озон

Осиёда яна кимдир озон қатламини бузмоқда

АҚШ Океан ва атмосфера тадқиқотлари миллий бошқармаси олимлари ташвишли баёнот беришди – ҳаво намуналари шуни кўрсатмоқдаки, жаҳондаги қайсидир давлат атмосферага тақиқланган моддани чиқариб, Монреаль баённомасини бузмоқда. Олимлар хлорфторуглеродларнинг озон молекулаларига бузувчи таъсирини аниқлашгач, жаҳонда CFC-11 ишлаб чиқариш 1987 йилги Монреаль баённомаси билан тақиқланди. Гавайи ороллари яқинидан олинган ҳаво намуналари шуни кўрсатдикки, айни вақтда CFC-11 зичлигининг барқарор пасайиши тўхтаган ва 2012 йилги кўрсаткичларга нисбатан 50 фоизга секинлашган. «Катта эҳтимол билан, кимдир CFC-11’ни ишлаб чиқармоқда, у атмосферага чиқарилмоқда, — дея иш муаллифи Стивен Монтцка Nature нашрида вазиятга аниқлик киритган. – Биз улар буни нега ва нима мақсадда қилаётганини билмаймиз – бу қандайдир кимёвий жараённинг маҳсули бўлиши мумкин». Олимларнинг сўзларига кўра, ҳозирча ифлосланиш манбаси қаерда эканини аниқлаш мушкул, бироқ ҳаво оқимлари таҳлили Шарқий Осиё минтақасига кўрсатмоқда.

Сайёрамиздаги совуққа энг бардошли инсонлар аниқланди

норвегияликларЛондон университети олимлари Шимолий Европа аҳолиси инсон организмини совуқ ейишдан сақлайдиган ва шимолликлар – норвеглар, шведлар, финлар ва яна бошқаларга қаҳратон қиш ва совуқларни енгил бошдан ўтказишга имкон берувчи TRPM8 гени ташувчилари ҳисобланишларини аниқлашди. Олимларнинг фикрича, бу ген  одамларда Европада иқлим анча совуқроқроқ бўлганда, тахминан 25 минг йил аввал пайдо бўлган. TRPM8, шунингдек, табиий оғриқсизлантирувчи ҳисобланади. У жиддий касалликлар билан енгилроқ курашишга имкон беради, танага совуқ егани ҳақида хабар қилувчи ҳарорат маркери ҳисобланади.  Олимларнинг таъкидлашича, айнан шу ген эвазига Евопанинг шимолий ҳудудлари аҳолиси совуқ вақтларда ўзларини яхши ҳис қиладилар ва камроқ касалга чалинадилар.

 Фил тишлари ҳукумат мулки сифатида тан олинди

филҲиндистон ҳудудида барча фил тишлари – фил суягининг асосий манбаи – ҳинд ҳукумати мулки деб ҳисобланади. Ушбу қарор Ҳиндистон Олий суди томонидан қабул қилиниб, қарийб 20 йил давом этган низоларга чек қўйди. Бу қарор фил суяги ноқонуний савдоси ва браконьерларнинг филларни ўлдиришига қарши курашаётган ҳиндистонлик ҳайвонлар ҳимоячилари томонидан қўллаб-қувватланди. Ҳиндистон фил суяги экспорти ва импортини тақиқлайди, аммо мамлакатда қора бозор ривожланган. Хартумлилар тиши ҳукуматга тегишли экани ҳақидаги қонун бундан 20 йил олдин қабул қилинган, лекин браконьерлар ва савдогарлар бу қонундаги ноаниқликдан фойдаланиб, ўлдирилган ҳайвонлардан олинган тишларни «ўлган хусусий филдан», «сув тошқинидан ўлган филдан» олинган, деб кўрсатиб келишган.

 Пластик чиқиндилар дунёнинг энг чуқур жойигача етиб борди

пластик-в-океане-775x428Дунёнинг энг чуқур жойи бўлган Мариана ботиғида, 10 км дан кўпроқ чуқурликда пластик пакет аниқланди. Ушбу “топилма” Япониянинг ер ва денгизни ўрганиш бўйича фанлар ва технологиялар агентлиги лойиҳаси JAMSTEC доирасида аниқланган. Олимларнинг фикрича, ушбу топилма океаннинг қанчалик катта кўламда ифлосланганини яққол кўрсатади. 30 йил давом этган лойиҳа доирасида тадқиқотчилар океаннинг энг чуқур жойларида 3 мингдан кўпроқ турли чиқинди аниқлашган. Бу давр ичида денгиз ва океанлар тубига 5 мингдан кўпроқ марта ғаввослар шўнғиган ва чуқур сув ости қурилмалари жўнатилган. Топилган чиқиндидан учдан бир қисмидан кўпроғини бир марта ишлатилувчи қадоқларнинг майда пластик бўлаклари – микропластик ташкил қилган. Чиқиндилардан ярмидан кўпроғи 6 минг метрдан чуқурроқда аниқланган. Олимлар ифлосланиш чуқур сув ости экотизимларига тузатиб бўлмас зиён етказиши мумкинлигидан хавотир билдиришмоқда.

МЕХРОЖ  ОЧИЛОВ тайёрлади

 

бугу

Америкалик эркак икки бошли буғу боласини топиб олди

АҚШнинг Миннесота штатида яшовчи эркак ўрмонга қўзиқорин теришга бориб, икки бошли буғу боласининг жасадини топиб олди. Эркак топилма ҳақида ўрмон хўжалиги бошқармасига маълум қилди. Шундан сўнг жониворнинг мурдаси табиий ресурслар вазирлигига етказилди. Жониворнинг жасади келгусидаги тадқиқотлар учун музлатиб қўйилди. Тадқиқотлар жониворнинг умуртқаси иккига бўлингани ва ундан алоҳида бошларга эга иккита бўйин ўсиб чиққанини кўрсатди. Жониворнинг ўпкаси охиригача шаклланмагани учун у ўлик туғилган. Буғу боласининг овқат ҳазм қилиш тизими ҳам иккита бўлган. Бироқ улардан фақат биттаси тўлақонли равишда ишлаган.

