zbekiston_ekologik_partiyasi_ora_alpo_iston_respublikasi_ken

ЕР РЕСУРСЛАРИНИ БОШҚАРИШ ВА УЛАРНИ БАҲОЛАШНИНГ ЯНГИ ЁНДАШУВЛАРИ МУҲОКАМА ҚИЛИНДИ

Тошкентда “Ер ресурсларини бошқариш ва уларни баҳолаш: янги ёндашувлар ва иновацион ечимлар” мавзуидаги илмий-амалий конференция бўлиб ўтди. Конференция Ўзбекистон Республикаси Олий Мажлиси Қонунчилик палатаси Экология ва атроф муҳитни муҳофаза қилиш масалалари қўмитаси, Ўзбекистон Экологик партияси, Ўзбекистон Республикаси Ер ресурслари, геодезия, картография ва давлат кадастри давлат қўмитаси, Ўзбекистон Миллий университети, Ўзбекистон экологик ҳаракати ва бошқа қатор вазирлик ва идоралар ҳамкорлигида ташкил этилди.

Ўзбекистон Республикаси Олий Мажлиси Қонунчилик палатаси депутатлари, тегишли вазирлик, идора ва ташкилотлар мутахассислари, экспертлар, шунингдек, М.В.Ломоносов номидаги Москва давлат университети, К.А.Тимирязев номидаги Россия давлат аграр университети профеесор ўқитувчилари, халқаро экспертлар ҳамда ОАВ вакиллари иштирок этган анжуман  БМТТД нинг “Ўзбекистоннинг тоғли, яримчўл ва чўл ландшафтларидаги суғорилмайдиган қурғоқчил ерларини рақобатли эксплуатация қилиниши натижасида табиий ресурслардан фойдаланиш босимини камайтириш” лойиҳаси доирасида ташкил этилди.

Анжуманда ер ресурсларини бошқариш ва уларни баҳолаш, тупроқни мониторинг қилиш, ер ресурсларини муҳофаза қилиш ва улардан оқилона фойдаланишда янги ёндашувлар ва инновацион технологияларни жорий қилиш ҳамда ер қонунчилигини такомиллаштириш масалалари атрофлича муҳокама қилинди.

Тадбирда таъкидланганидек, ер муаммоларига инсониятнинг эътиборини қаратиш мақсадида Бирлашган Миллатлар Ташкилотининг Бош ассамблеяси қарорига асосан 22-апрель куни Халқаро Ер куни сифатида нишонланади. Шуни алоҳида қайд этиш жоизки, ер халқнинг энг асосий ва бебаҳо бойлиги, битмас-туганмас мулки ҳисобланади. Ер, айниқса  қишлоқ хўжалик маҳсулотларини  етиштириш ва ишлаб чиқаришнинг асосини ташкил этади.

Ўзбекистон Республикаси Конституциясининг 55-моддасида, ер, ер ости бойликлари, сув, ўсимлик ва ҳайвонот дунёси ҳамда бошқа табиий заҳиралар умумхалқ бойлиги эканлиги, улардан оқилона фойдаланиш зарурлиги ва улар давлат муҳофазасидалиги баён этилган. Шуни алоҳида таъкидлаш лозимки, республикамиз иқтисодий барқарорлигини таъминлаш, аҳолини озиқ-овқат маҳсулотларига бўлган эҳтиёжини қондиришда қишлоқ хўжалигининг тараққиёти, тупроқдан унумли ва оқилона фойдаланишга бевосита боғлиқ.

Ҳозирги вақтда бутун сайёрада 1,5 миллиард гектарга яқин майдонга қишлоқ хўжалик экинлари экилади. Маълумотларга кўра дунёда ҳар йили 7-8 миллион гектар унумдор ерлар деградацияга учрамоқда. Дунё бўйича суғориладиган ерларнинг деярли 40 фоизи турли даражада шўрланган. Саҳроланишнинг кучайиши натижасида қитъаларнинг 36-40 фоизи чўлга айланган ва бу жараён давом этмоқда.

