализация билан эса 92 фоиздан ортиғини ташкил этади. Шаҳар аҳолиси ҳар куни 1,375 млн.м3  атрофида ичимлик сувини истеъмол қилади, дейди   Қодирия сув олиш иншоати бош маслаҳатчиси Зокир Салиходжаев. – Айни пайтда Тошкентга бир сонияда 20 м3 сув узатилади. Тошкент шаҳрининг сув таъминоти 7 та сув олиш иншоотлари орқали амалга оширилади, шулардан бири Қодирия сув иншоотидир. Тошкент шаҳар сув таъминоти тизимининг моддий-техник базасини мустаҳкамлаш ва такомиллаштириш, қувват тежайдиган технологияларни жалб этиш, шаҳарни ичимлик суви билан узлуксиз таъминлашни кучайтириш, шунингдек, корхонанинг молиявий аҳволини яхшилаш учун Тошкент шаҳар хокимияти ҳамда Европа тикланиш ва тараққиёт банки ўртасидаги кредит келишуви доирасида 10 миллион АҚШ доллари миқдорида “Тошкент шаҳар сув таъминоти тизимини такомиллаштириш” инвестицион лойиҳаси тўлиқ амалга оширилди. Лойиҳа доирасида ишлатиб бўлинган жиҳозларни замонавийларига алмаштириш билан учта йирик сув чиқарувчи иншоотнинг қайта таъмирланиши амалга оширилди. Лойиҳа доирасида “Қодирия” водопроводининг бош иншоотларида янги насосларни ўрнатиш, назорат ва бошқарувнинг автоматлаштирилган тизимини жорий этиш орқали биринчи кўтарилишнинг иккита насос станцияларида горизонтал насослар алмаштирилди ҳамда эксплуатацияга топширилди. Лойиҳанинг амалга оширилиши натижасида электр қувватининг ойлик иқтисоди соатига 2,5 млн.кВт ёки  20-25 фоизни ташкил этди. Ботувчи насосларни янги русумдаги насосларга алмаштириш, назорат ҳамда бошқарувнинг автоматлашган тизимини жорий этиш орқали Қибрай водопровод иншоотларида таъмирлаш ишлари ўтказилди.

IMG_1205

Қодирия сув олиш иншоотида 200 нафар ишчи эгилувчан жадвал асосида кечаю-кундуз меҳнат қилишади. Аксарият ишчилар оталарининг йўлларини давом этиб келишмоқда. Дарахтлар ва гуллар экилган йўлаклардан иншоотнинг сув тозалаш цехига ўтиб борар эканмиз, атрофнинг ободонлиги инсоннинг кўзини қувонтиради. Цехда  қатъий тозаликка риоя қилинади. “Сувсоз” трести бош муҳандисининг муовини Ғайбулла Эргашевнинг фикрига кўра, иншоотдан узатилаётган сув юз фоиз тозадир. Аммо баъзи ҳолатларда сувнинг бир оз хиралиги, бугунги кунда мавжуд сув узатиш қувурларининг 55 фоизи талабга жавоб бермаслиги оқибатидадир. Мазкур муаммони ечиш учун  35,70 млн. АҚШ доллари миқдорида Ислом тараққиёт банки иштирокида “Тошкент шаҳар канализация тизимини такомиллаштириш” инвестицион лойиҳаси амалга оширилиб,  қувурларни таъмирлаш йўлга қўйилмоқда.

Сув чиқариш иншоотларининг кимёвий-бактериологик лабораторияси кечаю- кундуз фаолият юритиб, унинг ходимлари Тошкент шаҳрига узатиладиган ичимлик сувининг таркиби ҳамда сифатини таҳлил қиладилар. Бундан ташқари  “Сувсоз” шаҳар бошқармасининг лабораториялари 300 та объектларда, яъни болалар боғчалари, мактаблар, бозорлар ва бошқаларда сув назоратини амалга оширишади.