уммонУммон ва Яманда циклон туфайли 13 киши ҳалок бўлди

Арабистон ярим оролига ёпирилган Мекуну циклони туфайли Уммон ва Яманда энг камида 13 киши ҳалок бўлди. Уммонда бир неча кун ичида ёғингарчилик миқдори йиллик меъёрдан уч баравар ортган. Айрим ҳудудларда шамол тезлиги соатига 180 километрни ташкил этди. БМТ нинг қайд этишича, кучли шамол туфайли камида етти киши ҳалок бўлган, саккиз киши эса бедарак йўқолган. 500 дан ортиқ оилалар уйларини ташлаб кетишга мажбур бўлган. Йўллар, электр тармоқлари ва сув таъминоти бузилган.

Россиядаги ҳайвонот боғида мушук силовсин боласини боқиб олди

мушукРоссиядаги Приморье ўлкаси Уссурийск шаҳрининг «Чудесний» ҳайвонот боғида Моника лақабли мушук силовсин боласини ўз қарамоғига олди. 8 май куни ҳайвонот боғи мутахассислари Ариша лақабли Европа силовсини биринчи боласини дунёга келтирган. «Аришанинг туғишидан икки кун олдин Моника лақабли мушугимиз болали бўлди. Биз мушукка силовсин боласини таклиф қилдик ва у болани дарров ўзиникидай қабул қилди. Ҳозир силовсин уч ҳафталик бўлган. Соғлиғи борасида ҳеч қандай хавф йўқ. У катта бўляпти, оғирлиги ҳам ошиб бормоқда, яхши овқатланяпти, икки акаси — мушукчалар билан ўйнаб катта бўляпти. Акаларига нисбатан силовсиннинг оғирлиги катта, шу боис Моника энди уни аввалгидек судраб юролмайди, қулоғидан аста тишлаб қўяди», — деди «Чудесний» ҳайвонот боғи директори Екатерина Зотова. Ҳайвонот боғи маъмурияти она-силовсиннинг аҳволи яхшиланганига қарамасдан, болани унга қайтариб беришга чўчиб турганини маълум қилган.

Киев музейидаги сақоқуш тулумидан 178 йиллик хат топилди

саккокушКиевдаги илмий-табиий миллий музейида қизил тумшуқли сақоқуш тулумини тозалаш вақтида қарийб 200 йиллик тарихга эга хат топилди.  «Айнан шу тарихий артефакт экспонатнинг келиб чиқиш сирини очиб берди, зоология бўлимининг экспонатлар эски китобида бундай маълумот йўқ эди», — дейилади музей хабарида. Хатда экспонат коллектори Илья Гаврилов Вознесенский эканлиги, у қизил тумшуқли сақоқушни 1840 йил 15 октябрда қўлга киритганлиги айтилади. «Бу Калифорния қирғоқлари яқинида испан капитани номи билан аталувчи Бодега бандаргоҳида юз берди», — дейилади хатда.

 Отабек Умаров тайёрлади

 

NASA Ойда завод қурмоқчи

ой

АҚШнинг NASA коинот агентлиги Ойда биринчи ракета заводини қуриш бўйича режасининг техник деталлари устида ишларни бошламоқда. Сайёрамиздан ташқаридаги илк саноат корхонасида бошқа сайёраларга саёҳат учун зарур бўладиган ракета ёнилғисини ишлаб чиқиш режалаштирилмоқда.   Бўлғуси ракета ёнилғиси учун хом ашё – водород ва гелийни Ой сиртида олиш мўлжалланмоқда. Бу мақсадда 2019 йилда Ой сиртига иккита геологик разведкачи қурилма юборилиши мумкин. Бу қурилмалар иш учун энг мақбул майдончаларни қидириш билан шуғулланади.

Еврокомиссия пластикни кўпроқ қайта ишланувчан қилмоқчи

пластикЕвропа иттифоқи пластикдан фойдаланишдан воз кечмоқчи эмас, бироқ Еврокомиссия ўз олдига уни кўпроқ қайта ишланувчан қилишни мақсад қилиб қўйган. Аввалроқ Еврокомиссия пластик бўйича стратегиясини тақдим қилганди. Унинг мақсади пластикдан фойдаланишни қисқартириш, жумладан у билан денгиз ва океанларнинг ифлосланишини камайтиришдан иборат. Чунки бу нафақат денгиз жонзотлари ва денгиздаги ҳаёт, балки одамлар учун ҳам жиддий муаммо ҳисобланади. “Биз пластикдан воз кечмоқчи эмасмиз”, деб ёзган Катайнен. Унинг таъкидлашича, айни вақтда пластик қадоқнинг аксарият қисми бир марта ишлатилади. “Бу йилига 105 млрд еврогача йўқотишни англатади. Биз буни ўзимизга эп кўролмаймиз”, деб қўшимча қилган Катайнен.

Покистонда аномал иссиқ туфайли 65 киши ҳалок бўлди

покистонПокистонда 3 кундан буён давом этаётган аномал иссиқ туфайли ҳалок бўлганлар сони 65 нафарга етди. Маҳаллий синоптиклар маълумотларига кўра, Карачи шаҳрида иссиқ ҳарорат 44 даражага кўтарилган. Қайд этилишича, вазият шаҳарларда электр энергияси етказиб беришдаги узилишлар туфайли янада оғирлашмоқда. Одамларга кундуз кунлари кўчага камроқ чиқиш ва кўпроқ сув ичиш тавсия қилинмоқда.

