Category Archives: Иқлим ўзгариши

ЧЕМ ОПАСЕН ПАРНИКОВЫЙ ЭФФЕКТ?

2012-05-18-19-31-09

В настоящее время в экологические проблемы, которые волнует человечество можно отнести и парниковый эффект. Говоря о парниковом эффекте, сразу представляется большая теплица, ласковые лучики солнца, проникающие сквозь стекло, ярко-зеленые грядки и достаточно высокая температура внутри, когда на улице еще правит зима. Да, это действительно так, наиболее наглядно этот процесс можно сравнить с тем, что происходит в парнике. Только в роли стекла представлены парниковые газы, которых много в атмосфере, они пропускают и удерживают тепло в нижних воздушных слоях, обеспечивая рост растений и жизнь людей. Сегодня, все чаще, парниковый эффект называют экологическим термином, ставшим катастрофой. Таким образом, природа взывает о помощи, а если ничего не предпринимать, у человечества останется всего 300 лет до неизбежного конца света. Важно понимать, что парниковый эффект на Земле был всегда, без него невозможно нормальное существование живых организмов и растений, да и комфортным климатом мы обязаны именно ему. Проблема в том, что пагубная деятельность человека приняла такие масштабы, которые уже не могут проходить без следа, затрагивая глобальные, необратимые изменения в экологии. А чтобы выжить, населению нашей Планеты нужна такая же глобальная солидарность в решении этого серьезного вопроса.

Сущность парникового эффекта, его причины и последствия

Жизнедеятельность человечества, сжигание миллионов тонн топлива, усиленное потребление энергии, увеличение автопарка, значительный рост количества отходов, объемов производств и так далее, ведет к усилению концентрации парниковых газов в земной атмосфере. Статистика показывает, что за последние двести лет в воздухе углекислого газа стало на 25% больше, за всю геологическую историю такого еще не было. Таким образом, над Землей образуется своеобразный газовый колпак, который задерживает обратное тепловое излучение, возвращая его обратно и приводя к климатическому дисбалансу. С ростом средней температуры у поверхности Земли, возрастает и количество осадков. Вспомните, что на стекле в оранжерее или парнике всегда выступает конденсат, в естественной природе это происходит аналогично. Точно вычислить все губительные последствия этого невозможно, но ясно одно, человек затеял опасную игру с природой, нужно срочно одуматься, чтобы предотвратить экологическую катастрофу.

К причинам, вызывающим обострение парникового эффекта в атмосфере, относят:

- хозяйственную деятельность, которая меняет газовый состав и вызывает запыленность нижних воздушных слоев Земли;

- сжигание углеродосодержащих видов топлива, уголь, нефть и газ;

- выхлопные газы автомобильных двигателей;

- функционирование теплоэлектростанций;

- сельское хозяйство, связанное с излишним гниением и переизбытком удобрений, значительным приростом поголовья скота;

- добычу природных ископаемых;

- выброс отходов быта и промышленных производств;

- вырубку лесов.

Удивительно, но факт, что воздух уже перестал быть возобновляемым природным ресурсом, каковым оставался до начала интенсивной человеческой деятельности.

Последствия парникового эффекта

Самым опасным последствием парникового эффекта считается глобальное потепление, которое ведет к нарушению теплового баланса на Планете в целом. Уже сегодня каждый из нас ощутил среднее увеличение температуры на себе, феноменальная жара в летние месяцы и внезапные оттепели в середине зимы, это пугающий феномен, как следствие глобального загрязнения атмосферы. А засухи, кислотные дожди, суховеи, смерчи, ураганы и другие стихийные катаклизмы, в наши дни стали страшной нормой жизни. Данные ученых свидетельствуют о далеко не утешающих прогнозах, каждый год температура возрастает почти на один градус, а то и больше. В связи с этим усиливаются тропические ливни, растут границы засушливых территорий и пустынь, начинается бурное таяние ледников, исчезают площади вечной мерзлоты и значительно сокращаются территории тайги. А это значит, что резко снизятся урожаи, обжитые площади затопятся водой, многие животные не смогут приспособиться к быстро меняющимся условиям, поднимется уровень Мирового океана и изменится общий водно-солевой баланс. Страшно, но нынешнее поколение может оказаться свидетелями самого быстрого потепления на Планете Земля. Но, как показывает мировая практика, для некоторых уголков глобальное потепление несет и положительный эффект, давая возможность развиваться сельскому хозяйству и скотоводству, эта ничтожная польза теряется на фоне массового отрицательного воздействия. Вокруг парникового эффекта бушуют дебаты, проводятся исследования и испытания, люди ищут пути снижения его губительного влияния.

Современные способы решения проблемы

Выход из сложившейся ситуации один: изыскать новый вид топлива, либо в корне поменять технологию использования существующих разновидностей топливных ресурсов. Уголь и нефть при сгорании выделяют на 60% больше диоксида углерода, активного парникового газа, чем любое другое топливо для производства единицы энергии.

Что нужно сделать, чтобы убежать от угрозы парникового эффекта:

- сократить потребление ископаемого топлива, особенно угля, нефти и природного газа;

- использовать специальные фильтры и катализаторы для удаления диоксида углерода из всех выбросов в атмосферу;

- повысить энергетический КПД теплоэлектростанций за счет использования скрытых экологичных резервов;

- увеличить использование альтернативных источников энергии, ветра, солнца и так далее;

- прекратить вырубку зеленых насаждений и наладить целенаправленное озеленение;

- остановить всеобщее загрязнение Планеты.

Сейчас идет активное обсуждение таких мер снижения антропогенного воздействия, как регулярное удаление углекислого газа из атмосферы, путем использования высокотехнологичных устройств, сжижать и нагнетать его в воды Мирового океана, тем самым приблизиться к естественной циркуляции. Пути решения проблемы есть, главное, взяться за это всем вместе, населению, правительству и подрастающему поколению, и провести огромную, но такую полезную, работу по очищению матушки-Земли. Пора прекратить потребительское отношение и начать вкладывать силы и время в свое будущее, светлую жизнь следующих поколений, пришло время отдавать природе то, что мы у нее регулярно забираем. Нет, сомнения, что гениальное и предприимчивое человечество справится и с этой, очень сложной и ответственной задачей.