-                     Кимёвий таҳлиллар бир ойда бир марта олиниб, қисқа кимёвий таҳлиллар, яъни сувга турли хил оқава сувларнинг қўшилиши мумкин бўлган жойда бир кунда икки маротаба намуна олиниб, текширилади, дейди биз билан суҳбатда кимёвий-бактериологик лаборатория бошлиғи Фарида Агзамова. -Ҳар  3 соатда олинадиган намуналар сувнинг сифатини кўрсатиб берувчи омил ҳисобланади. Бактериологик таҳлиллар эса бир  кунда бир маротаба, кириб келаётган манбада олинади. Бу таҳлиллар натижасида сувга қай пайтда қанча регентлар қўшиш мукинлигини кўрсатади.

IMG_1242

Иншоот юқори нуқтада жойлашганлиги сабабли тозаланган сув ўз оқими билан келиб шаҳарга узатилади. Айтиш жоизки, пойтахтимизни  тоза ичимлик суви билан мунтазам таъминлаб бериш учун 310 та водопровод-канализация насос станциялари фаолият юритиб, уларнинг аксарияти автоматлаштирилган режимда ишлайдиган замонавий насос агрегатлар бўлиб, улардан фойдаланиш натижасида 2012 йилга нисбатан  электр қувватини ўртача йиллик иқтисод қилишни модернизациялаш  натижасида соатига 5,963 миллион киловатни ташкил этди. Модернизациялаш ишларини давом эттириш ва ЎзР Вазирлар Махкамасининг 2013 йил 25 июндаги “Тошкент шаҳрининг ичимлик суви таъминотива сувоқова тизимига замонавий энергия тежайдиган технологияларни тадбиқ қилиш ва модернизация қурилиш чора-тадбирлари тўғрисида” 179-сонли Қарорининг ижросини таъсинлаш учун “ГРУНДФОС” компанияси билан 3456,1 минг евро миқдорида 239 та агрегат насосларини олиб келиш бўйича келишув имзоланган.

IMG_1256

                          Салор аэрация станцияси  иккиламчи сув манбаи

Канализация сувларини тозалаб, улардан фойдаланиш  бутун дунёда кенг тарқалган. Айниқса кескин сув етишмовчилиги муаммосидан  азият чекаётган давлатлар билан бир қаторда, бир қарашда сув сероб бўлган Европа давлатларида ҳам мазкур усул кенг қўлланилади. Зеро, ичимлик сувидан фақатгина мақсадли фойдаланиш, хўжалик эҳтиёжларига эса иккиламчи тозланган сувларни ишлатиш оби-ҳаёт муаммосини қисман бўлсада ҳал қилишга ёрдам беради.

Тошкент шаҳри ва унинг атрофидаги ҳудудларни канализация сувларининг зараридан муҳофазалаш ва фойдаланган сувни тозалаш вазифасини Салор аэрация станцияси ўтайди. 82 гектар ерда жойлашган иншоатда 240 нафар ишчи меҳнат қилади.

IMG_1258

Унинг тарихига назар ташласак, 1924 йилларда Тошкент шаҳрига “Первенец” номли ичимлик суви етказиб бериладиган станция қурилган. Аммо оқова сувларининг  тозаланиши муаммо бўлиб қолган эди.  Шу сабабли  шаҳар ташқарисида , ҳозирги Сергели тумании Саадий кўчасида, Салор ариғини қирғоғининг бўйига 1935-37 йилларда станция қурилиши бошланиб, 1961 йил 12 апрель куни фойдаланишга топширилган. 1980 йилларга келиб иншоотнинг кучи 970 минг куб сувни тозалаш қувватига эга бўлди. Ҳозирга келиб бир суткада 750-800 минг куб оқова сув қабул қилиниб, тозалаб, зарарсизлантиргач,  Салор ариғига оқизилади ва ундан балиқчилик хўжаликлари фойдаланади.