Олмаотадаги дарё қизил рангга кирди

Қозоғистондаги Катта Олмаота дарёси қизил рангга кирди.Олмаота шаҳри жамоатчилик саломатлигини муҳофаза қилиш департаменти раҳбари Айзат Молдагасимованинг айтишича, куни кеча фавқулодда вазият шароитида шунга доир хабар берилган. Унинг сўзларига кўра, ҳозирда дарёнинг табиий ранги қайтган. «Шундай бўлса-да, биз барча туманлардаги сувларни назорат қиляпмиз. Ўйлашимча, кун охиригача сувнинг санитар-кимёвий таркибига доир маълумотлар тақдим этилади, уч кун давомида эса сувнинг бактереологик таркиби маълум бўлади», — қўшимча қилди у.

Отабек УМАРОВ тайёрлади

 

 

хавфли мамлакат

Халқаро кўргазманинг мукофоти — Ўзбекистонда!

кургазма

Жанубий Кореяда бўлиб ўтган KOTFA 2018 халқаро туризм кўргазмасида Ўзбекистон «Йилнинг энг яхши стенди» мукофотига муносиб кўрилди. Қўмита томонидан бутун дунё бўйлаб Ўзбекистон туристик брендини тарғиб қилишга доир ишлар фаол олиб борилмоқда. Куни кеча Жанубий Кореяда ўз ишини якунлаган KOTFA 2018 халқаро туризм кўргазмаси ҳам шулар жумласидандир. Халқаро кўргазма якунларига кўра, Ўзбекистон стенди энг ёрқин ва жозибали стендлардан бири сифатида эътироф этилди ва  »Энг яхши стенд дизайни» номинациясида ғолибликни қўлга киритди.

Сайёҳлар учун энг хавфли мамлакатлар номи эълон қилинди

хавфли мамлакатСаёҳат қилиш учун энг хавфли мамлакат – Таиланд. Иккинчи ўринда эса Чили ва АҚШ номлари қайд этилди.  Рўйхат Буюк Британиянинг Endsleigh суғурта компанияси томонидан тузилган. Таиланд хавфлилиги бўйича биринчи ўринга чиқди, зеро у ерда 2017 йил учун рекорд даражадаги (23 фоиз) эътирозлар қайд этилган. АҚШ ва Чилида бу кўрсаткич 15 фоизни ташкил қилади. Улардан кейинги ўринларда Франция, Испания ва Германия номлари келтирилган. Шуниси ажабланарлики, сайёҳлар энг кўп тунаб кетилган мамлакатлар сифатида Франция ва Испания қайд этилган. Рўйхатни Непал, Перу, Багама ороллари ва Бразилия тугаллайди.

Дунёдаги энг катта чўлда кўллар пайдо бўлди

чулда кулДунёнинг энг катта чўлларидан бири, Арабистон яриморолининг учдан бир қисмини эгаллаган Руб-ал-Хали чўлида кўллар пайдо бўлди. Одатда бу чўлда йилига 3 см ёғингарчилик бўлади. Бироқ жорий йилда чўлга 28 смга яқин ёмғир ёғган.  Бу жуда антиқа манзара ҳосил қилиши билан маҳаллий бизнес учун жуда фойдали ҳисобланади. Ёмғир ёғгандан 30 кун ўтиб чўлда ёзги ўсимликлар ниш уриб, улар кейинги 2 йил туяларга озиқа учун етарли бўлади.  Сунъий йўлдошлардан олинган янги суратлар эса бундай кучли бўронлар табиий манзараларнинг тубдан ўзгариши учун салоҳиятга эгалигига эслатма бўлиб хизмат қилади.

Эверест тоғидаги чиқиндилар

эверестДунёнинг энг баланд чўққиси Эверестни забт этувчи альпинистлар унинг этагида ўз ортларидан дала лагерлари, пластик, қоғоз, чанғи таёқлари, қурилмалар қолдиқларини қолдиришмоқда. 2017 йилнинг ўзида непаллик альпинистлар жамоаси тоғдан 40 тоннага яқин чиқиндиларини олиб чиқишган.  Бу чиқиндиларни бартараф этиш Непал ҳукуматига қимматга тушмоқда. Шу сабабли яқин орада барча альпинистлар учун махсус “чиқинди депозити” киритилиши мумкин. Унда чиқиндиларни бартараф этиш харажатлари ҳисобга олинади.  Эверестга кўтарилишда энг ифлосланган қисм 6400 метр баландликдаги 2-лагер ҳисобланади. Айнан ўша ердан барча чиқиндининг 80 фоизи олиб чиқилади.

Мехрож ОЧИЛОВ тайёрлади

photo_2018-06-13_12-55-05

На страже порядка стоят «наши братья меньшие»

Вы когда-нибудь задумывались о профессии кинолога? И да, это не тот человек, что связан с кинематографом. Кинолог – это специалист по воспитанию и разведению собак. Он изучает физиологию и особенности поведения четвероногих питомцев, учится использовать их умения для пользы человека. В основе всех этих знаний лежит наука о собаках – кинология.

photo_2018-06-13_13-58-23Постановлением Кабинета Министров Республики Узбекистан от                  24 октября 1996 года № 364 «О создании национального кинологического центра» Национальный центр кинологии Государственного таможенного комитета Республики Узбекистан (далее НКЦ) определен базовым учебным учреждением по подготовке,  переподготовке и повышению квалификации младших инспекторов-кинологов, а также подготовке служебных собак для таможенных и других правоохранительних органов Республики, а также зарубежных стран.