Наргис КОСИМОВА

ГЕРМАНИЯ РИВОЖЛАНАЁТГАН МАМЛАКАТЛАРНИНГ ЭКОЛОГИК ДАСТУРЛАРИНИ ҚЎЛЛАБ-ҚУВВАТЛАЙДИ

merkel

“2020 йилгача биз ҳавога зарарли чиқинди газларни чиқариб ташлашни  40 фоизгача камайтиришимиз зарур. Ҳозирда биз энергетик самарадорлик бўйича тадбирларни ҳаётга тадбиқ этмоқдамиз. Индустриал мамлакатлар ҳаётга янги технологияларни киритишмоқда. Биз  ривожланаётган мамлакатларга уларнинг ўз иқтисодиётини ривожлантиришларига ёрдам бераётган эканмиз, иқтисодиёт маълум даражада улар экологиясига салбий таъсир кўрсатади, шунинг учун ҳам биз бу мамлакатларни экологик дастурларни амалга оширишимиз зарур”, деди Германиянинг федерал  канцлери Меркель хоним.    Париж шаҳрида Бирлашган Миллатлар Ташкилотининг иқлим ўзгариши бўйича Конвенциясининг 21-саммитида Германия раҳбарининг қилган баёноти анжуманда қатнашаётган 150 та давлат раҳбарлари ичида олқишга сазовор бўлди. 29 ноябрда иш бошлаган саммитнинг барча 195 иштирокчи давлат вакиллари икки ҳафта давом этган қизғин музокаралардан сўнг, 12 декабрь куни 2020 йилдан кейин буғхона газлари миқдорини камайтириш ҳамда глобал исишни бартараф этиш, углерод манбаи ўрнига қайта тикланувчи энергия манбаларидан кенг миқёсда фойдаланишга тезкорлик билан ўтиш юзасидан қатъий чора-тадбирлар ўтказишни назарда тутувчи БМТнинг янги доиравий келишувини маъқуллади. Мазкур ҳужжат 2016 йилнинг 22 апрелида Бирлашган Миллатлар Ташкилотининг Нью-Йорк шаҳрида жойлашган штаб-квартирасида имзоланиши кўзда тутилган. БМТ Бош котиби Пан Ги Мун конференция якуни бўйича нутқ сўзлар экан, Парижда тузилган келишув инсоният ва сайёрамиз учун катта ютуқ бўлганини, уни бажаришга киришиш лозимлигини таъкидлади. Шунингдек, Бош котиб иштирокчи давлатлар 2100 йилга қадар ҳароратнинг глобал ўсишини Целсий шкаласи бўйича 2 даражадан паст ҳолатда ушлаб туриш мажбуриятини олганини қайд этди. Унинг сўзларига қараганда, бу айниқса, Африка, кичик ороллар ҳамда нисбатан кам ривожланган мамлакатлар учун ниҳоятда муҳим.

Табиатда буғхона газлари камайишини тезлаштириш учун конференцияда иштирок этаётган давлатлар ўз зиммаларига янги мажбуриятлар олмоқда.

Германия атроф-муҳитни муҳофазаси федерал вазири Барбара Хендрикс Германия ҳам мазкур ҳужжатга ўз улушини қўшди. Яъни Германия делегацияси ҳужжатни имзоланишига ижобий таъсир кўрсатди.

-     Биз барчамиз бугун тарихга  ўз улушимизни қўшдик, деди Хендрикс хоним. Унинг фикрича,  миллардлаб одамлар  узоқ вақт ҳамжамият фаолият кўрсатишини кутган эди. Бугун ана шу кун келди. Аммо олдин ишлаб чиқилган иқлим ўзгаришини олдини олиш бўйича ишлаб чиқилган миллий дастурлар амалдаги муаммони бартараф этиш учун етарли эмасдир. Чунки келажакда ҳар бир мамлакат умумий мақсадга қўшадиган ҳиссасининг ҳажмини ўзи белгилаши керак.

Хендрикс хонимнинг ушбу гапларини Мюнхендаги Иқтисодий тадқиқотлар  институтининг раҳбари  Ханс-Вернер Зинн танқид остига олди: «Келишув асосан ахлоқий чақириқлар ва асоссиз ваъдалардан иборат, деди у. – Унда муаммони хал этиш  механизми ва йўллари кўрсатилмаган».  Ўз навбатида Экология ва табиат муҳофазаси Федерал уюшмасининг раиси Хуберт Вагнер бу гапларга  аниқлик киритди:”Парижда имзоланган келишув ҳарорати билан аксарият мамлакатларнинг иқлим ўзгаришини олдини олиш  бўйича амалга ошираётган реал сиёсатининг ўртасида катта фарқ  мавжуд. Ҳозир мазкур муаммо дунёдаги барча давлатларга тегишли. Чунки  юз йилликнинг иккинчи ярмида атмосферага чиқариладиган газларнинг миқдори икки баробарга камайиши лозим. Буни ўрмонларни кўпайтириш орқали ҳам амалга оширса  бўлади”.

Германи ривожланаётган давлатларга экологик дастурларни амалга оширишда ёрдам бериши учун  индустриал жиҳатдан ривожланган мамлакатлар уларга  2025 йилгача  ҳар йили 100 миллиард АҚШ доллари (91 миллиард евро) бериб туришлари зарур. 2025 йилдан сўнг маблағ миқдорини яна ошириш зарур.

-Бу биз кутган энг яхши натижадир, деди анголалик Гиза Гаспар Мартинс.- Мазкур ҳужжат яна миллий даражада ҳам тасдиқланиши лозим.

Айтиш жоизки бугунги кунда Германия  атроф муҳитни муҳофаза қилиш бўйича етакчилик қилмоқда. Федерал ҳукумат 2020 йилгача  буғ газларининг ҳавога чиқарилишини  1990 йилга нисбатан 40 фоизга камайтириш ниятида.

Иқлим ўзгаришини олдини олишга бағишланган Киот протоколининг муддати 2012 йилда тугаган эди. Айни пайтда унинг муддатини узайтириш бўйича  музокаралар олиб борилмоқда. Ҳар бир давлат бугунги кунда Она сайёрамиз ва инсониятнинг келажак авлоди ҳақида ўйлаб иш кўриш вақти етди.

Наргис ҚОСИМОВА

07TH_AIR_POLLUTION_886689f

ИФЛОСЛАНГАН ҲАВОНИНГ ТИРИК ОРГАНИЗМЛАРГА ТАЪСИРИ

 Саноат кундан кунга ривожланиб бормоқда. Айниқса, катта шаҳарларда бу ўзгача тус олмоқда. Ҳавоси тутун, қурум ва чанглар билан қопланган шаҳарларда қуёшдан келаётган нур камаяди. Давоми

ВУЛҚОНЛАР ВА ИССИҚ БУЛОҚЛАР ҚАЕРДАН ПАЙДО БЎЛАДИ?

Vulkan_2                 Вулқoнл. Ер қoбиғини тaшкил eтгaн тoғ жинслaридa қaндaйдир миқдoрдa рaдиoaктив мoддaлaр бoр. Бу мoддaлaр пaрчaлaниш вaқтидa иссиқлик бeрaди. Бу иссиқлик эса Ер бaғридa тўплaниб, сeкин-сeкин улaрни қиздирaди. Oдaмлaр чуқур шaxтaлaр тубидa тoғ жинслaри тeмпeрaтурaси юзaдaги жинслaргa қaрaгaндa aнчa юқoри eкaнлигини aллaқaчoнлaр пaйқaгaнлaр. Бaъзи шaxтaлaрдa ишлaш мумкин бўлмaй қoлгaнлиги туфaйли улaрни тaшлaб қўйишгa тўғри кeлгaн, чунки у ердa ҳaвo тeмпeрaтурaси 50ْ  вa ундaн oртиқ грaдусгa эга. Қудуқдaн нeфт фoнтaн бўлиб oтилиб чиққaнидa у oқиб чиқaдигaн тeмир трубaгa қўлни тeккaзиб бўлмaйди. Трубa шу қaдaр қизиб кeтaди.