Бугунги кунда Республика ҳудудининг 70 фоизи ёки 31,4 млн. гектар майдони табиий шўрланишга, қум кўчкилари, чангли бўронлар ва гармселлар тарқалиши таъсирига учраган қурғоқчил ва ярим қурғоқчил майдонлардан иборат. Орол фожиаси оқибатида 5,5 млн гектардан ортиқ майдонли “Оролқум” чўли вужудга келган.

Таъкидланганидек, мамлакатимизда ер ресурсларидан самарали фойдаланиш ва уларни муҳофаза қилишнинг институционал ва ҳуқуқий базаси яратилган. Мамлакатимиз умумий майдонининг 9,6 фоизи, яъни 3,3 млн. гектари суғориладиган ерларга тўғри келиб, ҳозирда ушбу майдонларда барча қишлоқ хўжалиги маҳсулотларининг 95 фоиздан ортиғи етиштирилмоқда. Қишлоқ хўжалиги экин майдонларини сув билан кафолатли таъминлаш мақсадида ҳар йили давлат бюджетидан 2 триллион сўмдан ортиқ, суғориладиган ерларнинг мелиоратив ҳолатини яхшилаш учун эса 400 млрд. сўмдан зиёд маблағ ажратилмоқда.

Бугунги кунда мамлакатимизда ерлардан самарали фойдаланиш ҳамда уларни муҳофаза қилишнинг ҳуқуқий асослари Ўзбекистон Республикасининг Ер кодекси, Фуқаролик кодекси, “Табиатни муҳофаза қилиш тўғрисида”ги, “Давлат ер кадастри тўғрисида”ги, “Фермер хўжалиги тўғрисида”ги, “Деҳқон хўжалиги тўғрисида”ги, “Ер ости бойликлари тўғрисида”ги, “Ўрмон тўғрисида”ги қонунлари, Фуқаролик кодекси, Солиқ кодекси, Жиноят кодекси, Маъмурий жавобгарлик тўғрисидаги кодекс ва бошқа қонуности ҳужжатлари билан тартибга солинмоқда.

Афсуски, бугунги кунда дунё миқёсида тупроқ қатлами емирилмоқда, яхши унумдор ерлар камайиб, жадаллик билан таназзулга юз тутмоқда. Табиатга антропоген таъсир туфайли миллиард гектарга яқин ердан инсоният маҳрум бўлган. Таъкидланганидек, тупроқ унумдорлигини ва ишлаб чиқариш қувватини ошириш кўп жиҳатдан унга эҳтиёткорлик билан муносабатда бўлишга, уни яхшилашга қаратилган тадбирлар мажмуасига боғлиқ.

Жумладан, гумус тупроқ унумдорлигини белгиловчи муҳим омилдир, лекин кейинги йилларда тупроқда дегумификация жараёни натижасида, Ўзбекистоннинг бир мунча ҳудудлари тупроқларида 40-50 фоизгача гумус камайган, натижада тупроқнинг биологик фаолияти ёмонлашган. Шу муносабат билан қишлоқ хўжалик ишлаб чиқаришининг изчиллик билан жадаллаштириш, ер фондидан оқилона фойдаланиш, суғориладиган ҳар гектарининг унумдорлигини, унинг иқтисодий самарадорлигини ошириш билан боғлиқ муаммолар ечимини ишлаб чиқиш ғоят катта аҳамият касб этади.

Биргина Орол денгизи қуришининг жадаллашуви, иқлим ўзгариши, хусусан ёғингарчиликнинг кам бўлганлиги Амударё қуйи оқимида туз ва сув мутаносиблиги бузилишига, ерларнинг шўрланиши, унумдорлик даражаси пировардида қишлоқ хўжалик экинлари ҳосилдорлигининг камайишига олиб келмоқда. Натижада сув ресурслари танқислиги, ер деградацияси, чўлланишни кучайиши, биохилма-хилликнинг кескин камайиши ва бошқа жиддий иқлим ўзгаришлари тобора чуқурлашиб бораётганлиги нафақат минтақамиздаги балки дунёдаги экология ва атроф муҳит муҳофазасига бефарқ бўлмаган ҳар бир инсонда жиддий ташвиш уйғотмоқда.