Данное учреждение с 2008 года имеет статус Регионального учебного центра Всемирной таможенной организации. Следует отметить, что из всех стран мира, только 12 из них обладают таким статусом! На террииории НЦК имеются специально оборудованные имитационные классы, библиотека с читальным залом, компьютерный класс, а также крытый учебно-дрессировочный павильон общей площадью около 600 кв.м., соответствующий международным стандартам. Для дрессировки служебных собак имеются площадки с макетами грузовых и легковых автомашин, автобусов, теплоходом, железнодорожным вагоном и самолетом.

photo_2018-06-13_13-58-17В НКЦ постоянно проводятся практические занятия с имитацией реальных условий работы с учетом направления обучения и специфики службы кинологов правоохранительных органов Республики.

В питомнике НЦК оборудованы вольеры для служебных собак, специальная кухня, помещение для купания собак, зал и игровые площадки для первоначальной дрессировки щенков.

Для племенного отбора, выращивания чистопородного поголовья собак, их подготовке, имеется современный родильный комплекс, состоящий из зимних и летних вольеров.

В родильном комплексе щенята содержатся до четырех месяцев,
а после их переводят в питомник, где и начинается дрессировка и подготовка собак к служебной службе.

В НЦК имеются собаки таких пород как: немецкая и бельгийская (малинуа), среднеазиатская, восточно-европейская овчарки, курцхаар, лабрадор, лабрадор-ретривер, английский (кокер) и русский спаниели, поскольку именно эти породы собак отличаются высокой обонятельной способностью, легко поддаются дрессировке и устойчивы к экстримально-стрессовым ситуациям. В среднем собаки служат от 8 до 10 лет.

photo_2018-06-13_13-58-21Собаки способны видеть за 700 метров в дневное время и за 300 метров – в ночное. А еще у собак очень хорошо развито боковое зрение и видят они всё в черно-белых оттенках. Что касается слуха, то они могут слышать с расстояния 200 метров, определяя более 40 тысяч звуков. Ну и самый важный «инструмент» собак это их обоняние. Оно развито у них в 11,5 тысяч раз лучше, чем у человека. Они различают и запоминают 5 тысяч различных запахов и чувствуют эмоциональное состояние человека за 5-6 метров. Ведь недаром говорят, что не нужно бояться собаки, так как она всё чувствует.

- Собаки больше всего подвержены заболеваниям суставов, глаз, ушей, зубов, аллергическим заболеваниям, — говорит ветеринар НЦК Фаррух Турабов.

Ветеринарная часть НЦК для обслуживания служебных собак имеет лабораторию, операционную, процедурный и рентген-кабинеты, изолятор для содержания больных собак и карантинный блок из десяти вольеров для вновь поступающих собак.

Здесь служебным собакам оказываются все необходимые медицинские процедуры: ежемесячно проводятся дезинфекционные работы, ежегодно животные проходят полный медицинский осмотр, проводится необходимая  вакцинация в определенном возрасте от различных заболеваний. К примеру, прививку от бешенства делают с пяти месяцев.

А также в Центре, как ветеринары, так и кинологи тщательно следят за питанием собак. В их рацион входят молочные продукты (различные молочные каши, творог, молоко), белки (мясо, яйца), витамины и минералы (сухой корм). Щенят кормят 4 раза в день, а взрослых собак – 1 раз.

Кинолог не просто должен уметь ухаживать за собакой, но и быть психологом, зоологом. В отношениях кинолога и собаки важно уметь показать, что человек является лидером и для этого нужны люди с твердым характером. Кинологи в основном мужчины, так как женщины склонны проявлять излишнюю нежность по отношению к животным, но несмотря на это женщины кинологи есть. К собаке следует относиться строго, но в тоже время бережно. По словам инструктора отдела дрессировки служебных собак Нурмурода Абдуллаева, В НКЦ при дрессировки собаки в зависимости от характера собаки и курса обучения применяются вкусо-поощрительный, механический, контрастный, подражательный, оперантный и другие методы.

photo_2018-06-13_11-03-14Принимая во внимание опыт развитых европейских стран в НЦК используется смешанная методика работы с собаками. При этом методики работы с собаками регулярно обновляются в процессе работы. Данные методы применяемые в НЦК признаны лучшими в Центральной Азии. Именно поэтому на повышение квалификации в Узбекистан приезжают кинологи из зарубежных стран.

В рамках проекта «БОМКА» по укреплению границ в Центральной Азии Регионального представительства Управления ООН по наркотикам
и преступности в Центральной Азии и Центра ОБСЕ в Узбекистане, а также двустороннего соглашения с правительством Исламской Республики Иран, в 2002-2018 годах в Центре было проведено 8 региональных курсов, на которых было обучено 165 кинологов и подготовлено 164 служебных собак для таможенных и пограничных служб Республики Кыргызстан, Казахстан, Таджикистан, Туркменистан, а также Монголии, Афганистана и Ирана.

В НКЦ кинологи проходят курсы первоначальной подготовки, переподготовки, повышение квалификации и инструкторский курс обучения.

photo_2018-06-13_13-58-11В Национальном центре кинологи обучаются теоретическим и практическим навыкам по восьми направлениям:

- поиск наркотических веществ;

- поиск взрывчатых веществ, оружия и боеприпасов;

- поиск валютных ценностей;

- поиск мин;

- защитно-караульная служба;

- поисково-спасательная служба;

- следо-розыскная служба;

- антитеррор.

Кроме того, для подготовки высококвалифицированных инструкторов, а также повышения уровня их знания в НЦК проводятся двух месячные  инструкторские курсы обучения. В инструкторских курсах обучаются кинологи без служебной собаки, имеющие стаж работы не мене двух лет и с опытом работы с собакой . В Центре на постоянной основе разрабатываются учебные модули, пополняется видео-база для проведения практических занятий с кинологами и служебными собаками.