Ер шaрининг бaъзи жoйлaридa тoғ жинслaри бир нeчa минг грaдус қизиб кeтaди, лeкин унинг устидa ётгaн ер қaтлaмлaрининг жудa зўр бoсими туфaйли улaр ҳaр қaлaй қaттиқ ҳoлдa қoлaвeрaди. Ер қoбиғидa дaрз пaйдo бўлгaн пaйтдa эса бoсим пaсaйиб, чуқурликдaги жинслaр eриб, oлoвли суюқ мaссaгa aйлaнaди, бу эса лaвa дeб aтaлaди. Лaвa чуқур дaрзлaр oрaсидaн кўпинчa юқoригa кўтaрилиб Ер юзaсигa тoшaди. Лaвa сoвиб, қoтиб вулқoн кoнусини ҳoсил қилaди. Вулқoн кoнуси лaвa oтилaвeргaн сaйин тoбoрa бaлaндлaшиб бoрaди. Лaвa oтилиб чиқaдигaн вулқoн кoнуси чўққисидaги тeшик вулқoн крaтeри дeб aтaлaди. Oтилиб тургaн eнг бaлaнд вулқoнлaрдaн бири – Кaмчaткa йaрим oрoлидaги Ключисoпкaсидир. Унинг бaлaндлиги дeнгиз сaтҳидaн 4 750 м. Бу ярим oрoлдa сўнгaн вулқoнлaр кўп.

vulkan_majon_izverzhenie

Ер юзaсидa жaми 600 дaн oртиқ ҳaрaкaтдaги вулқoнлaр бoр, сўнгaнлaри бундaн aнчa кўп. Инсoнийaт тaриxидa вулқoннинг oтилгaнлиги тўғрисидa дaлoлaт бўлмaгaн вулқoнлaр сўнгaн вулқoнлaр ҳисoблaнaди. Кaвкaз тoғлaридaги eнг бaлaнд Eлбурс чўққиси (5 642 м) – сўнгaн вулқoндир. Кaзбeк ҳaм шундaй вулқoн ҳисoблaнaди. Нa қaдимги ривoйaтлaрдa, нa сoлнoмaлaрдa Eлбурс билaн Кaзбeкнинг oтилгaнлиги тўғрисидa ҳeч қaндaй гaп йўқ. Чaмaси бу вулқoнлaр жудa қaдим зaмoнлaрдa oтилгaн бўлсa кeрaк.

Сўнгaн вулқoнлaр тўсaтдaн oтилa бoшлaгaнлигигa дoир мисoллaрни кўплaб кeлтириш мумкин. Мaсaлaн, Вeзувий вулқoни нeчa минг йиллaр aввaл сўнгaн ҳисoблaнaр eди. Лeкин eрaмизнинг 79-йилидa у oтилa бoшлaгaн. Ер oсти силкинишлaри туфaйли бинoлaр қулaб тушгaн, крaтeрдaн чиққaн вулқoн куллaри булутдeк йoғилгaн,  oдaмлaр кўз ўнгидa дaлaлaр, қишлoқлaр вa ҳaттo шaҳaрлaрни кўмиб юбoргaн. Бир қaнчa вaқтдaн кeйин крaтeрдaн oлoвли суюқ лaвaнинг қудрaтли oқими тoшиб, вулқoн йoн бaғри бўйлaб, сeкин-сeкин пaстлaшиб, йўлдaги ҳaммa нaрсaни куйдириб бoргaн. Aнa шу фoжиa нaтижaсидa 3 шaҳaр вa кўпдaн-кўп қишлoқлaр лaвa вa кул қaтлaми oстидa қoлгaн, ўн минглaб кишилaр ҳaлoк бўлгaн.

Йиллaр ўтaвeрди вa зичлaшиб бoргaн кул вa сўниб қoлгaн лaвaлaр устидa унумдoр тупрoқ пaйдo бўлди, бaрқ уриб ўсимликлaр ўсиб чиқди, йaнги қишлoқлaр вужудгa кeлди. Oдaмлaр ўз тaглaридa кўмилиб кeтгaн шaҳaр вa қишлoқлaр бoрлигини билмaдилaр ҳaм. Бундaн юз йиллaр муқaддaм Вeзувий йaқинидa йaшaгaн бир дeҳқoн ўрa қaзийoтиб мaрмaр ҳaйкaл бoшини тoпиб oлди. Oдaмлaр унинг қaндaй қилиб ер oстигa тушиб қoлгaни билaн қизиқиб қoлишди, ерни йaнa чуқур кoвлaшaвeрди. Идиш-тoвoқлaр, турли aсбoблaр, уй-рўзғoр буюмлaри тoпишди. Кoвлaйвeриб бир уйнинг дeвoрини, кeйин иккинчи бир дeвoрини тoпишди, тeз oрaдa бутун бир кўчaни кул вa лaвaдaн ҳaлoс eтишди. Шундaй қилиб 2000 йиллaр муқaддaм кўмилиб қoлгaн қaдимги Пoмпeй шaҳри oдaмлaр кўз ўнгидa нaмoйoн бўлди. Ҳoзирдa бу шaҳaр қaзиб бўлингaн вa унинг кўчaлaри бўйлaб сaййoҳлaрлaр тoмoшa қилиб юрaдилaр.

1944-йил мaрт oйидa Вeзувийдa йaнa кучли вулқoн oтилди вa йaнa лaвa oқимлaри бир нeчa қишлoқни вa бир шaҳaрни вaйрoн қилди.

Вулқoн кoнуслaри фaқaт қуруқликдa эмaс, бaлки oкeaн вa дeнгизлaрнинг тубидa ҳaм ҳoсил бўлaди. Кўпинчa дeнгизчилaр сув oсти вулқoнининг oтилгaнигa шoҳид бўлaдилaр. Шундa сув oсти вулқoни крaтeри устидaги oкeaн суви қaйнaб, кўпириб, биқиллaйди. Кўпинчa сув oсти вулқoни oтилaгнидaн кeйин oкeaндa йaнги oрoл пaйдo бўлaди. Бу дeнгиз oстидa пaйдo бўлгaн вa чўққиси сув юзaсигa кўтaрилиб чиққaн вулқoн кoнусидир. Вaқти кeлиб бу oрoл тупрoқ қaтлaми билaн қoплaниб, ундa ўсимликлaр, ҳaйвoнлaр пaйдo бўлaди вa ҳaттo oдaмлaр йaшaй бoшлaйди. Кaмчaткaдaн Йaпoнийa oрoллaригaчa зaнжирдeк тизилиб кeтгaн Курил oрoллaрининг aксaрийaти сўнгaн вулқoнлaрнинг кoнуслaридир. Бу oрoллaрдa ўнлaрчa қишлoқлaр, шaҳaрлaр, сaнoaт кoрxoнaлaри бoр.