Ўзбекистон Республикаси Президентининг бир қатор Фармон ва қарорлари ҳамда ҳукуматнинг қарорлари мазкур экологик муаммони ҳал этиш бўйича амалга оширилаётган ислоҳотларнинг самарадорлигини янада оширишга хизмат қилмоқда.

Оролбўйи минтақаси учун инсон хавфсизлиги бўйича кўп шериклик асосида БМТнинг Траст жамғармаси ташкил этилди. Ўзбекистон Республикаси Президентининг 2019 йил 8 январдаги “Бирлашган Миллатлар Ташкилоти шафелигида Оролбўйи минтақаси учун Инсон хавфсизлиги бўйича кўп томонлама шериклик Траст жамғармаси фаолиятини қўллаб-қувватлаш чора-тадбирлари тўғрисида”ги Қарори мазкур жамғарма олдига қўйилган асосий вазифаларни амалга ошириш йўлидаги муҳим қадам бўлди.

Ўзбекистон Республикаси Президенти Ш.М.Мирзиёев 2018 йил 28 декабрь куни Олий Мажлисга Мурожаатномасида барча соҳалар қатори экологик хавфсизлик масаласига ҳам эътибор қаратиб, “……ҳар йили 100 миллион тонна қум ва туз ҳавога кўтарилмоқда. Бу эса Орол ҳалокати глобал муаммо эканини яна бир бор исботламоқда. Орол денгизининг сувсиз қолган ерларида яшил ўрмонлар барпо этишга алоҳида эътибор бермоқдамиз… Қабул қилинаётган махсус дастурга кўра, Орол денгизининг сув ости ҳудудида келгуси йилнинг ўзида яна 500 минг гектар ўрмонзор барпо этилади”-дея таъкидлаб ўтган эди.

Бугунги кунга қадар Оролнинг қуриган тубида 400 минг гектардан зиёд майдонда саксовул уруғлари экилган, қарийб 1 млн.гектар майдон экишга тайёрланган. Ушбу олиб борилаётган ишларнинг амалий мақсади Оролнинг қуриган тубида мўътадил экотизим яратиш ҳамда денгиз тубидан кўтарилаётган қум-тузларни тўхтатишдан иборатдир.

Ҳозирги вақтда қишлоқ хўжалигида фойдаланиладиган ерларни мелиоратив ҳолатини яхшилаш, тупроқ унумдорлигини тиклаш ва мелиоратив тизимлар қуриш, улардан фойдаланишга боғлиқ табирлар ўтказишга давлат томонидан катта маблағлар ажратилаётганлиги бежиз эмас.

Жумладан, 2018-2019 йилларда ирригация тармоқларини ривожлантириш ва суғориладиган ерларнинг мелиоратив ҳолатини яхшилаш бўйича Давлат дастурига мувофиқ, икки йил давомида суғориладиган ерларнинг шамол эрозиясига ҳамда сув хўжалиги объектларини қум босишига қарши 3 минг гектарга яқин майдонда иҳота дарахтзорлари барпо этиш ва реконструкция қилиш ишлари белгиланган.

Дастурга кўра, 1086 километр узунликдаги каналлар ўзанлари бетон билан қопланиб, 661 километр лотоклар янгидан бунёд этилиши, шунингдек, 109 та йирик гидротехник иншоотлар қурилиши ва янги насос станциялари ўрнатилиши режалаштирилган. Мазкур тадбирларни амалга ошириш натижасида 1 млн. 200 минг гектар майдондаги ернинг сув таъминоти яхшиланиши кутилмоқда.

Бундан ташқари жорий йилнинг 22-феврал куни муҳтарам Президентимизнинг №ПҚ-4204 -сонли  яъни  Ўзбекистон Республикасида “Чўлланиш ва қирғоқчилликга қарши курашиш бўйича ишлар самарадорлигини ошириш чора-тадьбирлари тўғрисида”ги қарори қабул қилинди.