-Сув бир неча босқичда тозаланади, дейди Салор аэрация станциясининг бошлиғи Камолбой Сарибоев.- Биринчи босқич механик усулда тозалаш бўлиб, унда сувдаги ахлатларнинг барчаси ушлаб қолинади. Сўнг сув каналлар орқали бирламчи сув тиндиргичларга ўтилиб, ундаги ноорганик моддалар  30-40 фоизгача ушлаб қолинади. Биологик тозалаш бўлимида 60 метрли учта секцияли аэротехника мавжуд бўлиб, 805 метрли 7 та секция аэротехника ва 22 та иккиламчи тиндиргичда тозаланади. Ҳавони ҳайдаш бўлимида эса атмосферадаги ҳаво сўрилиб, аэротехника қувурларига тақсимланади. Бунда сувдаги мавжуд органик моддалар нордонлаштирилиб,  тозаланади. Бундан сўнг сув иккиламчи тиндиргичларга ўтказилиб, у ерда сувнинг лойқаси пастга туширилгач, тинган сув каналлар орқали хлорлаш учун каналга жўнатилади.  1996 йилга қадар станцияда сув газсимон хлорда зарарсизлантирилган.  Ушбу модданинг аҳоли соғлиғига зарарини инобатга олиб, 2013 йили гипохларид натрий цехи ишга туширилиб,  сувни зарарлансизтирилиш мазкур кимёвий моддалар билан тозалана бошланди. Бу  жараёнда сувдаги мавжуд паразитлар, бактериялар нобуд бўлади. Чўктирилган лойқа ҳам бир неча маротаба тиндирилиб, зарарсизлантирилиб қуйқа майдонига ташланади. У ердан “Махсустранс” ташкилоти шартномага кўра чиқиндиларни ташқарига олиб чиқишиб кетишади. Ўтган йилдан бошлаб  Ислом тараққиёт банкидан олинган кредитга асосан  тозалаш конструкцияларнинг металл қурилмалари алмаштирила бошланди. Ушбу реконструкция 7 та босқичдан иборат бўлиб, тозалаш жараёни тўхтаб қолмаслиги учун қурилмалар навбатма навбат тўхтатилади.

Албатта аэрация станциясида ҳам кимёвий-бактериологик лаборатория мавжуд бўлиб, сув станциядан чиқиб, Салор ариғига ташланганига қадар кунига бир неча маротаба намуналар олиниб, сув тозалиги таҳлил қилинади. Бу жараёнда оқава сув 80 фоизгача тозаланади.   Бугунги кунда аэрация станцияси аҳоли яшайдиган ҳудудга кириб қолганлиги учун уни 2030 йилгача босқичма-босқич  шаҳар ташқарисига кўчириш лойиҳаси ишлаб чиқилган.

Салор аэрация станцияси ходимларини қийнаётган асосий муаммолардан бири аҳолида экологик маданиятни етишмаслиги, ариқ ва канал бўйида истиқомат қилаётганлар барча ахлатни сувга ташлашлари бўлса, иккинчи муаммо йирик корхоналар томонидан кимёвий зарарланган чиқинди сувларини сув ҳавзаларига оқизишидир. Бундай корхоналарда сувни фильтрлаш қурилмалари мавжуд бўлсада, уларни ишлатишдан кўра, белгиланган жаримани тўлаш уларга арзонга тушмоқда. Натижада атроф-муҳитнинг зарарланиши ортмоқда. Албатта, бу омил аҳолининг соғлиғига ҳам ўзининг салбий таъсирини кўрсатмай қолмайди.

Табиат ҳеч қачон янгилишмайди ва дунёдаги мавжуд сув Ер шарининг аҳолисига етади. Аммо инсониятнинг ундан мақсадсиз, исроф қилган ҳолда фойдаланиши ичимлик сувининг муаммосини келтириб чиқармоқда. Оддий ҳисоб-китоблардан маълумки, Ўзбекистонда аҳоли бир куни атиги 14 литр сувни истеъмол қилиб, қолган 300 литрини ифлослантириб тўкиб ташлайди. Бугунги кунда 1 м3 сувнинг нархи 265 сўм бўлиб, унинг арзонлиги ҳам қисман мазкур муаммонинг келиб чиқишига сабаб бўлмоқда. Яна бир муаммо тоза ичимлик сувининг қишлоқ хўжалигида ишлатилишидир. Мутахассисларнинг фикрига кўра, юртимизда  1900 минг куб сув ушбу мақсадларда ишлатилиб келмоқда, бу эса яна бир марта ҳар биримиздан оби-ҳаётни тежаш ва йилдан йилга кескинлашиб бораётган ичимлик суви муаммосини олдини олишга ўз ҳиссамизни қўшишни талаб этади.