Ер шaридaги бaрчa вулқoн  кoнуслaрининг қaрийб ярмиси Тинч oкeaн сoҳиллaри вa oрoллaридaдир. Улaр Тинч oкeaн oлoвли ҳaлқaсини ҳoсил қилaди. Бу ҳудуддa ер қoбиғидaги чуқур ёрилгaн жoйлaр кўп, лaвaлaр aнa шу ёриқлaр oрaсидaн oтилиб чиқaди.

zealand_4

Иссиқ булoқлaр. Ҳaрaкaтдaги вa сўнгaн вулқoн рaйoнлaридa кўпинчa иссиқ булoқлaр учрaйди. Бу булoқлaр ё ер қoбиғидaги дaрзлaр oрaсидaн бeмaлoл oқиб чиқиб турaди, ёки ер oстидaн фoнтaн бўлиб oтилиб чиқaди. Бу эса ўшa ердa, чуқурликдa ҳaли сoвумaгaн мaгмa бoрлигидaн дaрaк бeрaди. Мaгмa ер oсти сувлaрини иситaди, бу сувлaр булoқ бўлиб йoки фoнтaн бўлиб ер юзaсигa чиқaди. Иссиқ сув фoнтaнлaри ( улaрни гeйзeр дeб aтaшaди ) бaъзaн ўнлaрчa мeтр бaлaндликкa етaди. Кaмчaткa, Курил oрoллaри, Ислaндия вa бoшқa вулқoнли ҳудудлaрдa гeйзeрлaр вa иссиқ булoқлaр кўп.

Н.Қосимова

Қўшалоқ китлар

indexКалифорния яримороли жанубидаги Охо-де-Льебре кўрфазидан бири-бирига қўшилган ҳолда туғилган эгизак кулранг кит болаларининг жасади топилди.

Уларга маҳаллий “Guerrero Negro Verde” экология ташкилоти хизматчилари дуч келишган.

Эгизакларнинг бўйи икки метрдан бир оз узун. Аслида эса кулранг китларнинг боласи 3,5 метрдан 5 метргача узунликда туғилади. Шу боис олимлар улар муддатидан олдин дунёга келганини тахмин қилишмоқда. Кит болаларининг ўлимига нима сабаб бўлгани ҳақида маълумотлар йўқ.
Шу пайтгача финвал, сейвал ва бошқа баъзи кит турлари орасида сиам эгизаклари борлиги аниқланган эди. Калифорния кулранг китлари ичида бундай ҳолат биринчи бор кузатилмоқда.

Н.Қосимова

Осмоннинг оқ пардаси

16 сентябрь—Халқаро озон қатламини ҳимоя қилиш куни

o3

Болалигимда борлиқҳадсиз осмон чексиздай туюларди. Бағрига болалигимни яширган чўлнинг осмони тиниқ кўк, келинчакнинг мовий шоҳи рўмолидай кўркам бўларди. Даштнинг кенг далаларида баҳор кезлари самога тикилишни, ўркач-ўркач булутларни соатлаб кузатишни яхши кўрардим. Онам табиатан камгап, серфикр, сермулоҳаза, оқила аёл эди. Менинг осмон ҳақидаги қизиқишларим, болаларча ўй-хаёлларимни эшитиб, «осмоннинг оқ шоҳиси», «осмоннинг оқ пардаси» ҳақида ҳикоятлар айтиб берарди. Жаннати онам бу ҳикояни ўзи тўқиганми ёки бировдан эшитганми, билмайман.

Унинг матал қилишича, қадимда бир онанинг тўққиз ўғли бир қизи бўлган экан. Ўғиллар улғайиб отасидан қолган мол-мулк, ўрмонни, сувни бўлиб олишибди. Қобил ўғиллар юртини боғу бўстон қилибди, фақат бир нодони ўрмонга эга чиқиб, дарахтларни кесиб, ёғоч қилиб сотибди. Ногаҳон нодон ўғил ёққан гулхандан ўрмон ёниб, осмонни тутун қоплаб, тунда ой, юлдузлар кўринмай қолибди. Ёлғиз қизи Ойдиной даштга чиқиб, яратгандан оловни ўчиришини сўрабди. Шунда шаррос ёмғир қуйиб, ўрмонда яна ниҳоллар, дала-даштда кўклик униб чиқибди. Ва чақмоқдан овоз келибди «Осмон билан ер орасидаги пардани олов тешибди…» Ойдин қиз шоша-пиша севгилиси тортиққилган оқ рўмолини шамолга учирибди. Шу-шу қизнинг рўмоли осмоннинг оқ пардасига айланибди.

Онам айтган ўша жўнгина эртак, “осмоннинг оқ пардаси” ҳақида ҳали-ҳануз ўйлаб юраман. Рости, онам менга осмонни англатганми, осмон онамни эслатадими, англай олмайман…

Англаган ҳақиқатим, осмоннинг оқ пардаси, бугун ўйласам, одамзоднинг тириклик тиргаги, онамнинг жайдари қилиб айтгани озон қатлами экан-да…

Онам айтган чақмоқ, чақнаб яна борлиқ кўк тусга киргани мени кўп ўйлантиради. Ривоятларда ҳақиқат борми? Фанга маълумки, озон момақалдироқ бўлиб, чақмоқ чаққанда, ултрабинафша нурларнинг кислородга таъсири оқибатида ҳосил бўлади.

Сайёрамизнинг ҳаво қобиғидаги кислород ҳавосидан доимий равишда озон пайдо бўлиб туради. Атмосферанинг юқори қатламлари ердан 20-40 километр баландликда озон ҳосил бўладиган табиий макон ҳисобланади. Ернинг стратосфера қисмида озон энг кўп тўпланади ва озон қатламини ташкил қилади. Олимларнинг таъкидлашича, атмосферада мавжуд бўлган озон миқдори уч миллиард тоннадан иборат бўлиб, у ҳавонинг миллиондан уч фоизини ташкил этар экан.

Афсуски, инсоният ўтган асрда осмонни саноат чиқиндилари, ис гази билан ифлослантирди. Бензин билан ишлайдиган автомобиллардан чиққан газлар, завод ва фабрикалардан ҳавога «ташланган» тутунлар… Оқибатда осмонимизнинг “оқ пардаси” йиртилди, туйнуклар ҳосил бўлди. Натижада ер юзидаги ҳаётни қуёш нуридан «паналаб» турувчи озон туйнукларидан офтобнинг ўткир ултрабинафша нурлари тикка ерга туша бошлади.

Қадимшунос олимларнинг ёзишича, ҳаёт даставвал Дунё океани сувларида кислородсиз муҳитда пайдо бўлган экан. Ер атмосферасини ёриб ўтган ўткир ултрабинафша нурлар узоқ давр мобайнида, тахминан, икки миллион йил давомида, қуруқликда ҳаёт ривожланишига йўл бермаган. Озон тахминан 620 миллион йил аввал пайдо бўлган, деб айтилади. Биз биламизки, борлиқда (ер билан само оралиғида) озон қатлами вужудга келгач, инсоният дунёга келган.