Конференция Оролбўйи ҳудуди трансчегеравий сув ресурсларидан самарали фойдаланиш ва муҳофаза қилишни умумий стратегияларини ишлаб чиқиш, чўлланишга қарши кураш – барқарор экотизим асоси, дунёда экотуризмни ривожланиши ва Ўзбекистонда ундан фойдаланиш имкониятлари каби секцияларда давом эттирди.

Конференция иштирокчиларига Ўзбекистон Экологик партиясиннинг ташкил этилиши, унинг мақсад ва вазифалари ҳақида батафсил ахборот берилди. Оролбўйидаги экологик ҳаолатни барқарорлаштириш, ер ресурсларидан оқилона ва самарали фойдаланиш, қишлоқ хўжалигига энергия ва сув тежовчи технологияларни жорий этишни жадалаштириш, экологик тоза озиқ-овқат ва қишлоқ хўжалиги маҳсулотларини етиштиришни йўлга қўйиш Партиянинг устувор йўналишларидан бири эканлиги алоҳида таъкидланди. Тадбир доирасида Ўзбекистон Экологик партияси Ўзбекистон Миллий университети, Ўзбекистон Республикаси Ер ресурслари, геодезия, картография ва давлат кадастри давлат қўмитаси ва “Ўзагрокимёҳимоя” АЖ билан атроф муҳитни муҳофаза қилиш, экологик ҳолатни барқарорлаштириш, экологик таълим ва тарбия тизимини ривожлантириш бўйича ҳамкорлик Меморандумларини имзолади. Шунингдек, Ўзбекистон Экологик партияси сафига қўшилган қатор аъзоларга Партиянинг Аъзолик билетлари тантанали топширилди.

Н.Косимова

zemelnie_resursi_2

Ер ресурсларини муҳофаза қилиш ва улардан самарали фойдаланиш иқтисодий барқарорлик асоси

Ер муаммоларига инсониятнинг эътиборини қаратиш мақсадида 1970 йилдан бошлаб, ҳар йили 22 апрель куни жаҳондаги барча мамлакатларда турли тадбирлар ва акциялар ўтказилади. Бирлашган Миллатлар Ташкилотининг Бош ассамблеяси қарорига асосан 22 апрель куни Ҳалқаро Ер куни сифатида нишонланмоқда.

Бугунги кунда ер ресурсларини муҳофаза қилиш ва улардан оқилона фойдаланиш халқаро ҳамжамиятнинг ҳамда дунёдаги барча давлатларнинг олидида турган ўта муҳим долзарб муаммолардан бири ҳисобланади.

Ер юзасида кечаётган глобал экологик зиддиятли жараёнлар, масалан иқлим ўзгариши, чўлланиш жараёнлари, биологик хилма хилликнинг қисқариб бориши, атмосфера ҳавоси ва сув мабаларининг ифлосланиши, чиқиндилар билан боғиқ муаммолар, саноат ишлаб чиқариши билан боғлиқ техноген авриялар ерга ва бутун атроф табиий муҳитга зарар етказмоқда, ердан самарали фойдаланмаслик натижасида ерларнинг бузилиши ва ориқлаб кетиши жараёнлари кучаймоқда.

Ҳозирги вақтда республикамиз ҳудудининг 70 фоизи ёки 31,4 млн га табиий шўрланишга, қум кўчкилари, чангли бўронлар ва гармселлар тарқалиши таъсирига учраган қурғоқчил ва ярим қурғоқчил майдонлардан иборат. Орол фожиаси оқибатида 5,5 млн гектардан ортиқ майдонли Оролқум чўли вужудга келган.