Для проживания обучающихся курсантов имеется Гостиничный комплекс, рассчитанный на 100 человек с люкс-номерами для почётных гостей. Здесь имеются все условия для проведения самостоятельной подготовки и досуга: читальный и спортивный зал, сауна, бассейн, фойе для культурного отдыха.

Кинолог ежедневно и с полной отдачей работает со служебной собакой, приручая, воспитывая, тренируя, что делает её настоящей коллегой по службе. В ходе обучения собака очень привязывается к своему хозяину,  слушается и выполняет только его приказы. В НЦК кинологи ежедневно заботятся о своих собаках, осознавая что знания и навыки полученные здесь, позволит им полноценно обеспечивать безопасность граждан, выполнить свой долг, быть на страже и защите интересов любимой Родины!

Ригина Маджитова

61

Ўзбекистон Давлат табиат музейи 142 ёшда

Ҳайвонот ҳамда ўсимлик дунёсига бўлган қизиқиш инсонни ботаника ва ҳайвонот боғигагина етаклаб бормайди.  Негаки, ноёб ва йўқолиш арафасидаги, йўқолиб кетган  турларни  Ўзбекистон Республикаси маданият вазирлиги тассаруфидаги Ўзбекистон Давлат табиат музейида ҳам кўриб ўрганишимиз мумкин. Ушбу музей марказий Осиёнинг дастлабки илмий-маърифий муассасаларидан бири саналади. Музей 1876-йил 12 июлда табиатшунослик, антропология ва этнография билан қизиқувчилар Москва жамияти  Туркистон  бўлимининг аъзолари  бўлган  илғор рус олимларининг ташаббуси билан ташкил этилган эди.

1a06f65c1119811a25ba04ea374c17f9Дастлаб музей ишини Туркистон Халқ Университети бошқариб борди. Музей директори лавозимига атоқли зоолог, ажойиб сайёҳ Н.А.Зарудний тайинланган эди. Ўша пайтда “Туркистон халқ музейи” деб ном олган музей, 1919 йил феврал ойида Генерал-губернаторнинг қароргоҳи ҳисобланган, Оқ уйга кўчирилди. Туркистон халқ музейи 1921 йилда музей ва қадимги ёдгорликларни сақлаш, санъат ва табиат ишлари бўйича Қўмита тасарруфига ўтказилиб, Ўрта Осиё Бош музейи номини олди. Музейнинг экспозиция ва фондлари Биология, Зоология, геология, география, энтомология, архиология, Ботаника, антропология ҳамда этнография бўлимларидан иборат бўлган. 1930 йилга келиб табиат бўлимлари ва қишлоқ хўжалик музейи ҳамда Зоология боғи билан бирга Ўрта Осиё табиат музейи номини олган. 1944 йилга келиб Ўзбекистон  Давлат музейи бой илмий фондларни сақлайдиган муассаса сифатида Ўзбекистон Фанлар Академиясининг муассасалари тизимига ўтказилиб, “Ўзбекистон Фанлар Академиясининг Табиат музейи” деб номланди. Йиллар давомида илмий ходимлар, рассомлар билан биргаликда республикамиз табиатини тўлиқ акс эттирувчи янги экспозициялар яратдилар.

147152_603x354963 йилга келиб музей Ўзбекистон Фанлар Академияси тизимидан чиқарилиб, Ўзбекистон Республикаси маданият вазирлиги ихтиёрига ўтказилди. Музей ходимлари томонидан аҳоли ўртасида табиат тўғрисидаги билимларни тарғибот қилиш мақсадида кўчма кўргазмалар, маърузалар ҳамда тадбирлар  уюштирдилар. Амалга оширилган ишлар учун музей кўп маротаба тақдирланди. 1967 йилда музейлар кўригида биринчиликни қўлга киритди ва музейга “Ўзбекистондаги энг яхши музей” унвони берилди. Ўзбекистон Давлат табиат музейига ташриф буюрувчилар таборо ортиб бормоқда. Ўзбекистон Давлат табиат музейининг кўргазма залларида Ерда ҳаётнинг пайдо бўлиши ва ривожланиши, Қуёш системаси, Одамнинг пайдо бўлиши ва яшаш тарзи, умумий биология,   гинетика, геология, Ўрта осиёда учрайдиган ёввойи хайвонлар, тропик хайвонлар, ўрмонзор, Қамишзор, Тўқайзор, Саҳроларда учрайдиган хайвонлар ҳамда пахта далалари, Буғдойзор, Шоличилик, Балиқларнинг хар хил турлари ва табиий аквариум, Қушларнинг хар хил турлари, мустаққиллик зали, энтомология зали ва Орол ва орол бўйи экспозицион заллардан иборат.

Ўзбекистон Давлат табиат музейининг  захира материаллари музей ташкил топган вақтдан буён ўтган давр ичида йиғилган ва асосан Марказий Осиёнинг турли ҳудудларига қатор экспедициялар натижасида йиғилган тўпламларни ташкил этади.

Ботаника тўпламларидан иборат тупроқлар, гербарийлар, Марказий Осиё дарахтларининг кесмалари, ўлканинг ёввойи ўсимликлари коллекцияларидан иборат.

Музейнинг энтомология заҳираси музей ташкил топгандан бошлаб вужудга кела бошлади. Бу 350 000 дан ортиқ ҳашоратлар намунаси бўлган Марказий  Осиёдаги энг катта энтомология коллекциясидир. Кўп миқдордаги Марказий Осиё тўпламларидан ташқари, 1918 йилда А.А.Мель томонидан музейга инъом қилинган 1290 та намуналардан иборат бўлган тропика капалаклари коллекцияси ҳам катта аҳамиятга эга.