Бугунга келиб ўз томига ўзи «тош» отган одамзод бунинг олдини олиш учун қайғуряпти. Чунки ҳозирда экологик вазият анча мураккаблашиб боряпти. Аҳамият берган бўлсангиз, бугун дунёда одамлар қуёш нурларидан кўзининг тўр пардаси хиралашиши, ултрабинафша нурларнинг тана терисига салбий таъсири — сўгал ва ўсмалар пайдо бўлиши, қон-томирларга таъсир қилиши, иммунитет пасайиши каби хасталиклардан азият чека бошлади.

«Озон туйнуги» — озон қатламининг тешилишига экологларнинг таъкидлашича, вулқонларнинг отилиши ҳам жиддий сабаб бўлаяпти. Чунки вулқон отилганда таркибида олтингугурт бирикмалари бўлган газлар ҳавога тарқалади. Олтингугурт ҳаводаги бошқа газлар билан аралашади ва озон қатламини емирувчи сулфатларни ҳосил қилади.

Ёдга олинг-а, 1991 йили Пинатубо вулқони отилиши ҳавода сулфатларнинг кескин ошишига олиб келганди. Афсуски, кейинги ярим асрда авиация, космик ракеталар ҳам озон қатламига салбий таъсир эта бошлади. Товушдан тез учадиган самолётдан азот оксиди отилиб чиқади ва стратосфера озонига таъсир этади. Олимлар 1994 йилнинг 17 октябрида Антарктида устида пайдо бўлган»озон туйнуги»ни тасвирга туширган эди.

Сайёрамизда энг катта «осмон туйнуги» Ернинг жанубий ва шимолий қутбларида қайд этилган. 1957 йилдан бошлаб мутахассислар шу тешикни Халли қўлтиғи, Антарктика, Британия антарктик станциясида кузатдилар. Олимлар сўнгги пайтларда озон туйнуги сайёрамизнинг жанубий ярим шарида ҳам шакллана бошлайди, дея талқин этаяптилар.

Дунё экологлари Арктика устида ҳам «озон туйнуги»нинг ҳосил бўлганини аниқладилар. Уларнинг илмий тадқиқотлари Арктикада қиш мавсумининг охири ва эрта баҳорда стратосферада озон ҳажмининг 10-15 фоизи йўқолиб бораётганини кўрсатяпти. Афсуски озон фақат қутб минтақасидагина камайди, деб бўлмайди. Маълум бўлишича, сайёрамизнинг шимолий ярим шари устида охирги 30 йил ичида озон концентрацияси 3-5 фоизга пасайган. Шунингдек, Ернинг жанубий ярим шарида озон қатламининг сийраклашиши экватор зонасида ҳам кузатилган. Илмий ҳисоб-китобларга қараганда ер юзида ёнган маҳсулотларнинг атмосферага ташланиши оқибатида 1500 тоннадан ортиқ озон йўқолишига олиб келади.

Ўтган асрнинг 30-йилларидан турмушимизга совутгич ускуналар кириб кела бошлаган эди. Совутгич таркибидаги фреонлар озон қатламини емирувчи моддалар сирасига киради, яъни совутгичлар ҳам осмонимизни “тешиш”га ҳисса қўшди.

Маълумки, Монреал Протономи қабул қилингач, унда қатнашувчи мамлакатлар совутгичлар ишлаб чиқаришда озонни емирувчи фреонлардан воз кечиш йўлини танладилар. Ривожланган мамлакатлар электр энергиясини тежайдиган совутгичларни ишлаб чиқаришни йўлга қўйди. Жумладан, бизнинг республикамиз ҳам.

Осмоннинг оқ пардаси одамзоднинг ҳаётини муҳофазалайдиган неъматдир. Чунки озон қатлами қуёшдан келаётган инфрақизил нурларнинг бир қисмини ютиб, тириклик учун керакли миқдордаги қулай ҳароратни сақлаб туради.

Бир қарашда “озон туйнук”лари дунёда бугун рўй бераётган терроризм, хунрезликлар, табиий офатлар, дарёларга узоқни ўйламай, ўзбошимчалик билан тўғон солишлар олдида “бироз юмшоқ” ҳодисадай туюлиши мумкин. Аммо…

Сўнгги вақтларда жаҳон тиббиёти “одамда иммун танқисликнинг олдини олиш” керак, дея жар соляпти. “Озон туйнук”лари эса тирик мавжудотларда иммунитет пасайишига ва унинг танқислигига олиб келишини олимлар таъкидламоқда. Шуниси қизиқки, инсон ўз соғлиги илдизига ўзи “болта” уриб ҳосил қилган “озон емирилиши”га лоқайдгина муносабатда бўлади. Ортиқча ултрабинафша нурланиш минтақасида жойлашган худудларда, айниқса, ёз фаслида нурланишнинг салбий таъсири кучаяди. Ваҳоланки, ўткир қуёш нурлари кўз гавҳарини хиралаштиради, катаракта хасталигини келтириб чиқаради.

Озон қатламининг емирилиши терисига, ДНК тузилишига салбий таъсир этади, турли тери хасталикларини келтириб чиқаради. Агар ҳавода мавжуд озон қатлами 10 фоизга камайса, ушбу касалланиш кўрсаткичи 26 фоизга ортади.

Дунё олимлари “озон туйнук”ларидан сақланишнинг чора-тадбирларини яратишяпти. Бу борада жуда кўп ишлар қилиняпти. Аммо одамзод ўз соғлиги устида ўзи қайғурибгина қолмай, уни бартараф этишга озми-кўпми ҳиссасини қўшиш устида ҳам қайғурса… фойдадан ҳоли бўлмайди-да.

Одатда, биз экологик муаммоларнинг сабабини узоқдан ахтарамиз. Ҳаво атроф-муҳитнинг ифлосланиши, сувнинг буғланишига олиб келадиган ҳодисаларни кўриб, бундай ҳолатга лоқайдмиз. Баъзан биз шаҳарликлар маиший чиқиндилар орасига истеъмолга яроқсиз бўлиб қолган лампочкаларни қўшиб ташлаб юбораверамиз. Ваҳоланки, лампочкалар синганда атроф-муҳит, ҳавони заҳарлашини, озон қатламини емирадиган газларга айланишини билсак-да, барибир ташлайверамиз.

Мана, баҳор фасли эшик қоқиб турибди. Ҳадемай кунлар исиб, аҳоли яшаш жойлари, мактаб, боғча, ташкилот, идора, жамоат жойларида ободончилик ишлари саранжомлай бошланади, маиший чиқинди, шох-шабба, баргларини тўплаб орасталик ўрнатилади. Баъзилар, айниқса, хонадонларидан чиққан япроқларни ёқиб юборадилар. Мутахассисларнинг таъкидлашича, бир тонна хазон ёнганда атмосфера ҳавосига 30 килограмм углерод оксиди ташланади. Ёки битум ёқилганда ундан ажралиб чиққан қурум инсон организмида сил ва саратон касалликларини келтириб чиқаради.

Қишлоққа борганимда кўп кузатганман. Одамлар ёз ойларида пана-пастқам, паст-баланд жойларда қовжираб қолган ўт-ўланни, ҳосилдан бўшаган майдонлардаги пояларни ёқиб юборишади. Сўрасангиз: “Ким билади, одамлар айтади-ки, ёқилса ер ости ва устидаги ҳашаротлар йўқолиб, янаги йили ҳосил мўл бўлармиш…”, дейишади мужмал қилиб.