Мамлакатимиз умумий майдонининг 9,6 фоизи, яъни 3,3 млн. гектари суғориладиган ерларга тўғри келиб, ҳозирда ушбу майдонларда барча қишлоқ хўжалиги маҳсулотларинг 95 фоиздан ортиғи етиштирилмоқда. Қишлоқ хўжалиги экин майдонларини сув билан кафолатли таъминлаш мақсадида ҳар йили давлат бюджетидан 2 триллион сўмдан ортиқ, суғориладиган ерларнинг мелиоратив ҳолатини яхшилаш учун эса 400 млрд. сўмдан зиёд маблағ ажратилмоқда.

c106cc8b65a4f6aaf8124c135e345b6cБугунги кунда мамлакатимизда ерлардан самарали фойдаланиш ҳамда уларни муҳофаза қилишнинг ҳуқуқий асослари Ўзбекистон Республикасининг Ер кодекси, Фуқаролик кодекси, “Табиатни муҳофаза қилиш тўғрисида”ги, “Давлат ер кадастри тўғрисида”ги, “Фермер хўжалиги тўғрисида”ги, “Деҳқон хўжалиги тўғрисида”ги, “Ер ости бойликлари тўғрисида”ги, “Ўрмон тўғрисида”ги қонунлари, Фуқаролик кодекси, Солиқ кодекси, Жиноят кодекси, Маъмурий жавобгарлик тўғрисидаги кодекс ва бошқа қонуности ҳужжатлари билан тартибга солинмоқда.

2018 йилнинг июль ойида ва жорий йилнинг февраль ойида Ўзбекистон Республикаси Президентининг тегишли Фармон ва қарорларидан келиб чиққан ҳолда ерга эгалик қилувчилар, ердан фойдаланувчилар ва ижарачилар томонидан суғориладиган ерларни яхшилашни ҳамда муҳофаза қилишни, шу жумладан ерлардан мақсадли, оқилона фойдаланилишини, тупроқнинг қайта тикланишини ва ҳосилдорлиги оширилишини таъминлаш бўйича мажбуриятларни кучайтириш, суғориладиган ерларни ўзбошимчалик билан эгаллаб олишга йўл қўймаслик, ноқонуний қурилишларни тўхтатиш чораларини кўриш мақсадида, Ер кодексига, Маъмурий жавобгарлик тўғрисидаги кодексга, “Давлат ер кадастри тўғрисида”ги ва “Давлат кадастрлари тўғрисида”ги қонунларга, Жиноят кодексига, Фуқаролик кодексига, Солиқ кодексига ўзгартиш ва қўшимчалар киритилди.

Ўзбекистон, 1993 йилда БМТнинг Иқлим ўзгариши бўйича доиравий конвенцияга ва Биологик хилма-хиллик тўғрисидаги конвецияга қўшилди
1995 йилда Қаттиқ қурғоқчиликни бошдан кечираётган ва (ёки) чўлга айланиб бораётган мамлакатларда, айниқса Африкада чўлга айланиб боришларга қарши кураш бўйича БМТ Конвенциясини ратификация қилди. Мамлакатимиз
2018 йилда БМТнинг Иқлим ўзгариши бўйича доиравий конвенциясига Париж битимини ратификация қилди ва ушбу халқаро ҳужжатлар доирасида қабул қилган мажбуриятларини бажариш билан ерларни муҳофаза қилиш масалаларига ўзининг муносиб ҳиссасини қўшмоқда.

Чўлланишга қарши курашиш, деградацияга учраган ерларни қайта тиклаш бўйича ишларни олиб бориш самарадорлигини ошириш, шунингдек Ўзбекистон Республикасининг халқаро мажбуриятларини самарали бажаришни таъминлаш мақсадида, Ўзбекистон Республикаси Президантининг 2019 йил
22 февралдаги “Ўзбекистон Республикасида чўлланиш ва қурғоқчиликка қарши курашиш бўйича ишлар самарадорлигини ошириш чора-тадбирлари тўғрисида”ги Қарори билан Ўзбекистон Республикаси Ўрмон хўжалиги давлат қўмитасига Ўзбекистон Республикасининг миллий ваколатли органи сифатида республикада чўлланишнинг олдини олиш, ўрмонларни қайта тиклаш ва иҳота ўрмонларини кўпайтириш бўйича чора-тадбирларни амалга ошириш, Конвенция бўйича халқаро мажбуриятларини бажариш, халқаро ва минтақавий ташкилотлар билан самарали ўзаро ҳамкорликни таъминлаш, чўлланиш ва қурғоқчиликка қарши курашиш бўйича дастур ва лойиҳаларни ишлаб чиқиш ва амалга оширишда иштирок этадиган вазирлик, идора ва маҳаллий давлат ҳокимияти ҳокимият органлари ишларини мувофиқлаштириш юзасидан қўшимча вазифалар юклатилди.