Музейнинг зоология тўпламларидан ажойиб олим ва сайёҳ Н.А.Зарудний томонидан тўпланган 560 нусҳадан иборат кўп сонли кемирувчилар ва 140 та қушлар тухуми коллекцияси катта аҳамиятга эга.

Зоология бўлимининг заҳирасида 4000 дан ортиқ умуртқали ҳайвонларнинг тулумлари сақланиб келинмоқда.

Музейнинг геология бўлимида Марказий Осиёнинг турли конларидан келтирилган минерал ва фойдали қазилмаларнинг коллекцияси бор. Полеонтологик коллекцияларни асосан Қоратов тоғ ва Қизилқумдаги Итемир сойидан йиғилган намуналар ташкил этади. Булар балиқ, ҳашорат, ўсимлик баргларининг излари, тошга айланиб қолган дарахт таналарининг бўлаклари, бошоёқли ва қориноёқли, малюскаларнинг тошга айланган чиғаноқлари, динозаврларнинг тошга айланган суякларидан иборат.

Ўзбекистон Давлат табиат музейнинг асосий вазифалари томошабинларга кўпгина қимматли ва турли-туман илмий-оммабоп маълумотлар беради ва аҳолининг кенг оммаси ўртасида мамлакатимизда  ўсиб келаётган ёш авлодга Ватанга муҳаббат, истиқлол ғояларига садоқат руҳида тарбиялаш, навқирон авлоднинг она табиатга бўлган меҳрини ошириш, табиатшунослик соҳасидаги билимларни чуқурлаштиришдан иборатдир. Музей ичида мавсумий экспозициялар ва музейдан ташқари кўчма кўргазмалар ташкил этилади.

DSC_1065Музейга ташриф буюрувчиларни кўпроқ Ўзбекистон Республикаси  қизил китобига киритилган хайвонлар  қизиқтиради уларнинг айримларига тўхталиб ўтамиз, жуда кўп йиллардан бери сақланиб келаётган Турон йўлбарсига  аҳамият қаратсак- Қадим-қадимдан одамлар йўлбарсни ҳайвонлар шоҳи деб атайдилар, чунки қуриқликда яшовчи барча жонзодларнинг хокими саналмиш йўлбарс куч-қудратда тенгсиз. Мушуксимонлар оиласига мансуб, йўлбарслар асосан Марказий Осиё кенгликларида яшайдиган йиртқичларнинг энг ҳайбатлиси ҳисобланади. Шу боис ўлка аҳолиси орасида тарқалган ва тилдан-тилга кўчиб келаётган афсона ривоят ва эртакларда йўлбарс асосий қахрамонга айланган. Йўлбарслар ичида “Турон йўлбарси” энг йириги саналади. Ушбу ҳайвон Афғонистон, Эрон, Марказий Осиёниг Амударё, Сирдарё, Чирчиқ бўйларидаги тўқайларда, Орол бўйи ҳамда Сариқамиш мавзеларида 1945-1950 йилларгача яшаган. Унинг вазни 280 кг гача боради. Йўлбарснинг ҳид билиш органи унча кучли ривожланмаган, лекин эшитиш қобиляти жуда  яхши ривожланган ва кўзи қоронғуда ҳам яхши кўради. Турон йўлбарси бир кеча кундузда 18-20 соат ухлайди. Танаси ҳимоя рангига эга бўлиб, тўқай қамишзорларда пайқаш қийин. Йўлбарслар 3-4 метр баландликка ҳеч қийналмай сакрай олади. Сувда яхши сузади.  Йўлбарс куч-қудрат ва жасорат тимсоли сифатида нафақат бадиий адабиёт ҳамда ҳалқ оғзаки ижодиёти, балки халқ амалий санъати, меъморчилик, гиламдўзлик ва бошқа хунармандчилик буюмларида ҳам қўлланилган. Мисол учун: Самарқанддаги Регистон меъморчилик ансамбли таркибига кирувчи Шердор мадрасасида ҳам нақшинкор безаклар билан ишланган йўлбарс тасвирини кўриш мумкин. Йўлбарсларнинг, шу қаторда уларнинг ўлжалари бўлмиш туёқли хайвонларнинг овланиши, тўқай ва тоғолди ўрмонларнинг кесилиши, ерларнинг қишлоқ хўжалиги мақсадларида қўлланилиши, ушбу хайвоннинг кескин камайиб кетишига сабаб бўлган.  Ушбу экспонат Ўзбекистон Давлат табиат музейида 1986 йилдан бери сақланиб келинмоқда.

Кейинги экспонатимиз бу Қоплон хисобланади. Ушбу хайвон мушуксимонлар оиласига киради. Туёқлилар сонининг қисқариши, браконерлик натижаси ўлароқ бутунлай йўқ бўлиб кетиш арафасида турган кенжа тур ҳисобланади. Ғарбий Помир-Олой (Кўҳитанг, Боботоғ тизмаси) ҳудудида денгиз сатҳидан баландлиги 600-900 метргача бўлган камнам тоғ этакларининг сийрак пистазор ва арчазорли ҳамда тошқоялари юзага чиққан жойларида учраган. 1949-1960 йилларда Боботоғда бир неча донаси қайд этилган. 1990 йилларда Кўҳитанг тизмасида ҳам бир неча донаси учраган. Ҳозирда 10 тага яқини қолган деб тахмин қилинади. Оқшом ва тунлари фаол бўлиб, кундузи ғорлар, қоялар орасига беркиниб ётади. Март-май ойларида 2-5 та туғади. Ёввойи туёқлилар, баъзан кемирувчилар ва қушлар билан озиқланади. Умрининг узунлиги 15 ёшгача. Овлаш тақиқланган, Сурхон қўриқхонасида муҳофаза остига олинган. Ушбу хайвоннинг тулуми
1986 йилда музейга келтирилган.