Наргис ҚОСИМОВА.

 

 

 

САМЫЕ ЧИСТЫЕ СТРАНЫ МИРА

 

япония

Проблема экологии во всем мире одна из самых острых. С каждым годом экологически нетронутых  мест на Земле остается все меньше, однако есть еще некоторые страны, которые считаются экологически чистыми. Рейтинг 10 самых экологически чистых стран выглядит так:

1. Возглавляет рейтинг Швейцария. Благодарю строгому законодательству о сохранении окружающей среды, в Швейцарии существует множество кристально чистых рек и озер. Альпийские горы практически не тронуты и наполняют страну чистым воздухом. Около 35% территории Швейцарии занимают леса, а половина страны засажена сельскохозяйственными культурами.

2. Второе место занимает Норвегия. Это горная страна, Скандинавские горы располагаются практически на всей территории страны, и обеспечивают страну чистым горным воздухом. Однако не только горы оберегают чистоту Норвегии, там также действует закон об Охране природы, он был принят еще в 1910 году и действует до сих пор.

3. На третьей ступени рейтинга Швеция. Швеция страна «соседка» Норвегии и славится своими буйными лесами, которые практически не тронуты и занимают больше половины площади страны. Также Швеция богата тундрами и болотами, что обеспечивает ее чистоту.

4. На четвертом месте расположилась Финляндия. Недавно Финляндия завоевала другой рейтинг, стала лучшей страной для жизни. И в плане экологической чистоты не собирает сдавать позиции. Финляндия богата сотнями девственных озер и рек.

5. Пятое место досталось Коста-Рике, одной из самых миниатюрной стран в Центральной Америке. Коста-Рику считают одной из самых заповедных стран во все мире, благодаря заповедникам и государственным паркам. Это одна из немногих стран Америки, которая смогла сохранить первозданные леса и реки. В Коста-Рике можно увидеть многих экзотических животных и пестрых птиц.

6. Шестое место по праву занимает Новая Зеландия. Экология в этой стране одна из наичистейших во всем мире. Природа в этой стране находится под строгой охраной правительства, которые стремятся к тому, чтобы Новая Зеландия заняла ведущее место в мире по чистоте воздуха и природных ресурсов. Она напрямую развивается за счет законов и указов по защите окружающей среды. Для примера, в этой стране введен налог на углерод. В Новой Зеландии можно насладиться захватывающими пейзажами скалистых гор, чистейших озер и горных рек, порадоваться пышной зелени и свежему воздуху.

7. На седьмом месте Япония. В Японии наибольшее число долгожителей, в среднем люди живут до 83 лет, это самый высокий показатель в мире. Этот результат достигается благодаря традициям и чистоты экологии. Власти Японии заинтересованы в экологической чистоте страны и всеми силами оберегают природу. Очищение воды, запрет на пестициды, понижения уровня загрязнения воздуха, вот далеко не полный список мероприятий по поддержанию экологии в Японии.

8. На восьмой ступени расположилась Австрия. Эта страна считается одной из образцово чистых стран в Европе. В Австрии много гор, которые очищают воздух и наполняют его полезными микроэлементами, поэтому он не только чистый, но и полезен.

9. Предпоследнее место занимает Колумбия. Эта Южноамериканская страна богата мангровыми лесами, в которых необычайно разнообразен растительный и животный мир. Национальными растениями этой страны считаются пальмы и орхидеи.

10. Последнее место рейтинга экологически чистых стран занимает Франция. Острова, альпийские горы, равнины и реки, деревенская местность позволяют  Франции оставаться одним из чистых мест во всем  мире. Правительство Франции заботиться о чистоте природы и треть площади страны занята лесами, заповедниками и национальными парками.

Наргис КОСИМОВА