Category Archives: экомуаммо

САМЫЕ ГЛАВНЫЕ ЭКОЛОГИЧЕСКИЕ ПРОБЛЕМЫ ЧЕЛОВЕЧЕСТВА

 

Ekologicheskie-problemy

Перед человечеством сегодня стоит много экологических проблем. Они частично связанны с жизнедеятельностью человека. Перечислим наиболее главные и охарактеризуем эти проблемы.

1.Вырубка леса. Лес, как известно, дает нам чистый кислород, древесину ягоды и грибы. Но сейчас довольно часто происходит вырубка лесов в России, Африки и Латинской Америки. Данные леса отличает высокое качество растущей там древесины. Вырубка лесов идет большими темпами, чем их посадка. Сегодня довольно много браконьеров, охотящихся за ценными породами деревьев. И если темпы вырубки сохранится на сегодняшнем уровне и дальше, то скоро многие крупные страны просто лишаться такого богатства как лес.

2.Истощение почвы. Почва – это объект, еще медленнее восстанавливающийся, чем лес. Неправильное применение сельскохозяйственных приемов приводит к тому, что почвы со временем истощаются. Плохо влияет применение ядохимикатов, которые используют для борьбы с жуками — вредителями. Еще одной серьезной проблемой остается довольно высокое использование пастбищ, вследствие чего они превращаются в пустыни. Здесь необходимо принимать правильные меры рекультивации земель.

3.Опустынивание земель. Вырубка леса, неправильные методы ведения сельского хозяйства приводят к тому, что появляется опустынивание. Так, например, в Африке пустыни наступают со скоростью 100 тыс. га в год. Проблема эта актуальна и в других странах, таких как Индия и Пакистан, Аргентина, Мексика.

4. Истребление животных. Вырубаемые леса включают много различных животных Земли. Сокращение мест обитания для диких животных приводит к их уничтожению, сокращению многих видов. Еще одна проблема это браконьерство или нелегальная охота. Любовь людей к красивым шкурам наблюдается еще с древних времен. Привычка эта надо сказать осталась. Сегодня охота идет на тигров, крокодилов из-за их кожи, слонов из-за его бивней, носорогов из-за рогов. Уже и так достаточно много животных занесенных в Красную книгу. Если не остановить истребление, мы скоро забудем вообще, даже как выглядят животные.

5. Формирование твердых отходов. Сегодня наша жизнь, питание людей невозможна без таких вещей как консервные банки, полиэтилен и другие. Их проблема в том, где их хранить после утилизации, при этом страдает экология. Такие отходы довольно не просто утилизировать, разработанных технологий по утилизации еще не придумали.

6. Вода. Вырубка лесов приводит и к еще одной проблеме это проблема нарушения водного баланса Земли. Уже сегодня Азия и Африка находятся в таком месте, где мало выпадает осадков, а люди в таких странах испытывают острую нехватку — простой питьевой воды. Неправильная орошительная система приводит к потере воды при ее транспортировке испарения и неравномерного распределения воды. Резко актуальна проблема потребления воды жителями больших городов, на которых приходиться 300-400 л воды в день. Да и экология самих рек не особо хорошая. Потому что их загрязняют промышленные предприятия. Многие реки и озера находятся под запретом купания и вылова рыбы из-за неблагоприятных условий.

7. Загрязнения воздуха. Бурное развитие промышленности во многих интенсивно развивающихся странах приводит к проблеме загрязнения воздуха. Из-за устаревшего очистительного оборудования, выхлопов машин и автотранспорта, сжигания отходов может загрязниться воздух. Конечно, надо принимать меры, помогать природе — бороться за очистку. Но не везде данная проблема выноситься на обсуждения, где-то ее просто игнорируют.

Вот такие главные проблемы. Конечно, есть и другие, но эти проблемы влияют на развитие и жизнедеятельность всего человечества в целом.. Бурное развитие промышленности во многих интенсивно развивающихся странах приводит к проблеме загрязнения воздуха. Из-за устаревшего очистительного оборудования, выхлопов машин и автотранспорта, сжигания отходов может загрязниться воздух. Конечно, надо принимать меры, помогать природе — бороться за очистку. Но не везде данная проблема выноситься на обсуждения, где-то ее просто игнорируют.

Вот такие главные проблемы. Конечно, есть и другие, но эти проблемы влияют на развитие и жизнедеятельность всего человечества в целом.

Савиноз ХОШИМОВА

Чустда аҳоли соғлиғи учун ўта хавфли ҳолат аниқланди. Ҳоким ўринбосари жавоб беришдан бош тортди

Буни Чуст тумани ҳокимининг капитал қурилиш, коммуникация ва ободонлаштириш масалалари бўйича ўринбосари Улуғбек Ҳамрохўжаевнинг журналистларга қарата: “Аввало, республика ишчи гуруҳининг ҳурмати учун келиб турибман. аммо журналистларга интервью беришни истамайман, ана, бошқалардан олаверларинг”, деган иддаоси ҳам исботлаб турибди.

Поп туманидаги “Янгиобод”, “Юқори қишлоқ”, “Янги тўда”, “Эски тўда” аҳоли пункти фуқаролари ичимлик суви танқислигидан Тўдасой сойига оқизилаётган чиқинди сувидан истеъмол қилишга мажбур бўлишяпти. Масаланинг долзарблиги эса Чуст тумани сил касалликлари диспансерининг оқова сувлари гарчи хлорланаётган бўлса-да, канализация тизими орқали шу сой сувига қуйиб юборилаётганида.

“Ҳудудимизда тоза ичимлик суви тармоғи йўқлиги боис аҳоли сой сувидан истеъмол қилади. Сойга қўшни туманнинг барча йирик ташкилотлари ва маиший хизмат кўрсатиш объектларининг канализация суви оқизилаётгани сабабли сувнинг таъми шўр ва истеъмолга умуман яроқсиз. Чиқиндихонага айланган сойдан анқийдиган бадбўй ҳид баҳордан то қишга қадар узоқ-узоқларга қадар етиб бормоқда. Чустнинг чиқиндиси Попни булғамоқда. Бу ҳолатга қачонгача чидаш мумкин?! Бормаган жойимиз ҳам қолмади. Ҳеч қандай натижа йўқ. Ягона умидимиз Попни ўрганаётган республика ишчи гуруҳидан”, дейди “Янги тўда” маҳалласида яшовчи пенсионер Маҳаммаджон Ҳасаналиев.

Журналистлар ушбу муаммонинг келиб чиқиш сабабларини ўрганишди. Аниқланишича, чиқинди сувларини биологик тозалаш иншооти Чуст туманидаги Дуоба қишлоғида жойлашган “Оқовасув” кўп тармоқли хусусий корхонасига тегишли.

Корхона раҳбари Муроджон Йўлдашевнинг айтишича, бино 1984 йилда қурилган ва 2000 йилга қадар “Барион” корхонаси қошида бўлган. Умумий ер майдони 0,9 гектар ва қуввати суткасига 400 метр кубга тенг.

— Нуфузли корхона банкрот бўлгач, 2000 йил 30 декабрда “Оқовасув” кўп тармоқли хусусий корхонаси сифатида ташкил этилди, – дейди М.Йўлдошев. – Мана 18 йилдан буён ишлаб келаяпмиз. 1 ойда 3–3,5 миллион сўмлик хизматлар бажарамиз. Аммо кўплаб бюджет ташкилотлари бизга маблағ ўтказиб бермайди. Бу ердаги ҳарбий қисм яхши мижозимиз эди. Аммо 2015 йилда Ҳарбий прокуратура тергов қилиб, қисм ортиқча бюджет маблағларидан 17,5 миллион сўм тўлаб юборганини аниқлаган ва буни зиммамизга юклаган эди. Ҳозир 80 миллион сўм қарзимиз бор. 55 миллион сўми иш ҳақидан, 13 миллион сўми электр энергиясидан, 12 миллион сўми эса солиқдан шаклланган. Бир вақтлар бу ерда 22 тагача одам ишларди, эндиликда эса 5 киши амал-тақал қилиб кун ўтказмоқда. Бизни бу иншоатни на таъмирлашга, на бирор ўзгариш қилишга қурбимиз етмайди. Ечим учун энг тўғри йўл – уни вилоят “Сувоқова” корхонаси таркибига ўтказиш. Тўғри, мени давлат санитария хизмати бир неча маротаба огоҳлантирди. Аммо иқтисодий имкониятим бўлмаса, нима қилишим керак. Ахир муаммо хусусий эмас, ҳудуд аҳамиятига молик. Бир неча маротаба қилган мурожаатларимга ҳеч бир масъул эътибор қаратаётгани йўқ.