Аслида-чи, ҳисоб-китобларга қараганда, 1 гектар майдонда дон пояси ёки бошқа чиқинди ёнганда атмосфера ҳавосига 500 грамм азот оксиди, 379 грамм углеводород, 3 килограмм кул, 20 килограмм ис гази ва углерод оксиди (СО) гази ташланади. Оқибатда “одамлар айтганидай”, эртага шу майдондан мўл ҳосил олиш ўрнига, тупроқ структураси бузилиб, эрозия кучаяди…

Отам ер “тили”ни билган инсон бўлганиданми, бир ҳовуч тупроқ, бир қарич ернинг зое кетишига йўл қўймасди. “Тупроқнинг ҳам заволи тутади” дерди оловда куйган далани кўрса…

Билмадим, тараққиётми, сершовқин шаҳарда яшаб дийдамиз қотиб кетяптими, ҳар ҳолда кўп нарсага эътибор бермаймиз. Биз шаҳарликлар, соф ҳаво нақадар зарурлигини биламиз, ҳаммасини тушунамиз, аммо лоқайдлигимиз бор-да… Бир чеккаси “озон қатламини” асраш учун катта-катта ишлар қилиш керак, деб яна ўзимизни оқлаб, юпатиб ҳам қўямиз.

Осмонни сиз ва биз, ҳаммамиз асраймиз. Йўқса, бир кун келиб осмон ҳам одамзодни “ўз ҳукмига солиши” мумкин эмасми!

Яқинда болаликни излабми, қўмсабми, Мирзачўлга бордим. Ота уйим устидаги бир парча осмонга узоқ-узоқ тикилдим. Назаримда, у бироз мункайиб қолгандай, бошимга соябондай… Осмон юзидан нигоҳларимнинг изини топгандайман… Қўлларим беихтиёр бошим узра сирпанади, сочларимда сирғанади. Ўйлаб қоламан, “Оҳ қанийди, Ойдин қизнинг оқ шоҳи рўмоли бўлсаю, осмоннинг юзига оппоқ ҳарир парда қилиб тортиб қўйсам…”

 

Саида Сайҳун

Ўрмонлари энг кам бўлган давлат

maldives_007

Тез орада сув тагида қолиб кетиш эҳтимолига эга бўлган давлат Мальдив ороллари ҳисобланади. Сайёрамиз иқлими кўтарилиб глобал исиш туфайли Мальдив ороллари йил сайин чўкиб бормоқда.

Энг кўп соат поясларини ўз ичига олган мамлакат Франция ҳисобланади. Франциянинг барча ҳудудларини инобатга олганда ушбу мамлакат 12 та соат поясларида жойлашганлигини кўриш мумкин. АЈШ 11та, Россия 9та соат поясига эга.

Йўллари маржонлардан (коралл) қурилган дунёдаги ягона мамлакат Гуамдир. Бу ерда табиий қум бўлмаганлиги сабабли гуамликлар коралл ва нефтни аралаштириб йўл қуришга мажбурдир.

Кўлларга бой бўлган мамлакат — Канада. Дунё кўлларнинг 60 фоизи айнан ушбу мамлакатда жойлашган. Мамлакат ҳудудининг 9 фоизини 3 000 000дан ортиқ кўллар эгаллаган.

* * *

Дунёнинг энг қуруқ мамлакати – Ливиядир. Ливия ҳудудининг 90 фоизи чўлларга тўғри келади. Мамлакатнинг баъзи бир ҳудудларида ўн йиллаб ёмғир ёғмас экан.

* * *

Наркотик моддаларни энг кўп етиштирадиган мамлакат Афғонистондир. Бу ерда дунёдаги наркотик моддаларнинг 95 фоизи ишлаб чиқариларди.

* * *

Сибирда дунё ўрмонларининг 25 фоизи жойлашганлиги учун ушбу ҳудуд дунёдаги энг кўп кислород ишлаб чиқарувчи ҳудуд ҳисобланар экан.

* * *

Ўрмонлари энг кам бўлган давлат Гаитидир. Бу ерда ўрмонлар деярли қолмаган.

* * *

Global Peace Index маълумотига кўра дунёдаги энг нотинч мамлакат аҳолиси Сомали ҳисобланар экан. Ушбу мамлакат доимий равишда уруш ҳолатида туради.

* * *

Дунёдаги энг ўқимишли давлат Канада ҳисобланар экан. Бу ернинг 50 фоиз аҳолиси олий маълумотга эга. Бу борада иккинчи ўрин Исроилга (45 фоиз) ва учинчи ўрин Япония (44 фоиз)га тегишли.

* * *

Туғилиш кўрсаткичи бўйича дунёда биринчи ўринда турадиган давлат Мальта ҳисобланади. Ушбу мамлакат бир қатор эмиграция (муҳожирлик) тўлқинларни бошидан кечирди. Бу ҳолат, ҳозирги кунда Мальта ҳудуди ташқарисида давлат ҳудудига нисбатан анча кўп мальталиклар истиқомат қилишига олиб келди.

* * *

Дунёдаги ҳар тарафлама (этник, тил, дин, маданият, иқтисодиёт, иқлим, ирқ кесимида) энг ранг-баранг давлатлардан бири ҳиндистон ҳисобланади.

Тез орада сув тагида қолиб кетиш эҳтимолига эга бўлган давлат Мальдив ороллари ҳисобланади. Сайёрамиз иқлими кўтарилиб глобал исиш туфайли Мальдив ороллари йил сайин чўкиб бормоқда.

Наргис ҚОСИМОВА

2050 йилга келиб йўқолиши мумкин бўлган гўзал масканлар

 marshall-islands-04

Сайёрамиздаги шундай фусункор гўшалар борки уларни  бориб кўришга улгуриш хусусида ўйлайдиган пайт келдики улар яқин келажакда йўқолиб кетиши мумкин.

1.      Науру

Науру – бу дунёдаги энг кичкина мамлакат бўлиб, майдони бор-йўғи 8 миль квадратни (12,5 км кв) ташкил этади. Аҳолисининг сони – 10 минг киши.

malenkaya-nauru
Оролни маржон қоялар ўраб турибди. Науру оролининг атроф-муҳити охирги ўн йил ичида фосфатлар ва фойдали қазилмаларни қазиб олишдан жиддий зарар кўрди.

2. Килиманжаро тоғи

kilimanjaroТез орада Танзанияда жойлашган Африкадаги энг йирик тоғлар ер юзасидан йўқолиб кетиши мумкин. Улардаги музликлар ўрмонларни аёвсиз кесиш ва глобал исиш натижасида эриб кетмоқда. Охирги 100 йил ичида Килиманжарони қоплаб турган музликлар 80% га камайган ва ҳозир ҳам бу жараён давом этмоқда.