           Шохларнинг хам энг севимли хайвонига айланган Гепард мушуксимонлар оиласига киради. Ўзбекистонда 1960 йилларгача тутқинликда сақлаш учун овлаш, онгли равишда қириб юбориш, кейинчалик қўриқ ерларнинг ўзлаштирилиши, озуқа манбаларининг камайиши натижасида йўқ бўлиб кетган. Ўтмишда Қизилқум, Устюрт чўлларининг  текислик қисмидаги баланд-паст ва қумлоқ ёки қум тупроқли жойларида яшаган. Қизилқумда ХIХ асрда йўқ бўлиб кетган, Устюртда 1960-70 йилларда 13 таси қайд этилган, 1973 йилдан кейин умуман учрамаган. Асосан кундузи, баъзан ойдин кечалари ҳам фаол ҳаёт кечиради. Апрел-май ойида 2-4 та туғади. Кўпайиш давридан сўнг кўчиб юради. Жайронлар, баъзан қуёнлар, кемирувчилар, қушлар билан озиқланади. 14 ёшгача яшайди. Гепарднинг тулуми 1986 йилда музейга келтирилган.

            Сиртлон (дўлта). Сиртлонлар оиласига киради. 1960 йилларгача онгли равишда қирилиши, кейинчалик қўриқ ерларнинг ўзлаштирилиши, тўқайзорларнинг йўқ қилиниши озуқа манбаларининг камайиши натижасида бутунлай йўқ бўлиб кетиш арафасида турган кенжа тур. Ўзбекистонда Кўҳитанг тизмасида, ўтмишда Амударё қайирларининг юқори қисми, Шеробод дарёнинг қуйи оқимида мавжуд. Тоғ этакларининг денгиз сатҳидан баландлиги 300-1200 метр ошмайдиган чўллашган, сийрак дарахт-бутасимон ўсимликлар билан қопланган адирликлар, қуриб қолган ўзанлар, қирғоқ бўйи тўқайзорларида яшайди. Доимо кам бўлган. 1980-90 йилларда 10 тачаси ҳисобга олинар эди. Одатда тунлари фаол, кундузи ини, ғор ва чуқурликларга беркиниб ётади. Май ойида 3-5 та туғади. Кўпайиш давридан сўнг кўчиб юради. Ўлакса, кемирувчилар, судралиб юрувчилар, ҳашаротлар, сернам мевалар билан озиқланади.

Музейимизнинг ноёб қушларидан Жингалак ва Пушти сўқоққуш- Амударё ва Зарафшоннинг қуйи оқимларида учрайди. Сирдарёнинг ўрта оқимида уялайди. 1960 йилларда Жанубий Оролбўйида учраши одатий эди, ҳозирда кўпгина яшаш жойларида йўқ бўлиб кетган. 250 жуфтигача уялайди бир нечтаси қишлайди. Баҳорги учиб ўтиши март, апрелда. Қамишли тўқайларда калония бўлиб уялайди. Апрел, майда 2-3 та тухум қўяди ва 30-32 кун босиб ётади. Полапонлари июн,августда уча бошлайди. Кузги учиб ўтиши сентябр,ноябр. Қишлаши ноябрдан февралгача. Балиқлар билан озиқланади.

 Томошабинларни ўзига жалб қиладиган қушларимиздан яна бири Қошиқбурун-Саёз сув хавзаларининг вакили, уясини қамишзорларга кўпинча калония бўлиб қуради.

Қошиқбурун 3тадан  5  тагача пойнаги қўнғир рангли оқ тухум қўяди. Нар ва модаси тухум босишда ва болаларини боқишда бир хил иштирок этади. Болалари 15 кунлик бўлганда оёқда тура бошлайди. Сув хашоратлари, молюскалар, итбалиқлар билан озиқланади. Орол денгизини ўзгариши оқибатида камайиб кетмоқда. Ўзбекистон Республикаси қизил китобига киритилган. Хайвонот боғларида кўпайтирилади.

Йиртқич қушларимиздан бургут узун қанотли ва  узун кенг думли йирик қуш, бургутлар ичида энг йириги ва кучлиси. Қанотлари очилганда 1,8-2,3 метр атрофида, умумий узунлиги 76-95 см, вазни 3-6,5 кг. Модаси наридан йирикроқ. Вояга етган қушлар жигарранг – қўнғир тусда, қанотлари остида очиқ рангда. Бошининг усти ва бўйнининг орқаси тилларанг. Ёш қушлар (5 ёшгача) думи тагидаги кенг оқ йўли ва қанотларидаги оқ доғлари билан ажралади. Парвози муаллақ, эркин ва ҳаракатчан. Шимоий ярим шарда кенг тарқалган, аммо кўпчилик минтақаларда ҳозирги вақтга келиб йўқолиб кетган ёки ўта камёб бўлиб қолган. Ўзбекистон худудида уялари барча тоғли районларда, Устюрт платосида ва Жанубий Оролбўйида учрайди. Уялари Нурота, Зомин, Китоб, Ҳисор, Сурхон ва Чотқол давлат қўриқхоналари худудида, Зомин ва Угом Чотқол миллий табиат боғларида мухофаза қилинади. Ушбу экспонат хам анча йиллардан бери сақланиб келинмоқда. Ўзбекистон Давлат табиат музейида совға тариқасида келтирилган экспанатлар хам мавжуд бўлиб ҳамда энтомология коллекцияларига бой, йиллар давомида сақланиб, янгиланиб келинмоқда.