Иншоот ҳозирда капитал таъмирга муҳтож бўлиб, бир неча йиллардан буён таъмирлаш ишлари ўтказилмаган. Қувурлар эскириб чириб кетган. Ҳозирги кунда чиқинди сувлар бирламчи ҳовузларда тиндирилмаяпти. Хлор билан тўлиқ зарарсизлантирилмасдан тўғридан-тўғри ҳудуддан оқиб ўтган очиқ сув ҳавзасига ташлаб юборилмоқда. Аслида бу умуман мумкин эмас. Тозаланган чиқинди сувлари қувур орқали суғориш майдонларига ташланиши лозим. Бу мақсад учун қурилган 1 км. узунликдаги қувурлар чириб-ёрилиб қўрқинчли ҳолатга келиб қолган. Сув тортиш насослари умуман йўқ бўлиб кетган.

— Биз бу ерда доимий мониторинг ўтказиб турамиз, – дейди Чуст тумани Давлат санитария эпидемиология назорати маркази бош врачи Зайниддин Анорқулов. – Иншоотга суткасига тахминан 1000-1500 метр куб сув тушаётганини аниқлаганмиз. Бу белгиланган меъёридан 4–4,5 баробар кўп бўлиб, чиқинди сувларини тўлиқ биологик тозалаш ишлари ўтказилмаяпти. Боз устига иншоатда хлор захираси йўқ. Оқибатда очиқ сув ҳавзасига қуйиб юборилаётган чиқиндилар тахминан 4–5 км. масофа ҳудуддан оқиб ўтиб, Катта Фарғона канали ва Сирдарё сув ҳавзаларини ифлослантирмоқда. Аҳоли ўртасида юқумли ва паразитар касалликларнинг келиб чиқишига сабаб бўляпти. Марказимиз лабораториясида текширувлар ўтказилганда сув таркибидан юқумли ичак касалликлигини келтириб чиқирувчи микроблар борлиги аниқланганди. Энг ёмони, Чуст тумани сил касалликлари диспансери оқова суви ҳам гарчи хлорланаётган бўлса-да, шу канализация тизимига қўйилмоқда ва охир-оқибат у сой сувига қуйиб юборилмоқда. Биз бу ҳақда туман прокуратураси ва ҳокимлигини, юқори турувчи ташкилотимизни мунтазам хабардор қилиб, қатъий назоратга олиш ва амалий ишлар кўриш бўйича хатлар киритганмиз. Натижа эса ҳамон йўқ.

Ўзи шу сой сувидан ичиб кўрмаган ҳоким ўринбосари, жаноб Улуғбек Ҳамрохўжаев дастлаб журналистларга кўрсатган “ҳурмати”дан кейин масала моҳиятини тушунгангандай бўлиб, бирор тайинли иш қилган-қилмагани ёки таклифи ҳақида сўзлаб берди:

 

— Тумандан суткасига 1500-2000 куб метр чиқинди сувлари чиқаяпти. Ҳаммаси шу ерга келиб тўпланади. Вилоят “Сувоқова” ташкилоти мазкур объектни ўз таркибига олиши учун хусусий корхонанинг мавжуд қарздорлигидан чиқариш зарур бўляпти. Ушбу муаммони ҳал қилиш юзасидан 5 миллиард 746 миллион сўмлик тахминий лойиҳа қилганмиз (лойиҳа Наманган вилояти Поп туманидаги маҳаллаларда ва оилаларда ижтимоий-маънавий муҳитни ўрганиш ҳамда аниқланган муаммоларни бартараф этишга кўмаклашиш бўйича ташкил этилган Республика ишчи гуруҳи ишчи гуруҳининг огоҳлантиришидан кейин зудлик билан бажарилган – таҳририят). Бунча қиммат лойиҳани ўз имкониятимиз билан қила олмаймиз. Ваҳоланки, сал тепароқда 1978 йилда қурилиши чала қолиб кетган бино турибди. Япониянинг “Жайка” ташкилоти вакиллари бу биноларни келиб, кўриб кетишди. Агар маблағ ажратишса, оқова сувларнинг тозалаш тизимини ўша жойда қурганимиз мақсадга мувофиқ. Унда кунига 10 минг куб метр чиқиндини тозалаш имконияти пайдо бўлади.

Кўриниб турибдики, маҳаллий маъмурият маблағ етишмаслигини рўкач қилмоқда ва шу вақтгача амалий ишку майли, аммо жўяли бир таклиф билдиргани ҳақида сўзлаб бера олмайди. 5,7 миллиард лойиҳани компьютерда тайёрлаб бериш осон, аммо бу объект атрофида яшаётган одамларнинг оғирини енгил қилиш учун нима иш бажаришни пойтахтдан келадиган ишчи гуруҳи кўрсатиб бериши керакми? Наҳотки бу глобал муаммога сектор раҳбарлари панжа ортидан қараб келмоқда.

Фарҳод Эсонов, ЎзА            

НУЖНО ЛИ СОРТИРОВКА МУСОРА?

 

31968_originalПредставьте, что будет с планетой через 100 лет, если отходы на свалку будут поступать с такой же интенсивностью, как это происходит сейчас. Ведь практически каждая вещь рано или поздно становится отходами. В таком случае планета сама превратится в одну большую свалку, вся поверхность которой будет усеяна плотным слоем мусора. Помимо этого, весь выброшенный и непереработанный мусор, допустим, батарейка или ртутная лампа способна вступить в химическую реакцию и нанести непоправимый вред окружающей среде. Это касается и всевозможных растворителей, моющих средств и даже древесных изделий, которые были обработаны красками или химическими составами. Разлагаясь, такие отходы отравляют почву, а вместе с ней и все растения, ягоды, деревья и цветы, растущие или взошедшие на ней. В итоге ягоды и плоды, деревья, а также вода из источников и родников становится не пригодной для употребления. Обидно, что происходит это все из-за того, что кто-то выкинул консервную банку, тару из под моющего средства или шампуня или банку с растворителем или олифой.

Сократить негативное воздействие мусора и отходов на окружающую среду, почву, подземные и поверхностные воды можно правильно сортируя мусор и бытовые отходы, многие из которых можно использовать для переработки или получения энергии.

Сделать еще один шаг на пути к спасению окружающей среды можно используя продукты, которые возможно переработать и тем самым сократить появление неразлагающихся или долго разлагающихся отходов. К последним относятся: стеклянные бутылки – около 1 млн. лет, консервные банки – около 100 лет, резиновая обувная подошва – около 80 лет, кожаные изделия – около 50 лет, нейлоновые изделия — около 40 лет, полиэтиленовые изделия – 20 лет, шерстяные изделия и окурки – около 5 лет.

Существуют опасные отходы, которые нужно складывать в специальный ящик или коробку, чтобы позже оставить на специально отведенной площадке для подобных отходов или отвезти в специализированную зону утилизации. К таким отходам относятся: аккумуляторы и батарейки, ртутные лампы и градусники, отходы растворителей, красок, лака, пестицидов и химикатов, просроченные лекарственные и медицинские препараты и многое другое.

Также, на специализированные зоны утилизации вывозят нерабочие крупные бытовые приборы: стиральные машины, телевизоры, холодильники, фены, утюги, электроплиты, миксеры, плееры, колонки и тому подобное, старую мебель и другое.

Сортировка мусора и бытовых отходов поможет существенно сэкономить на его вывозе и утилизации. Получается, что благодаря своевременной сортировке мусора, потребитель экономит средства, которые были бы затрачены на дальнейшую переработку или вывоз и хранение мусора на свалке.

Для начала рассмотрим три главных этапа сортировки мусорных отходов. К первому этапу относится отделение пищевых отходов от бытовых. Ко второму — сортировка бытовых отходов, подлежащих переработке. К третьему – утилизация биоотходов (листья и ветки деревьев, сено и другое).