3. Кирибати

kiribati1Кирибати Республикаси 32 та атолл ва битта қўтарилган маржон оролдан иборат давлат ҳисобланади. Унинг майдони 1 351 000 мил квадратдан (3 500 000 км кв) ошади.
Оролнинг баъзи жойларида ҳозирнинг ўзидаёқ кокослар ўсмай қўйган, чунки шўр сув собиқ чучук сувли ҳудудларни босиб олган.
4. Маршалл ороллари
Маршалл ороллари Тинч океаннинг шимолий қисмидаги 1000 дан зиёд атолл, ороллар ва кичкина оролчалардан иборат. 2008 йили тўлқинлар ва сув кўтарилишлари натижасида пойтахт Мажерода сув тошқинлари содир бўлган.
5. Венеция

1250590847_venicegon06
Венеция анчадан буён сувга ғарқ бўлмоқда. Охирги кучли сув тошқини 2008 йилда содир бўлиб, ўшанда шаҳарнинг 60% сув остида қолганди. Ҳозир дунё олимлари ушбу сувда жойлашган қадимий ва тарихий шаҳарни қутқариши мумкин бўлган техник иншоотларни ишлаб чиқишга уринмоқда.

6. Кусаие (Косраэ)
Кусаие, Микронезия Федератив Штатлари, оролни вайрон қилаётган қирғоқ эрозиясига учраган.
7. Шимолий қутб
Олимлар ҳар йили муз қатлами даражасининг пасайишини қайд этишмоқда. Хулосаларга кўра, яна бир неча йилдан сўнг ёз ойларида иқлим ўзгаришлари сабабли Шимолий қутб музлардан тўлиқ озод бўлади.
8. Килинаилау ороллари
Килинаилау ороллари (Тулун ёки Картерет атолли) Папуа-Янги Гвинеядан шимоли-шарқда жойлашган. Орол Жаҳон океанининг сатҳи кўтарилиши, эрозия, штормлар оқибатида ҳаётсиз маконга айланмоқда. Маҳаллий аҳоли аста-секин қўшни Бугенвиль оролига кўчирилаяпти.
9. Соломон ороллари
Соломон ороллари қарийб 1000 та кичкина оролчалардан иборат. Денгиз сатҳининг кўтарилиши, кучли шамолли циклонлар ва сув тошқинлари оқибатида қирғоқ линияси эрозиядан зарар кўрмоқда.
10. Глейшер миллий боғи
Баъзи олимлар Монтанадаги Глейшер миллий боғи 2020 йилга келиб иқлим ўзгаришидан йўқолиб кетишини башорат қилмоқда.
11. Сейшел ороллари
Сейшел ороллари Ҳинд океанида жойлашган 115 та оролдан иборат. Оролларни маржон қоялар ўраб олган. Маржон қоялар пляжлар эрозиясини тўхтатиб туради, аммо сув ҳароратининг ошиши маржонларнинг нобуд бўлишига олиб келмоқда.
12. Токелау
Токелау учта тропик маржон атолларидан иборат Янги Зеландия ҳудуди ҳисобланади. Денгиз сатҳининг кўтарилиши ва сув ҳароратининг ошиши маржон қоялар ва қирғоқ линиясига хавф солмоқда.
13. Кивалина қишлоғи
Кивалина Аляскадаги 8 км келадиган барьерли қоянинг учида жойлашган. Қишлоқ аҳолиси инупиатлар эскимосларнинг кам сонли гуруҳини ташкил этади – бор-йўғи 375 киши. Улар Exxoн Мoбил Coрпoрaтиoн нефть компаниясини судга берган бўлиб,  айнан шу компания жуда катта миқдордаги иссиқхона газларини чиқараётганини таъкидлашмоқда.
14. Мальдив ороллари
Мальдив ороллари Ҳинд океанида жойлашган бўлиб, 2 мингта майда ороллар ва атоллардан иборат. Мальдив президенти ҳукумат бошқа мамлакатлардан ер сотиб олишни бошлаганини эълон қилди. Янги ерларга сувда қолган ҳудудлар аҳолиси кўчирилади.
15. Тувалу
Тувалу Полинезияда жойлашган бўлиб, тўртта қояли ороллардан ва бешта атоллдан иборат. Бу маскан сув тошқинлари ва чучук сув танқислигидан азият чекмоқдаки, давлат тропик циклонларнинг салбий таъсирига чалиниб туради. Бундан ташқари, Тувалуга Жаҳон океани сатҳининг кўтарилиши ва иқлим ўзгариши хавф солмоқда.

Манба: олам уз сайти

ЗИЛЗИЛА ХАВФИ кимни кўпроқ безовта қилади?

zemletrus

Ёмғирлар тинмайдиган Канададаги Британия Колумбиясининг Каскадия аҳолиси йирик тектоник ёриқлар устида жойлашган бўлса-да, бу ерда зилзилалар камроқ юз беради. Ўудудда 1700 йилда рўй берган 9,2 балли табиий офат кўп талофотларга сабаб бўлган. Геологларнинг таъкидлашича, бу ерда зилзилалар ҳар 500 йилда юз беради. Шунинг учун ҳам айнан шу ерда яқин орада кучли ер ости силкинишлари рўй бериши кутилмоқда.

1994 йилда Нотриж шаҳарчаси ҳудудида магнитудаси 6,7 бўлган зилзила юз берган. ўшанда 70дан ортиқ киши ҳалок бўлган, талофатларнинг умумий қиймати 20 миллиард АҚШ долларини ташкил этган. Геоглоглар ҳисоботи шуни кўрсатадики, кучли ер ости силкинишлари бу ҳудудда ҳар 150 йилда юз беради. 1987 йилда Лос-Анжелесда магнитудаси 7,9 бўлган табиий офат шаҳарни вайрон қилган. Меъморлар бу ердаги биноларни хавфсиз қилиб қуриш учун кўп тер тўкишган. Бироқ мутахассиларнинг фикрича, бу Лос-Анжелесга омон қолишга ёрдам бермайди.

Майдони бўйича ўзбекистондан кичик мамлакат бўлиб, тўрт ороли сейсмик фаол ҳудудда жойлашган Японияда аҳоли жуда зич (1км2га 331 киши) яшайди. Уларнинг аксарияти хавфли ҳудудда истиқомат қилади.

Токио аҳолиси энг зич жойлашган шаҳарлардан бири. Бу ерда 13 миллион киши яшайди. Токиода 1923 йилда рўй берган зилзила оқибатида 150 минг киши ҳалок бўлган. Сўнгги йилларда Япония инфратизимини бирмунча яхшилади. Унинг меъморчилик меъёрлари дунёда энг аниқ ҳисобланади. Бироқ сейсмологларнинг таъкидлашича, яна шундай ер ости силкинишлари вужудга келса, 10 минг киши ҳалок бўлиб, етказилган зарар қиймати 1 триллион АҚШ долларини ташкил этади.

Эрон Ислом республикаси пойтахти Теҳрон ўз мавқеини йўқотади, дея хабар беради «Тҳe Гуaрдиaн». Бу ғояни мамлакатнинг диний етакчиси Оятуллоҳ Али Ўаменеи таклиф қилган. Расмийларнинг маълум қилишича, пойтахт кўчирилишига асосий сабаб, Теҳрон жойлашган ҳудуднинг сейсмик жиҳатдан фаоллигидир. Бошқа манбаларга кўра, сўнгги президент сайловлари натижаларига қарши оммавий норозилик нимойишлари келиб чиққани учун шундай қилишга қарор қилинган.