Ўзбекистон Республикаси Президентининг 2017 йил 31 майдаги “Ерларни муҳофаза қилиш ва улардан оқилона фойдаланиш борасида назоратни кучайтириш, геодезия ва картография фаолиятини такомиллаштириш, давлат кадастрлари юритишни тартибга солиш чора-тадбирлари тўғрисида”ги Фармони ва 2017 йиил 31 майдаги “Ўзбекистон Республикаси Ер ресурслари, геодезия, картография ва давлат кадастри давлат қўмитаси фаолиятини янада такомиллаштириш тўғрисида”ги Қарори республикамизда ер ресурсларидан фойдаланиш самарадорлигини ва қишлоқ хўжалиги ерлари унумдорлигини ошириш, қишлоқ хўжалиги ерларидан, айниқса, суғориладиган ерлардан бошқа мақсадларда фойдаланишнинг олдини олиш юзасидан назоратни янада кучайтириш, ер фонди ҳисобини юритишни тизимлаштириш соҳага замонавий юқори технологияли техник воситалар ва ахборот-коммуникация технологияларини жорий этилишда алоҳида аҳамият касб этади.

Тадбиркорлик ва шаҳарсозлик фаолиятини амалга ошириш учун ер участкаларини бериш механизмларини тубдан такомиллаштириш, шунингдек тадбиркорлик субъектлари билан ўзаро муносабатлардаги бюрократик тартиб-таомиллар ва тўсиқларни қисқартириш мақсадида, Ўзбекистон Республикаси Президентининг 2018 йил 20 апрелдаги “Тадбиркорлик ва шаҳарсозлик фаолиятини амалга ошириш учун ер участкаларини доимий фойдаланишга бериш тартибини тубдан такомиллаштириш чора-тадбирлари тўғрисида”ги Қарорига асосан, 2018 йилнинг 1 июлидан бошлаб юридик ва жисмоний шахсларга тадбиркорлик ва шаҳарсозлик фаолиятини амалга ошириш учун ер участкаларини доимий фойдаланишга бериш “E-IJRO AUKSION” ягона электрон савдо майдончасида электрон аукцион орқали ҳамда ер участкаларини бериш бўйича материалларни йиғиш, кўриб чиқиш ва ваколатли органлар ҳамда ташкилотлар билан келишиш замонавий ахборот-коммуникация технологияларидан фойдаланган ҳолда электрон шаклда амалга ошириш тартиби белгилаб қўйилди.

Ўзбекистон Республикаси Президентининг 2018 йил 28 декабрдаги Олий Мажлисга Мурожаатномасида қишлоқ хўжалиги соҳасини бошқариш тизимини ислоҳ қилиш, ер ва сув ресурсларидан оқилона фойдаланиш борасидаги илғор технологияларни жорий этиш, озиқ-овқат хавфсизлигини таъминлаш энг муҳим вазифалардан бири сифатида таъкидланиб, қишлоқ хўжалиги мақсадларида ер бериш тизимини тубдан қайта кўриб чиқиш, ерлардан самарали фойдаланиб, мўл ҳосил олаётган кўп тармоқли фермер хўжаликларига ўз фаолиятини кегайтириш учун қўшимча ер майдонларни ажратиш лозимлиги қайд этилган эди.