К таре относится вся пластиковая посуда, коробки и бутылки от йогуртов, масла, кетчупа и майонеза. Также, тарой являются бутылки от моющих и чистящих средств, все упаковочные пакеты и пленки, обертки от сладостей, пластиковые упаковки из под сыров и колбас, домашней химии, соков, молока и кефира. К ней же относятся и жестяные банки из под консервации и консервы, пробки от пивных бутылок и газировки, фольга и сломанная тара.

К макулатуре относятся: старые письма и газеты, книги без обложек, журналы, рекламные проспекты и каталоги, использованные тетради и альбомы для рисования, оберточная бумага и поздравительные открытки, картонные папки, ящики и коробки и другие чистые и сухие изделия и упаковки из бумаги.

К биологически разлагающимся отходам относятся: скорлупки от яиц, кофейная гуща, заварка и чайные пакетики, бумажные полотенца для кухни, ногти, волосы, салфетки, хлеб, фрукты и овощи, рыба и мясо, остатки растений или цветов. Неразлагающиеся пищевые отходы, такие как: большие кости животных, напитки, кисломолочные продукты и супы сортируются отдельно от разлагающихся отходов.

Вступить в ряды защитников окружающей среды очень просто. Для этого нужно знать, как сортировать и куда девать отсортированный мусор и бытовые отходы. За границей сортировка мусора является обязательной и даже больше — в случае ее несоблюдения предусмотрены штрафы. У нас же дело, к сожалению, обстоит иначе. Но несмотря ни на что, в каждом городе можно встретить специальные мусорные баки и разноцветные контейнеры, предназначенные для отсортированного мусора.

Допустим, желтый контейнер предназначен для пластика. В него смело можно бросать пластиковые бутылки без крышек, стаканы, канистры и тарелки, баночки и тюбики от косметических средств.

Синий мусорный контейнер – бумажный. В него можно выбросить собранную макулатуру, кроме использованных обоев, скотча, фотобумаги и полиэтилена.

Зеленый контейнер можно использовать для выброса остального мусора, включая предметы личной гигиены, пищевые отходы и многое другое.

В Германии для сортированного мусора используют контейнеры других цветов. Для биомусора – коричневые или серые, макулатуры – синие, смешанных отходов (зажигалки, дискеты, резина, фотографии, кожаные изделия, окурки) – желтые. Учтите, что в контейнер с макулатурой нельзя складывать мокрую или грязную бумагу, так как она используется для переработки и производства вторичного сырья.

После знакомства с правилами сортировки мусора обратите внимание на то, что использование экологических подгузников для детей, просмотра фильмов без их записи на диски онлайн, использование электронных билетов, спичек вместо зажигалок, экосумок вместо пластиковых пакетов, а также оплаты коммунальных и других счетов онлайн поможет сберечь огромное количество электроэнергии и сберечь планету.

Сарвиноз ҲОШИМОВА

ОҚАР СУВЛАР ОҚАВЕРАДИ… АММО УЛАРНИНГ АТРОФ-ТАБИИЙ МУҲИТГА САЛБИЙ ТАЪСИРИДАН ХАБАРДОРМИЗМИ?

сув окова

Республикамиз мустақилликка эришгандан сўнг атроф-табиий муҳит муҳофазасига алоҳида эътибор қаратилиб, Ўзбекистон бутун жаҳон табиат инқирозини олдини олиш ҳамжамиятига қўшилиб, мамлакатимизда табиатни, ер ва сув, ҳавони, ўсимликлар ва ҳайвонот оламини асрашга доир қатор қонунлар қабул қилинди. Сув ва сув ресурсларидан оқилона фойдаланишга қаратилган долзарб вазифалар белгилаб олинди.

Вилоятимизда кўплаб йирик саноат корхоналари фаолият юритаётганлиги оқибатида улардан чиқарилаётган ташлама чиқинди сувлар атроф-табиий муҳит рельефига салбий таъсир кўрсатиши табиий, дейди Елена Аҳмедова, Навоий вилояти Аналитик назорат қилишга ихтисослаштирилган инспекцияси “Сув ресурсларини муҳофаза қилиш сектори” мутахасси. -Республикамиздаги меъёрий ҳужжатларга асосан вилоятда атроф-табиий муҳитга ошиқча оқова сувларни оқизганлик учун компенсация тўловлари белгиланган. Ўтган давр мобайнида компенсация тўловчи объектларнинг 2017 йил учун рўйхати қайта кўриб чиқилди ва вилоятимизда 437 та ана шундай объектлар мавжудлиги аниқланиб, шундан оқова сувларни етарли даражада тозаламаган ва ифлослантирувчи моддаларни коммунал канализация тармоқларига чекланган меъёрдан ортиқ оқизганлиги учун айрим объектлардан жорий йилнинг 1-чораги давомида 17417,3 минг сўм компенсация тўловлари белгиланиб, ундирилди.

Барчамизга маълумки, оқова сувларнинг таркибида кўплаб анорганик ва органик ифлослантирувчи моддалар мавжуд бўлади. Бу оқова айниқса ҳўжалик –маиший сувлар саноат корхоналаридан чиққан сувлар билан аралашганда бутунлай кутилмаган заҳарли бирикмаларга айланади.

Шу боис янги саноат корхоналарини барпо этаётганда, янги технология жорий этилаётганда, асосан маиший, саноат ишлаб чиқариши ҳамда атмосферадан ажраладиган сувлар ҳисобга олиниши зарур. Чунки атроф-табиий муҳитга чиқариладиган оқова сувлар атроф-табиий муҳит мувозанатини издан чиқариб, хавфли ҳолатларни юзага келтиради.

Юқоридагилардан келиб чиққан холда, инсон саломатлигини сақлаш, атроф-табиий муҳит ифлосланишининг олдини олиш, уни назорат қилиш, мониторинг олиб бориш мақсадида вилоят Экология ва атроф –муҳитни муҳофаза қилиш бошқармаси ҳузурида Аналитик назорат қилишга ихтисослаштирилган инспекция фаолият юритади.

Атроф-табиий муҳит муҳофазаси давлат назорати билан бир қаторда хар бир атроф-муҳитга ифлослантирувчи ошиқча оқова сувларни оқизаётган корхона, ташкилот, муассасаларнинг атроф-табиий муҳитни ифлослантирувчи манбаси бўлса, ўз худуди ва унинг атрофларида сув билан ифлосланишни кузатиб боришлари, оқар сувлар оқаверади-да, деб ўйламасдан, зарур ҳолларда кимёвий таҳлил ўтказиш мақсадида бошқарма хузуридаги Аналитик назорат қилишга ихтисослаштирилган инспекцияга мурожаат этишлари лозим бўлади. Ахир атроф-табиий муҳит муҳофаза , уни келажак авлодга тоза ҳолда етказиш учун барчамиз масъулмиз-ку!

Наргис ҚОСИМОВА

 

Бир томчи сув олтиндан қиммат(ми?)

i    Тирикликни таъминлаб турувчи шундай мухим омиллар борки, уларсиз ҳаётни бир лаҳза ҳам тасаввур этиб бўлмайди. Улар сув, ҳаво, қуёш нури. Хайриятки, бу неъматлар бепул ва бисёр. Уларни яратиш учун одамият заҳмат ва меҳнат сарфламаган. Бироқ бу дунёда чексиз-чегарасиз нарсанинг ўзи йўқ. Ҳамма нарсанинг меъёри, миқдори мавжуд.

Қадимда араб ва Африка мамлакатларида одамлар тоғдан эриб тушган қор-ёмғир сувларини мешоб орқали олиб келиб гумбазсимон қурилган махсус сардобаларда тўплаб, келаси баҳоргача фойдаланишган. Сувнинг тозалигини асраб туриш учун эса ўзларининг қимматбаҳо тилла буюмлари ва тақинчоқларини ўша сувга солиб қўйганлар. Демак, улар сувнинг баҳосини, қадрини олтиндан баланд тутганлар.

Маълумки, Ер юзидаги умумий сув манбаини юз фоиз деб оладиган бўлсак, шундан 2,5 фоизи ичимлик сувига тўғри келади. Инсон вужудини эса ўртача 85 фоизини сув ташкил этади. Шу рақамларнинг ўзиёқ табиат ва инсондаги сувга бўлган эҳтиёжнинг чексизлигидан далолатдир.