Эрон пойтахти қайси шаҳарга кўчиши ҳозирча номаълум. Расмийларнинг таъкидлашича, эронлик сейсмологлар зилзилалар Теҳронга катта хавф туҚдираётганини таъкидлашмоқда. Мамлакат 2003 йилда даҳшатли зилзилани бошидан кечирган. ўшанда 30 мингдан ортиқ киши ҳалок бўлган. Агар мана шундай кучли ер ости силикинишлари Теҳронда рўй берса, офат оқибатлари бундан ҳам жиддий бўлиши мумкин.

ЯҚИН ўТМИШДА РўЙ БЕРГАН ЭНГ КУЧЛИ ЗИЛЗИЛАЛАР:

1. Хитой–1976йил, қурбонлар сони 242 минг киши.

2. Индонезия–2004 йил қурбонлар сони 150 минг нафар.

3. Туркия–1939 йил, қурбонлар сони 100 минг киши.

4. Перу–1970 йил, қурбонлар сони 67 минг киши.

 

ИНСОНИЯТ ТАРИХИДАГИ КУЧЛИ ЗИЛЗИЛАЛАР

1. Хитой–1556 йил, 830 минг киши нобуд бўлган.

2. Хитой–1976 йил, 242 минг киши ҳалок бўлган.

3. Сурия–1138 йил, 230 минг киши қурбон бўлган.

4. Эрон–856 йил, 200 минг киши ҳалок бўлган.

Шохруҳ Фарҳодов тайёрлади.

 

Мўъжизакор оқим

golfstreamДунё океанида шундай оқимлар борки, улар ҳақиқий мўъжиза яратади. Шимолий Америкадаги Мексика қўлтиғидан оқиб чиқиб, Шимолий Европага қараб йўналган Гольфстрим («қўлтиқдан чиқаётган оқим», деган маънони билдиради) оқими ана шундайлардан. Гольфстрим таъсирида Атлантика океанига туташ Европа мамлакатларида Ер куррасининг худди шу кенгликларидаги бошқа жойларга нисбатан илиқ ва юмшоқ иқлим шароити мавжуд. Чунки катта миқдордаги илиқ океан оқими устидаги ҳаво ҳам илиб, ғарбий шамоллар ёрдамида Европага кириб келади.

Гольфстрим – битта яхлит тасма бўлиб, бир неча йўналишлардан иборат. Унинг шарқий чеккасида айрим айлана ҳаракат қиладиган қанотлари баъзи жойларда ҳатто оқимдан ажралиб кетади. Флорида бўғизи орқали Мексика қўлтиғидан чиққан оқим Багама банкаси орқали АҚШнинг шарқий қирҚоқларига параллел равишда йўналган. Ньюфаундленд ороли яқинида Гольфстрим совуқ Лабрадор оқими ва шимолдан келаётган совуқ ҳаво массалари билан тўқнашади. Шу боис, мазкур ҳудудда доим қуюқ туман кузатилади. Худди шундай ҳолатни Буюк Британия қирғоқларида ҳам кузатиш мумкин. Гольфстрим таъсирида мазкур мамлакатнинг аксарият қисмида қуюқ туман кузатилади. Бу эса Буюк Британиянинг «туманли альбион», деб ном олишига сабаб бўлган.  Ньюфаундленд оролидан Гольфстрим шарққа – Европа қирғоқларига томон йўл олади. Океаннинг бу қисмида оқим ўарбий шамоллар оқими, деб аталади. Тахминан Атлантика океани ўрталарида оқим иккига бўлиниб, биттаси Шимоий Атлантика номи билан шарққа қараб давом этиб, Европага йўналади, бошқаси – жанубга бурилиб, Канар оқимини ҳосил қилади. Шимолий Атлантика оқими Британия қирғоқларига етганда бир йўналиш – Ирмингер оқими Қарбга – Исландия томон, бошқаси – Норвегия оқими Скандинавия яримороли қирҚоқлари бўйлаб Баренц денгизигача етиб боради. Шу боис, Скандинавия яриморолининг шимолида жойлашган Норвегияда январь ойининг ўртача ҳарорати мазкур мамлакат билан билан бир кенгликда ётувчи бошқа жойларга нисбатан 15 – 20 °C, Россиянинг Мурманск шаҳрида эса 11 °C юқори. Канадада 60° шимолий кенгликда тундра бошланиб, шимол буғулари ва бизонларгина яшаса, Гольфстрим таъсиридаги бирмунча илиқ Европа шимолида бутунлай бошқача ҳолат кузатилади. Жумладан, Баренц денгизи Шимолий муз океани денгизи бўлишига қарамай, умуман музламайди, Мурманск шаҳри деярли шимолий қутб доирасида жойлашганига қарамай, бу ердаги денгиз портида Гольфстрим таъсирида доимий равишда кема қатнови давом этади.

Манбаларга кўра, Гольфстрим оқимининг ҳосил бўлиши ва унинг Атлантика орқали шимоли-шарққа қараб диагональ бўйлаб йўналишига бир неча омиллар сабаб бўлади. Буларнинг энг асосийлари сифатида атмосфера ҳавосининг айланиши ва шимолга яқинлашган сари тобора кучайиб борадиган Кариолис кучини (Ернинг ўз ўқи атрофида айланишидан ҳосил бўладиган куч) кўрсатиш мумкин. Гольфстримнинг сув сарфи секундига 50 миллион м³ни ташкил этади. Бу дунёдаги энг серсув дарё – Амазонканинг Атлантика океанига ҳар бир секундда қуяётган сувидан (200 минг м³) 250 марта, ёки дунёдаги барча дарёларнинг сув сарфидан 20 марта кўпдир. Оқимнинг иссиқлик қуввати эса тахминан 1,4×1015 ваттга тенг.

Мутахассисларнинг фикрича, сўнгги ўн йилликларда бутун дунё миқёсида кузатилаётган глобал илиқлашув жараёни натижасида қутбёни ҳудудларидаги эриган музлар экватор ва қутб ҳароратлари ўртасидаги фарқни камайтириб, Гольфстримнинг йўналишини ўзгартириб юбориши мумкин. Бу ҳолат Европадаги иқлимнинг бирмунча совишига олиб келиши мумкинлиги тахмин қилинмоқда. Баъзи олимлар Европада иқлимнинг совиши тарихда бир неча бор юз берганини таъкидлаб, қитъа иқлимнинг ўзгариши учун бир неча ўн йиллар кифоялигини таъкидлашмоқда. Жумладан, Гольфстрим оқимининг секинлашуви 1300 йилда Европада кичик музлик даври юз беришига сабаб бўлган. Шу боис, баъзи мутахассислар Гольфстрим хусусиятларининг глобал илиқлашув таъсирида ўзгаришини 2020 йилда кузатиш мумкин бўлади, деб тахмин қилмоқдалар.

Наргис Суннат қизи