2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини “Фаол инвестициялар ва ижтимоий ривожланиш йили”да амалга оширишга оид Давлат дастури” доирасида қишлоқ хўжалигида бозор механизмларини жорий қилиш орқали соҳани жадал ривожлантириш чора-тадбирларига асосан, тупроқ унумдорлиги, сув таъминоти ҳамда бошқа омилларни ҳисобга олган ҳолда қишлоқ хўжалиги ерларининг ҳосилдорлигини белгилаш бўйича нормативлар ишлаб чиқиш, сув ресурсларидан оқилона фойдаланиш, суғориладиган ерларнинг мелиоратив ҳолатини яхшилашни таъминлаш, қишлоқ хўжалиги мақсадларида ер бериш тизимини тубдан қайта кўриб чиқиш ва амалдаги қонун ҳужжатларини такомиллаштириш юзасидан тизимли ишлар амалга оширилмоқда.

Орол денгизининг қуриб қолган қисмидаги шўрланган ерларда илмий-тадқиқот ва амалий ишлар кўламини кенгайтириш, экотизимни яхшилаш ҳамда муносиб ҳаёт фаолиятини таъминлаш, тадқиқотлар ва инновацияларнинг илғор тажрибаларини жорий этиш мақсадида, 2018 йилнинг 16 октябрида «Ўзбекистон Республикаси Президенти ҳузуридаги Оролбўйи халқаро инновация Марказини ташкил этиш тўғрисида»ги Қарори қабул қилинди.

Халқаро инновация марказининг асосий вазифалари ва фаолиятиниг устувор йўналишлари, Орол денгизининг қуриб қолган қисмидаги шўрланган ерларда экотизимни яхшилаш ҳамда муносиб ҳаёт фаолиятини таъминлаш, шўрланган тупроқли муҳитдаги турли муаммоларни ҳал этиш мақсадида халқаро ташкилотлар билан ҳамкорликда инновацияларни ишлаб чиқиш ва жорий этиш, инновацион технологиялар ва ёндашувларни, жумладан, агроўрмон мелиорацияси, саҳрони дарахтзорга айлантириш, экинлар диверсификацияси, чорвачилик, яйловларни ривожлантириш, қурғоқчиликни бошқариш ва унинг оқибатларини юмшатиш, иқлим ўзгаришларига мослашувчанликни белгилаш, илгари суриш ва тақдим этиш, Орол қуришининг оқибатларини бартараф этиш ва Орол денгизи ҳавзасини экологик соғломлаштириш соҳасида давлат-хусусий шерикчиликни ривожлантириш ва бошқалардан иборат.

Оролбўйи минтақасида экологик ва ижтимоий-иқтисодий вазиятни яхшилаш бўйича комплекс чора-тадбирларни амалда рўёбга чиқариш доирасида бутун донорлар ҳамжамиятининг саъй-ҳаракатлари ва маблағларини сафарбар қилиш, Орол ҳалокатининг офибатларини тугатиш учун ягона кўптомонлама майдонни ташкил этишда Ўзбекистон Республикаси Президентининг 2019 йилнинг 8 январида қабул қилинган “Бирлашган Миллатлар Ташкилоти шафелигида Оролбўйи минтақаси учун Инсон хавфсизлиги бўйича кўп томонлама шериклик траст жамғармаси фаолиятини қўллаб-қувватлаш чора-тадбирлари тўғрисида”ги Қарори ўта муҳим аҳамиятга эга бўлиб, бугунги кунда ўзнинг самарали натижаларини бермоқда.

Мамлакатимизда умумиллий бойлик ҳисобланган ерлардан оқилона ва самарали фойдаланиш, ернинг экологик ҳолатини яхшилашга қаратилган замонавий инновацион ва ресурстежамкор технологияларни кенг жорий этиш борасида амалга оширилаётган ишлар ижтимоий, иқтисодий ва экологик соҳаларда барқарор ривожланишни таъминлаб, шубхасиз, халқимиз фаровонлиги ва турмуш даражасини янада оширишга хизмат қилади.

Cодиржон Джакбаров,

Ўзбекистон Республикаси

Олий Мажлиси

Қонунчилик палатаси депутати