Кексалар ҳамиша «Сувни исроф қилма, болам, сувнинг уволи тутса — ёмон тутади» дейишади. Маълумотларга кўра, ҳозирги пайтда дунё бўйича ҳар йили 4 миллиондан ортиқ киши тоза сув ичмаслик оқибатида касалликка чалиниб, қурбон бўлаяпти. Умуман сув билан боғлиқ сабаблар туфайли касалланаётганлар сони 1,2 миллиардни ташкил этади.

Бугун мамлакатимизда сувга муносабат қандай? Ундан фойдаланиш маданияти қай даражада? Сувни тежаш, асраш, уни софлигича сақлаш учун нима қилаяпмиз? АҚШдек ривожланган мамлакатда ичимлик суви махсус идишларда сотилади. Одамлар сувни граммлаб, ёки литрлаб сотиб олиб ичадилар. Бошқа жуда кўплаб давлатларда ҳам ахвол шунақа. Биз-чи? Сарфлаётган сувимизнинг ҳисобини ҳеч ўйлаб кўрганмизми? Биргина тиш ювиш жараёнида қанча сув жўмракдан беҳуда оқишини-чи?

Тошкент шаҳрида ҳар киши учун бир кеча-кундузда сарфланган сувнинг микдори ўртача 370 литрни ташкил этади. Демак, пойтахт аҳолисини таъминлаш учун йилига 324 миллион куб метр сув керак. Бу сувнинг қанчаси зарурий эҳтиёжлар учун ишлатиляпти, қанчаси бехуда исроф бўляпти? Дунёда сувга ташна юртлар камми?

Бир нарсага шукр қилиш керак: халқимиз сувнинг ва ернинг тилини тушунган миришкор, мироб халқ. Тасаввур қилинг: бундан минг йиллар илгари бобокалонимиз Аҳмад Фарғоний сув сатҳини ўлчовчи нилометр асбобини кашф этган ва уни Қоҳира яқинидаги Равзо оролида синаб кўрган. Қизиқ, ўша пайтда сув сатҳини ўлчаш зарурати нимадан келиб чиққан бўлиши мумкин? Бундан мақсад-сувнинг миқдорини сатҳига қараб ўлчаш ва уни суғориладиган майдонларга текис тақсимлаш бўлганлиги табиий, албатта.

Машҳур океанолог Жак Ив Кусто “Ер – ҳаммамизнинг умумий уйимиз, сув эса танамизнинг қони”, деган эди. Биламизки, томирдаги қон бузилса, организм касалликка чалиниб, оғир аҳволга тушади. Шундай экан, сувга ҳам жон каби эътибор қаратиб, ҳар томчисини муқаддас билиш ва буни фарзанд­ларимизга ҳам ўргатиш барчамизнинг бурчимиздир.

Сарвиноз ХОШИМОВА

атмосфера

АТМОСФЕРАДА CО2 ДАРАЖАСИ ЭНГ ЮҚОРИ КЎРСАТКИЧГА ЕТДИ

Атмосферадаги карбонат ангидрид (CО2) гази даражаси 2016 йилда миллионга 403 қисмдан (403 ppm) ошди, бу 800 минг йил учун энг юқори кўрсаткичдир. Шундай маълумотлар Бутунжаҳон метеорология ташкилоти (ЖМТ) томонидан душанба куни Женевада эълон қилинди.

«Ўтган 800 минг йил давомида саноатдан аввалги даврдаги атмосферада CО 2 миқдори 280 ppm’дан кам бўлган бўлса, 2016 йилга келиб жаҳон миқёсида 403,3 ppm’га кўтарилган», — дея таъкидланади ЖМТ’нинг парник газлар тўғрисидаги хабарномасида. 2015 йилга нисбатан ўсиш 3,3 ppm’ни ташкил этди, карбонат ангидрид даражаси саноатдан аввалги даврга нисбатан (1750 йилгача) 145%га етди. Метеорологлар бунда икки омил — инсон фаолияти ва 2015-2016 йилларда тропик минтақаларда қурғоқчиликка сабаб бўлган Эл-Ниньо кучли табиат феномени комбинациясини кўришмоқда.

Ўтган 70 йил ичида атмосферада карбонат ангидрид даражасининг ўсиш суръати сўнгги музлик даври охирига қараганда деярли 100 баробарга кўп бўлди. Бу каби кескин ўзгаришлар олдин ҳеч қачон кузатилмаган, дея таъкидланади хабарномада. Тадқиқотларга кўра, CО2’нинг ҳозирги даражаси билан тенг ҳолат Ерда 3-5 миллион йил аввал мавжуд бўлган: ўшанда сайёрада ҳарорат Цельсий бўйича ўртача 2-3 даражага иссиқроқ, денгиз сатҳи эса 10-20 метрга баландроқ бўлган.

ЖМТ маълумотларига кўра, нафақат карбонад ангидрид, балки бошқа парник газлар даражаси ҳам ҳозирда саноатга қадар даврга нисбатан анча юқори. Хусусан, метан (CH4) даражаси 2016 йилда миллиардга 1853 қисмга (1853 mmb) тенг бўлди, яъни 1750 йилдан аввалги даражадан 226 фоиз. Азот оксиди (N2O) ҳозирда 328,9 mmb даражага эга, ёки саноат давридан аввалги ҳолатдан 128 фоиз.

Сарвиноз ҲОШИМОВА тайёрлади

266064_66f99180ed009cb7b939b9cc5454884a234354_3f14801bc7216254fbb0bc8c6b5c7f5c1476712541

СУВДАН УНУМЛИ ФОЙДАЛАНАЙЛИК!

Фарғона вилояти “Сувназорат” инспекцияси томонидан қонунбузилишларининг олдини олиш ва унга имкон яратиб бераётган шарт-шароитларни бартараф этиш бўйича  вилоятнинг бир қатор туманларида профилактик-семинарлар ташкил этилди.

Семинар кун тартибида бир қатор, жумладан, Ўзбекистон Республикасининг “Сув ва сувдан фойдаланиш тўғрисида”ги Қонуни, Вазирлар Маҳкамасининг 19.03.2013 йилдаги №82-сонли Қарори билан тасдиқланган “Ўзбекистон Республикасида сувдан фойдаланиш ва сув истеъмоли тартиби тўғрисида”ги Низоми ва 14.06.2013 йилдаги №171-сонли Қарори билан тасдиқланган “Сувдан махсус фойдаланиш ёки сувни махсус истеъмол қилиш учун рухсатнома бериш тартиби тўғрисида”ги Низоми ва юқоридаги Қонун бузилишининг олдини олиш, “Сувназорат” инспекцияси томонидан қонунбузилишларининг олдини олиш ва унга имкон яратиб бераётган шарт-шароитларни бартараф этиш, юқоридаги қонун ва низом талабларининг бажарилиши юзасидан профилактик-семинар қатнашчиларининг таклиф ва мулоҳазалари ҳамда мавжуд сув истеъмоли бўйича вужудга келаётган муаммоларни бартараф этиш каби масалалар кўриб чиқилди.

Тадбирда “Сув ва сувдан фойдаланиш тўғрисида”ги қонуннинг асосий мақсади сувга доир муносабатларни тартибга солишдан, асосий вазифалари эса аҳоли ва иқтисодиёт тармоқлари эҳтиёжлари учун сувлардан оқилона фойдаланишни таъминлаш, сувларни булғаниш, ифлосланиш ва камайиб кетишдан сақлаш, сувларнинг зарарли таъсирининг олдини олиш ҳамда уларни бартараф этиш, сув объектининг ҳолатини яхшилаш, шунингдек, сувга доир муносабатлар соҳасида корхоналар, муассасалар, ташкилотлар, фермер, деҳқон хўжаликлари ҳамда фуқароларнинг ҳуқуқлари ва қонуний манфаатларини ҳимоя қилишдан иборат эканлиги таъкидланди.

Фарғона туманидаги “Саткак Азиз” фермер хўжалиги раҳбари Б. Абдураимов томонидан ўзига қарашли суғориладиган 7.6 гектар ғалла майдонларини суғориш мақсадида ҳудуддаги “Хурмону Азиз” СИУ га сувларни истеъмол қилиш бўйича буюртманома (талабнома) бермасдан, 80 л/с сувни ўзбошимчалик билан эгаллаб олгани, бундан ташқари, хўжалик раҳбари томонидан сувларнинг дастлабки ҳисобини юритиш бўйича сувнинг олди-берди дафтарини мунтазам равишда сувларни қабул қилиб олганлиги тўғрисида имзо чекмасдан келганлиги, сув олиш жойида сувни бошқариш ва ҳисобга олишнинг техник жиҳатдан яроқли воситалар билан жиҳозланмаганлиги аниқланган.

Хўжалик раҳбари Б. Абдураимовга юқоридаги хатти-ҳаракатлар натижасида  олинган ҳар минг кубометр сув учун белгиланган энг кам иш ҳақининг 20 фоизи миқдорида жарима санкциялари қўлланилишига олиб келиши тушунтириб ўтилди.

Шунингдек, Фурқат туманидаги “Э. Абдуҳаёт” фермер хўжалиги раҳбари А. Эгамов томонидан ўзига қарашли суғориладиган 10.0 гектар майдонларнинг шўрини ювиш мақсадида ҳудуддаги “Қуқонлик Бўстонбой орзуси сув йўллари” СИУ га сувларни истеъмол қилиш бўйича буюртманома (талабнома) бермасдан, 100 л/с сувни ўзбошимчалик билан эгаллаб олгани, бундан ташқари, хўжалик сувчилари томонидан сувлардан фойдаланиш аҳволи ўрганилганда, хўжаликка қарашли ички ариқлар тозаланмаганлиги натижасида ариқлардан тошиб, сувларнинг исрофгарчилигига йўл қўяётгани ва шўр ювиш давомида 10 л/с сувлардан фойдаланмаган ҳолда самарасизлик билан ички коллектор-дренаж тармоғига ташлаб қўйилгани аниқланган. Корхона раҳбари А. Эгамовга   энг кам иш ҳақининг 20 фоизи миқдорида жарима санкциялари қўлланилишига олиб келиши тушунтириб ўтилди.

Қува туманидаги “Тараққиёт” фермер хўжалиги раҳбари А. Саидов томонидан ҳам юқоридаги қонунбузилиши ҳолати содир этилгани аниқланди. “Янгиқишлоқ Дўстлик” СИУ раиси А. Абдукаримов “Тараққиёт” фермер хўжалигидаги ҳолат юзасидан ўз хулосаларини айтиб, келгуси фаолияти давомида бу каби қонунбузилишларнинг олдини олиш ва барча сув истеъмолчилари ўртасида сув истеъмолига доир қонун ҳужжатлари тўғрисида, берилган сувлардан белгиланган тартиб асосида ва самарали фойдаланишни ташкил этиш тўғрисида тушунтириш ишлари олиб бориш лозимлиги хусусида тўхталди.

Фурқат тумани “Олмазор” фермер хўжалиги раҳбари Б. Ҳамроқуловнинг сув истеъмоли бўйича суғориш мавсумида сувларнинг адолатсиз тақсимоти бўйича вужудга келиши мумкин бўлган муаммолар тўғрисидаги мурожаатига тавсиялар берилди.

Қизғин ва таассуротларга бой ўтган йиғилишда профилактик-семинар қатнашчиларининг таклиф ва мулоҳазалари тингланди ва тегишли қарорлар қабул қилинди.

Наргис Қосимова 

 

 

 

phpjtNOuV

ЕРНИНГ ҲИМОЯ ПАРДАСИ МУСТАҲКАММИ?

Ер юзининг ҳимоя қобиғи ҳисобланган озон қатламининг емирилиши бутун дунё мамлакатларини ва шу билан бир қаторда, Ўзбекистонни ҳам хавотирга солиб, долзарб муаммога айланиб бормоқда. Ушбу муаммонинг ечимини топиш ва сайёрамиз табиатини муҳофаза қилиш Ердаги ҳаёт учун Озон қатламини ҳимоя қилиш борасидаги Ўзбекистон Республикасида Вазирлар Маҳкамасининг “Озон қатламини ҳимоя қилиш соҳасидаги шартномалар бўйича Ўзбекистон Республикасининг халқаро мажбуриятларини бажариш чора-тадбирлари тўғрисида”ги қарори доирасида амалга оширилмоқда.

Энг кўп озон стратосферада тўпланиб, у Озон қатлами деб аталади. Стратосферада ҳаво умумий зичлигининг пасайиши натижасида ҳаво ҳарорати аста-секин кўтарилади, озон концентрациясини ошиб бориши кузатилади. Ҳаво қатлами яхши исийди, чунки нурлари таъсирида бўлаётган озон парчаланиши иссиқлик чиқиши билан бирга кечади.Натижада Ер юзида ҳаётни ҳимоя қилиш учун энг асосий жараён юз беради, ўткир ультрабинафша нурларининг бир қисми ютилади.Агар Қуёш нурлари ерга буткул тушса у ҳолда ҳайвонлар ва ўсимликлар гўёки улкан товада қовурилгандек қовжираб кетади.бизга ультрабинафша нурларининг бир қисмидан камроғи Ҳам етади, акс ҳолда организмга куйиш, тери саратони, кўриш нурини пасайиши, масалан, кўз касалликларидан катарактанинг авж олишига сабаб бўлади. Озон қатлами асосан атмосферанинг Ердан таҳминан 15 дан 50 кмгача масофада бўлган қуйи қисмидан ўрин олган. Озон қатламидаги озон моддаси (О3 ), азот оксиди ( NO), гидроксил ( ОН), атомли хлор ( СI ) ва бром (Br) каби эркин радикал катализаторлар билан парчалиниши мумкин.Инсоният узоқ йиллар мобайнида музлатгич қурилмалари, ҳаво совутгичлари, ўт ўчириш қуроллари, пеноматериаллар, аэрозолларни ишлаб чиқариб ва улардан кенг миқёсда фойдаланиб келмоқда. Бундан ташқари, одамлар тиббиёт ускуналарини стериллаш ва қишлоқ хўжалигида дезинфекция тадбирларида, нефтни қайта ишлаш заводларида катализатор сифатида, эритгичларда, ёғсизлантириш қўлланмаларида, реактив двигателларда ва яна бошқа кўпгина соҳаларда озон емирувчи моддалар қўлламоқдалар. Натижада хлор ва бром каби озон емирувчи моддалар концентрацияси ортиб бормоқда.БМТнинг атроф муҳитни муҳофаза қилиш Дастури асосида 1985 йилда Озон қатламини муҳофаза қилиш Вена конвенцияси ва 1987 йил 16 сентябрда 24 та мамлакатдан йиғилган гуруҳ раҳбарлари озонни емирувчи моддалар бўйича Монреаль шаҳрида баённомани имзоладилар. Бугунги кунга келиб ушбу Монреаль баённомаси 198 та мамлакат томонидан ратификация қилинди ва ушбу давлатлар баённома рўйхатига киритилган 100 га яқин озонни емирувчи моддаларни ишлатишни белгиланган тартибда камайтириб бориш мажбуриятини олдилар.
Шунга қарамай, Ер юзининг ўрта кенгликларида озон қатлами тахминан 3-6 фоизга камайганлигини тасдиқловчи аниқ илмий-амлий далиллар бор. Озон қатламининг емирилиши натижасида Ерга етиб келадиган Б ультрабинафша нурлари (УФ-Б) кўпайиб, ўз ўрнида тери саратони, иммунитет тизими кучсизланиши ва пардали катаракта, ўсимликлар ва ҳайвонот оламига сезиларли даражадаги жароҳатларни келтириб чиқаради.
Хусусан, фотосинтез жараёнининг кучсизланиши оқибатида ўсимликларда ҳосилдорлик пасаяди, палнктон ва фитопланктон сингари денгиз турлари хилма-хиллигининг кескин қисқариши каби саломатлик ва экологик муаммоларнинг вужудга келишига олиб келади.
Ортиқча исиш хавфи мавжуд бўлган мамлакатлар сирасига Хитой, Япония, Ҳиндистон ва тропик мамлакатлар киради.Бу каби мамлакатларда ҳаёт кечирувчи инсонлар Озон қатлами сийраклашуви натижасида кучайиб бораётган офтоб нуридан сақланишлари учун: қуёшнинг тик нурларидан ҳимоя қилувчи махсус бош кийим кийиб юриши, кўзни ҳимоя қилувчи махсус кўзойнак тақиб юришлари лозим. Озон қатлами азот оксиди, гидрооксил, атомли хлор ва бром каби эркин радикал катализаторлар билан парчаланиши мумкин. Аэрозоллар, дезодорантлар, инсектицидлар ва бошқа маҳсулотларда ишлатиладиган, таркибида хлор-фтор-углерод мавжуд бирикмалар, бромли метил мазкур қатламга салбий таъсир кўрсатади. Лекин озонга ўт ўчиришда қўлланиладиган таркибида углерод ва галогенлар (фтор, бром, баъзиларида хлор) бўлган кимёвий бирикмалар энг кўп зарар етказади.
Ишлаб чиқаришнинг ривожланиши асосан техника ва технологиялар билан боғлиқ. Лекин масаланинг иккинчи томони ҳам бор. Ишлаб чиқариш жараёнида, шунингдек, таркибида ОЕМлар бўлган техникалар, буюмлардан оқилона фойдаланмаслик табиатга, жумладан, озон қатламига кучли салбий таъсир кўрсатади. Масалан, айрим маҳсулотлар, жумладан, совутгичлар ва сунъий иқлим ҳосил қилиш тизимларида фойдаланиладиган хлор¬фторуглеводород (ХФУ)лар «бошланғич галоген газ» кўринишида атмосферага кўтарилиб, стартосферага етиб боргач, парчаланиб, ўзидан озонни емирадиган хлорли атомлар ажратади. Муҳофаза қатламининг юпқалашиши ёки унда «тешик»лар пайдо бўлиши оқибатида қуёшдан тараладиган ультрабинафша нурлар оқими кўпайиб, тери саратони, иммунотизим кучсизланиши, парда катаракти касалликларига, фотосинтез сустлаши натижасида эса ўсимликлар ҳосилдорлиги пасайишига олиб келади
Вена Конвенциясига қўшилган ва Монреаль Баённомасини маъқуллаган мамлакатимизда озон қатлами емирилиши олдини олиш чора-тадбирлари амалга оширилмоқда. Мана ўн икки йилдирки, Ўзбекистон Республикаси Экология ва атроф-муҳитни муҳофаза қилиш давлат қўмитаси ҳузуридаги Атмосфера ҳавосини муҳофаза қилиш Бош бошқармасида Озонни Емирувчи Моддаларни алмаштиришни бошқариш офиси фаолият кўрсатиб келмоқда. ОЕМдан фойдаланишни тўхтатиш бўйича Миллий дастур ва бошқа экологик лойиҳаларни амалга ошириш борасида унинг зиммасига катта масъулият юкланган.
Ҳозирги пайтда мамлакатимизда маиший техникалар (масалан, совутгичлар) ва қатор маҳсулотларни ишлаб чиқаришда озон қатламини емирувчи моддалар ўрнига улар ўрнини босувчи бирикмаларни қўлланиш чоралари кўрилмоқда. Айни пайтда импорт қилинадиган буюм ва техникаларда ана шу меъёрларга риоя этилгани жиддий назоратда турибди.
Борлиққа салбий таъсир кўрсатадиган омилларни англаш кишиларда уларга ўз имконияти даражасида қарши курашни эҳтиёжга айлантиради.  Бу эса экологик маданиятга боғлиқ.

Н.Қосимова

замин5

ЗОМИН ХАЛҚ БОҒИ: КЕЛГУСИ АВЛОДГА НИМА ҚОЛАДИ?

замин5

Жаннатмакон Ўзбекистоннинг бетакрор гўзалликка эга гўшалари жуда ҳам кўп. Баҳорда чўл, ярим чўл ва даштлар баҳорий чечакларга бурканиб, инсонни ўзига жалб этса, ёзнинг жазирама иссиғида барча тоғларнинг салқин бағрига ошиқади. Ҳудуднинг тоза ҳавоси, салқин сувларидан баҳраманд бўлишни истайди. Юртимизнинг ажойиб, баҳаво масканларидан бири бўлган Зомин халқ боғи Жиззах вилоятининг Зомин тумани марказидан   25 км. узоқликда жойлашган. Халқ боғи шимолдан жанубга — 30 км, шарқдан ғарбга эса 17 км. гача чўзилган. Халқ боғ  1976 йили 8 сентябрда ташкил этилган бўлиб,  майдони  24110 гектар, шундан ўрмонлар — 12130 га,  ўрмон олди ерлари — 16783 га, ўрмондан узоқ ҳудудлар- 7327 га. ни ташкил этади. Боғнинг  энг юқори нуқтаси Шаукартау тоғидир. У денгиз сатҳидан 4030 метр баландликда жойлашган. Зомин халқ боғи ноёб тоғ арча экотизимини сақлаб қолиш ва соғломлаштириш мақсадида ташкил қилинган эди. У икки ҳудудга: соғломлаштириш ва ҳимоя ҳудудларига ажратилган. Туркистон тизмасининг жануби ва жанубий-шарқидаги мустаҳкам тоғ тўсиқларининг борлиги ва шимолий тарафдан ҳудуднинг анча очиқлиги боғнинг микроиқлимига сезиларли таъсирини кўрсатади. Геоботаник ҳудудлаштириш бўйича арча ўрмонларининг икки хил:  термофил ва микротермофил арча тизмалари мавжуд. Халқ боғи ҳудуди табиий шифохона саналиб, мазкур ўлка аҳолисининг севимли дам олиш масканига айланган. Боғда экосаёҳатчилар учун етарлича шароит ва қулайликлар яратилмоқда. Ушбу боғнинг ҳудудида 50 дан ортиқ шифобаҳш гиёҳлар ва озиқ ўсимликлари ўсади.

Зомин тоғлари Туркистон тоғларининг шимолий тизмаларида жойлашган бўлиб, унда  бир-бири билан чегарадош Зомин давлат қўриқхонаси ва Зомин халқ боғи жойлашган. Зомин давлат қўриқхонаси Зомин ва Бахмал туманлари ҳудудида 26840 га майдонга эга бўлиб, 1960 йил ташкил қилинган. Қарағай ўрмонлари ҳудуддаги энг йирик ўрмонлардан ҳисобланади.  Қўриқхонада Ўзбекистон Қизил китобига киритилган 14 та ноёб ҳайвонот турлари  ва 18 та ўсимликлар мавжуд. Ҳудуд 1913 йилдан буён турли даражада муҳофаза остига олингани сабабли, ноёб табиий ресурслар сақланиб қолган.

Зоминда 700 турдаги ўсимликлар ўсади ва улардан 2 таси Қизил Китобга киритилган. Табиий гиёҳлардан бўзноч, пушти радиола,  қизилпойча, қизилқон ва ҳк. ларни топиш мумкин бўлса, манзарали ўсимликлардан  чиннигул, ёронгул, заъфар, заъфарон кабилар ўсади. Дарахтлардан четан, шилви (учқат) ёввойи олма ва ноклар ҳамда бошқаларни учратиш мумкин.

IMG_5442

Ўсимлик дунёси тез-тез алмашиниб туриши боис ўрмон минтақаларидаги бутазорлар ва адир ҳудудлари ўзгариб туради.  Бевосита қўшни жойларда эса ўрмон, адир, юқори тоғ ва қояларининг ҳайвонлари истиқомат қилади. Бўрилар, тулкилар, бургутлар, лочинлар, қор барслари ва Сибир эчкилари шулар жумласидандир. Арча ўрмонлари ичида камёб қушлардан саналган говкаптар, деҳқончумчуқ, қумри, қораялоқ,  Туркистон уккиси ва Туркистон чуғурчиқларини кўриш мумкин. Шунингдек бу ерда жуда ғалати қуш саналган, патлари қора, сариқ ва яшил бўлган, фақат арча уруғлари билан озиқланадиган  арча болтатумшуғи яшайди. Зомин баланд тоғларининг доимий ҳайвонлари қаторига Туркистон силовсини, қора лайлак, Марказий Осиё эчкиси ва оқ тирноқли айиқларни киритиш мумкин.

1983 йилда қўриқхона ҳудуди бир ярим марта кенгайтирилиб, уни кейинчалик яна катталаштириш масаласи кўриб чиқилган. Ҳозирда Зомин қўриқхонасига биосфера қўриқхонаси мақоми берилган.

Зомин Халқ боғида табиат ёдгорликлари бисёр. Ана шулардан бири қадимги “Бобоёнғоқ” дарахтидир. У  Зомин халқ боғида ўсиб, дарахтнинг тахминий ёши 350 йилни ташкил этади. Баландлиги 20 метр, шохларининг эни 28 м, асосининг диаметри эса 2,7 метрга тенг. Яна бир сайёҳларни доимо ўзига жалб этадиган табиат мўъжизаларидан бири Пешағор ғоридир. Ушбу ғор Пешағор қишлоғидан унча узоқ бўлмаган ерда жойлашган. Пешағор ғоридан топилган буюмлар муҳим археологик аҳамиятга эга эканлиги билан олимлар эътиборини тортган.  Булар эса, бу ғорнинг ибтидоий одамларга бошпана бўлиб хизмат қилганидан далолат беради. Ундан суяклар, уй-рўзғор анжомлари, сополдан ясалган бош ҳайкалчалар топилган. Ғор деворларида ибтидоий одамлар  чизган расмлар аниқланган.

Зомин тоғларида жуда ҳам булоқлар кўп. Уларнинг энг машҳури “Шербулоқ” бўлиб, у кичик ғор шаклида қурилган. Атрофи тошдан ясалган зиналар ва йўлакчалардан иборат. Унинг муздек суви шер боши шаклида ясалган тошдан оқиб туради ва булоқ номланишининг асоси бўлиб хизмат қилади. Сув таркибида калций моддасининг кўплиги сабабли ундан совутилган сутнинг таъми келади.

Зоминга ҳар йили минглаб фуқаролар дам олишга келади. Аммо аксарият юртдошларимизда экологик маданиятнинг етишмаслиги, фақатгина бир кун билан яшаш ҳисси афсуски Зомин халқ боғининг ноёб экотизимини аста-секинлик билан йўқолишига сабаб бўлмоқда.

IMG_5447

Зомин Халқ боғига қадам қўяр эканмиз, унга кираверишда қўриқлаш пости қўйилган бўлсада, на кираётган, на чиқаётган автоуловлар текширилмаслиги эътиборимизни тортди. Бемалол битта арчани кесиб, авттоулов юкхонага босиб олиб чиқилсада, постда турганлар буни сезмаслиги аниқ. Билишимизча, уларнинг асосий вазифаси Халқ боққа кираётган дам олувчилар сонига қараб 10 минг сўмдан пул йиғишдир. Аммо  олинган пулга на чипта берилади, на у бирор жойда қайд қилинади.

IMG_5446

Халқ боғнинг дам олиш ҳудудида йилдан йилга кўпайиб бораётган чойхоналар, дам олиш масканларида оддийгина чиқиндиларни йиғиш кўзда тутилмаган. Барча чиқиндилар дам олиш масканларининг ходимлари томонидан тоғлардан тушаётган сойга ташланади. Зилол сув бир зумда булғаниб,  пастга оқишда давом этади. Худди шу сувдан маҳаллий аҳоли сув ичади. Сой бўйлаб сайрга чиқсангиз бир зумда таъбингиз хира бўлади. Зеро, унинг қирғоқлари турли хил целофан пакетлар, ароқ ва ичимлик шишалари, баклашкаларга тўлиб кетган. Ҳудудда бирорта ҳам чиқинди ташлаш учун қутилар, ўрналар йўқ. Дам олувчилар ишлатилган шиша ва баклашкалар, қоғоз ва целофанларни дуч келган жойга ташлашади.

IMG_5449

Чойхоналар томонидан ўтин сифатида арчаларнинг кесиб ёқилиши, маҳаллий аҳоли томонидан тоғларда қорамолларнинг боқилиши, дам олувчилар томонидан шифобаҳш гиёҳлар, гулларнинг юлиб кетилиши,  арча шохларининг синдириб олиниши эса инсоннинг Зомин табиатига салбий таъсирини кучайтирмоқда.

Зоминнинг Ўриклисой дам олиш маскани энг гавжум жойлардан биридир. Масканни кесиб ўтган сой  озиқ-овқат қолдиқлари ва бошқа чиқиндиларга тўлиб-тошган. Йўлаклар узра экилган теракларнинг таналари пичоқ билан ўйиб ёзилган  турли хил севги изҳорлари-ю, дам олишга келганларнинг исмлари билан безатилган.

IMG_5455

Агарда аҳвол шу йўсинда давом этадиган бўлса, бир неча йиллардан сўнг Зомин халқ боғи улкан, табиий бойлиги талон-тарож қилинган ахлатхонага айланиши мумкин. Бунинг олдини олиш, ҳудуднинг биохилма-хиллигини асраш, дам олувчилар  ҳамда уларга хизмат кўрсатувчи турли хил дам олиш масканлари фаолиятини зудлик билан қаттиқ назоратга олиш, халқ боғида фаолият юритиш қоидаларни бузган фуқароларга тегишли жазо чораларини кўриш зарур. Зеро, Зомин халқ боғи келгусида ўсиб келаётган  авлоднинг ҳам кўзини қувонтирсин.

Наргис ҚОСИМОВА

 

DSC_0717

ВАШЕТКО ЭМИЛИЯ: “ТОШБАҚА ҚИЗИЛ КИТОБГА КИРИТИЛАДИ”

P1110914

Ҳозирги вақтда Ўзбекистоннинг  Қизил китоби сут эмизувчиларнинг 23 тури, қушларнинг 48 тури, судралиб юрувчиларнинг 16 тури, балиқларнинг 17 тури, бўғимоёқлиларнинг 60 тури, моллюскаларнинг 14 тури, халқали чувалчангларнинг 3 тури, юксак ўсимликларнинг 321 тури ва қўзиқоринларнинг 3 турини ўз ичига олади. Аммо ҳозир олимлар  китобни янгилаш устида иш олиб боришмоқда. Зеро, йигирманчи асрнинг иккинчи ярмида аҳоли сонининг кескин ортиши, шунингдек, қишлоқ хўжалиги ва саноат ишлаб чиқаришининг ўсиши туфайли инсоннинг табиатга таъсири даражаси кўп марта кучайди. Ҳозирги вақтда Ўзбекистон ҳудудининг 18%га яқинини инсон томонидан ўзгартирилган ландшафтлар ташкил қилади.  Ҳудуднинг интенсив ўзлаштирилиши ўсимлик ва ҳайвонот дунёсининг камбағаллашуви, ноёб тўқай, чўл ва тоғ экотизимларининг йўқ қилиниши, атроф-муҳитнинг ифлосланиши, чўлланиш, Орол денгизининг экологик фалокати каби салбий оқибатларга олиб келди.   Ўзбекистон флора ва фаунасининг кўплаб турларининг сони ва тарқалиш майдони кескин қисқарди, уларнинг айримлари бутунлай йўқолиб кетди. Овлаш объектлари бўлган йирик сут эмизувчилар ва қушлар ҳамда фақатгина маълум тор яшаш жойларига боғлиқ бўлган эндемик ва реликт ўсимликлар энг катта хавф остида қолмоқда. Охирги 100 йил ичида Ўзбекистон ҳудудида турон йўлбарси, гепард, қулон, орол сулаймонбалиғи ва 18 тур ўсимлик йўқолди. Илвирс (тоғ қоплони), қорақулоқ, қоплон каби йирик йиртқичлар йўқолиш арафасидадир. Силовсин, оқ тирноқли айиқ, бурама шохли эчки, бухоро қўйи, Қизилқум архари, сайғоқ ва жайрон жуда кам учрайдиган бўлиб қолди. Яқин кунларда Ўзбекистон Қизил китобига яна бир жонивор тури, оддий дашт тошбақаси критилади. Бугунги кунда республикамизда тошбақларнинг йўқолиб кетиши хавфи остида қолаётганлиги хусусида Ўзбекистон Республикаси Фанлар Академиясининг ўсимлик ва ҳайвонот дунёси генофонди институтининг катта илмий ходими, биологик фанлар номзоди Эмилия Викторовна Вашетко билан суҳбатлашдик.

- Эмилия Викторовна, дашт тошбақаси Ўзбекистоннинг деярли барча ҳудудларида учраши ҳеч кимга сир эмас.   Юртимизда истиқомат қиладиган тошбақалар бошқаларидан нимаси билан фарқ қилади?

 -Ўрта Осиё тошбақаси ёки дашт тошбақаси  қуруқликда яшайдиган турга киради. Асосан  Россиянинг жанубий-шарқий қисми, Озарбайжон, Ўзбекистон, Қирғизистон, Турманистон, Шимолий-шарқий Эрон, Афғонистон, Шимолий Покистон, Шимолий-ғарбий Хитой ҳудудларида кенг тарқалган. Ўзбекистонда дашт тошбақаси асосан ярим чўл, дашт, тақир тупроқли ҳудудлар, қир ёнбағирларида истиқомат қилади.  Тоғли ҳудудларда денгиз сатҳидан 1150 метр баландликкача учрайди. Ўзбекистонда  бир гектар майдонга 1,5 дона тошбақа тўғри келади. Жониворларнинг энг зич яшайдиган ҳудудлари Навоий вилоятининг Томдитоғ ва Етимтоғ ҳудудлари бўлиб,  бу ерда 1 гектарда 11 тагача тошбақа учрайди. Устуюрт платосида тошбақалар анча кам. Энг кўп тошбақалар Шахпахта булоғи ҳудудида истиқомат қилишади.

Дашт тошбақасининг косаси унча катта бўлмаган, юмалоқ, сариқ-жигарранг тусда. Уларнинг халқаларига қараб, тошбақа ёввойи табиат қўйнида ўсганми ёки тутқинликда, аниқласа бўлади. Чунки табиат қўйнида яшаган тошбақалар косасидаги халқаларнинг ораси кенг, тутқунликдагисиники тор бўлади. Тошбақанинг узунлиги одатда 15-20 см. бўлиб, мода тошбақа нардан анча каттадир. Ўрта Осиё тошбақасининг олдинги оёқларида 4 та бармоқлари,  орқа оёқларида эса ўсимталар бор. Тошбақалар умри давомида ўсади ва жинсий етукликка 10 йилда етишади.  Тошбақаларнинг кўпайиши учун бир хил ёшдаги жониворлар зарур. Агарда тошбақанинг думи узунроқ ва кенгроқ бўлса у эркак,  қисқа ва япалоқ бўлса урғочи бўлади. Тошбақалар февралдан август ойигача кўпайишади. Мода тошбақа 2 тадан 6 тагача тухум қўяди. Инкубация 28-30°С  ҳароратда 60-65  кун давом этади. Ҳаво совуқроқ бўлса тухумлардан эркак, иссиқроқ бўлса урғочи тошбақалар ёриб чиқади.

-Тошбақалар юртимиз экотизимида қандай ўрин тутади?

-  Табиатда тошбақаларнинг ўзига хос ўрни бор. Улар бошқа жониворлар сингари озиқ занжирининг муҳим бўғинидан биридир. Унинг инсон ҳаётидаги ўрнини эса қадимдан кузатиш мумкин. Одамлар тошбақаларнинг гўштини истеъмол қилиб, косасидан уй-рўзғор буюмларини ясашган. Тошбақалар энг қадимги жониворлардан биридир. Улар икки миллион йил илгари пайдо бўлиб, ҳозиргача ташқи кўриниш деярли ўзармаган. Илк пайдо бўлган даврларда Ер юзида 20 дан ортиқ тури яшаган бўлса, ҳозир сайёрамизда тошбақанинг 14 та тури мавжуд.  Ўрта Осиё тошбақаси табиатда дашт ўсимликлари, мевалар, сабзавот ва полиз экинлари билан озиқланишади. Улар якка ҳода яшаб, фақатгина қўшилиш учун ўзларига ёр излашади.

Барча умуртқали ҳайвонлар ичида тошбақалар энг  кўп умр кўришади. Масалан Айвата лақабли гигант тошбақа 150 йил, Кики эса 146 йил умр кўрганлиги қайд этилган. Мадагаскар оролида истиқомат қилган Туи лақабли тошбақанинг ёши эса 188 ёшга етган.

-Республикамиз шаҳарларининг “қуш бозорлари”да қопларда турли ҳажмдаги кўплаб тошбақаларнинг сотилаётганини кўриш мумкин. Бу жониворлар популяциясига таъсир кўрсатмайдими?

- Ўзбекистонда дашт тошбақаси  экспорт қилишга рухсат этилган жониворлардан бири ҳисобланади. Тошбақаларни АҚШ, Европа, Япониянинг зоодўконлари ҳамда ресторанлари харид қилишади. Айтиш жоизки, маълум катталикдаги жониворлар тутилиб экспортга олиб чиқилади, инларидаги тухумлар йиғиб кетилади. Асосан Навоий, Жиззах, Самарқанд, Бухоро, Қашқадарё вилоятлари ҳудудларидаги кўплаб тошбақалар териб кетилмоқда. Марказий Осиёнинг бошқа республикаларида тошбақалар сони кескин камайгани сабабли Қозоғистон 2003, Тожикистон 2009 йилдан уларнинг экспортини тақиқланган. Ўзбекистонда эса бу жараён ҳануз давом этмоқда. Масалан,  2000 йилда 3500 та тошбақа ташқарига олиб чиқиб кетилган бўлса, 2015 йилда уларнинг сони 50 мингтага етди. Шунингдек, питомникларда ўстириладиган тошбақалар экспорти эса 2003 йилда 5 мингта, 2015 йилда 45 минг донани ташкил этди. Энг ёмони, юқорида қайд этилганидек, маълум кичикрок ҳажмдаги тошбақалар экспортга йўналтирилади. Эркак тошбақаларнинг ҳажми урғочисиникидан  кичикроқ бўлганлиги сабабли, қонуний ва ноқонуний савдо тўрига айнан улар тушади. Оқибатда фақатгина урғочи тошбақаларнинг қолиши уларнинг кескин камайига сабаб бўлди. “Қуш бозорлари”да табиат қўйнидан ноқонуний териб келиниб сотаётган “тижоратчи”ларга ҳам кескин чоралар кўриш вақти етди. Чунки жониворларнинг кўпчилиги ёш болалар овунчоғига айланиб, нотўғри боқилиши оқибатида ҳалок бўлади.

Айни пайтда Ўрта Осиё тошбақасини Ўзбекистон Қизил Китобига зудлик билан киритиб, унинг экспортини тақиқлаш, тошбақаларни яшаш ҳудудлари браконьерлардан муҳофаза қилиш зарур. Бунинг учун ҳозир ҳаракат қилмоқдамиз. Шунингдек, жонивор Ёввойи фауна ва флора турлари билан халқаро савдо тўғрисидаги Конвенциянинг иккинчи иловасига ва халқаро табиатни муҳофаза қилиш иттифоқининг Қизил рўйхатига йўқолиб бораётган ҳайвон тури сифатида киритилган.

-Ўзбекистонда  барча ўсимлик ва ҳайвонот дунёси объектлари қўриқланади. Шундай эмасми?

- Ҳа, албатта. Бугунги кунда амалдаги қонунчиликка асосан бир дона тошбақани ушлаб сотганлик учун  Ўзбекистон Республикаси фуқаросига энг кам иш ҳақининг икки баробари миқдорида, хорижий давлат фуқароси учун эса 100 АҚШ доллари миқдорида жарима белгиланган.

Жониворлар популяциясини тиклаш, фарзандларимиз фақатгина террариумларда эмас, ёввойи табиат қўйнида яйраётган тошбақаларни кўришлари учун Ўзбекистонда тошбақаларни кўпайтириш питомниклар  сонини ошириш лозим. Уларнинг бир қисмини тижорат мақсадида фойдаланилса, иккинчи қисмини табиат қўйнига қўйиб юбориш зарур. Шунингдек, тошбақаларнинг ноқонуний савдоси ва уларни ушлаш борасидаги жазо  чораларини  қатъийлаштириш мақсадга мувофиқдир.

Наргис ҚОСИМОВА суҳбатлашди