Гулноза Шаджанова, Ўзбекистон Давлат табиат музейи Илмий ишлар бўйича директор  муовини

orol_muammosi_yangicha_yendashuvlar_innovatsion_echimlar_va_

ОРОЛ ФОЖИАСИ ОҚИБАТЛАРИНИ ЮМШАТИШДА ҲАМКОРЛИК ДАВОМ ЭТАДИ

“Орол фожиаси оқибатларини юмшатиш бўйича ҳамкорликдаги ҳаракатлар: янгича ёндашувлар, инновацион ечимлар ва инвестициялар” мавзуида халқаро  конференция  жорий йилнинг 7-8 июнь кунлари Тошкент шаҳрида бўлиб ўтди. Мавзуларининг муштаракалиги ҳамда иштирокчилар таркибининг ягоналиги инобатга олиниб, ушбу халқаро конференция 2018 йил 5-8 июнь кунлари бўлиб ўтган Марказий Осиёнинг иккинчи экологик форуми кунлари доирасида ўтказилди.

Ўзбекистон экологик ҳаракати, Ўзбекистон Республикаси ташқи ишлар вазирлиги, Инновацион ривожланиш вазирлиги, Ўзбекистон Республикаси Фанлар Академияси мазкур халқаро конференциянинг асосий ташкилотчилари ҳисобланади.

Халқаро конференция республикамизнинг соҳага алоқадор вазирлик ва идоралари, Оролни қутқариш халқаро жамғармаси (ОҚХЖ), Марказий Осиё минтақавий экологик маркази (МОМЭМ), БМТ Тараққиёт дастури, ЮНЕСКО, Жаҳон банки ва Германия халқаро ҳамкорлик жамиятининг (GIZ), Ўзбекистондаги ваколатхоналари, Европада хавфсизлик ва ҳамкорлик ташкилотининг Ўзбекистондаги лойиҳалари координатори (ЕХҲТ), “Ўзбекистон рангли металл парчалари, чиқиндиларини тайёрлаш ва қайта ишлаш заводи” АЖ (“Ўзиккиламчиранглиметалл”), Ислом ҳамкорлик ташкилоти фан ва технология соҳасидаги доимий қўмитаси (КОМСТЕК ОИС), Давлатлараро координацион сув хўжалиги комиссияси илмий-ахборот маркази ва бошқа қатор халқаро ва маҳаллий ташкилотлар ҳамкорлигида ташкил этилди.

– Кеча Оролнинг қуриган ерларини кўриб, ўзим гувоҳ бўлдим, вазиятнинг жиддий эканига, – дейди БМТнинг махсус маслаҳатчиси Юкио Такасо. – Бироқ биз у ерда умид учқунларини ҳам кўрдик. Меҳмонхоналар, болалар боғчаси ва мактаблар қурилгани, кўплаб қушларнинг учиб юргани бизга ана шундай қувонч берди. Бизнинг мақсадимиз бу ерда яшаётган аҳолининг иш билан таъминлаш, атрофнинг экологик, ижтимоий-иқтисодий ҳолатини яхшилашдан иборат. Оролнинг зарарини камайтириш чораларини албатта топамиз. Бугун Орол денгизини қутқариш ва унинг ҳавзасида яшовчи халқлар турмуш даражасини юксалтириш борасида кенг миқёсда чора-тадбирлар амалга оширилмоқда. Хусусан, бу борада БМТнинг махсус дастурлари қабул қилинган. Шунга қарамай, Орол билан боғлиқ экологик муаммоларни бартараф этиш бўйича олиб борилаётган ишлар етарли эмас. Мазкур форумда Оролни қутқариш борасида янада самарали чораларни ишлаб чиқиш масалаларини муҳокама қилишга бел боғлаганимиз шунинг важидан.

Халқаро конференцияда Марказий Осиё мамлакатлари парламентлари депутатлари, вазирлик ва идоралари раҳбарлари, маҳаллий давлат ҳокимияти органлари ходимлари, маҳаллий ва хорижий мутахассислар, эксперт-олимлар,  БМТ, ОҚХЖ, МОМЭМ, Жаҳон банки, Оролбўйидаги экологик ҳолатни яхшилашга қаратилган лойиҳаларга инвестиция киритишдан манфаатдор бўлган хорижий компаниялар, халқаро ташкилотлар, етакчи молия институтлари вакиллари, ННТ ва ОАВ ходимлари иштирок этишди.

Конференция иштирокчилари таъкидлаганидек, Орол муаммоси жаҳон ҳамжамияти томонидан бугунги куннинг глобал муаммоларидан бири сифатида тан олинган. Орол денгизи қуришининг Марказий Осиё минтақаси учун кенг кўламдаги экологик ва ижтимоий салбий оқибатлари 50 йилдан буён бутун дунёга маълум. Ўзбекистон Республикаси Орол фожиасининг Оролбўйи аҳолиси саломатлигига ва атроф муҳитига салбий таъсирини юмшатиш борасида муҳим ишларни амалга ошириб келмоқда. Бироқ, муаммоларнинг кўлами минтақа экотизимларини тиклашга ва уларнинг барқарор ривожланишига эришишга қаратилган чора-тадбирларга кенг жамоатчилик эътиборини жалб қилишни талаб қилади. Орол денгизи ҳавзаси давлатларининг Оролбўйидаги экологик ҳолатни барқарорлаштириш, иқтисодиётни ривожлантириш, ижтимоий муаммоларни ечимини топиш ва аҳолининг иқлим ўзгаришига мослашиши бўйича ҳамкорликдаги тизимли ҳаракатлари учун йирик инвестициялар ва янги техник  ҳамда инновацион ечимларга муҳтожлиги бор.

-3 кун олдин  бошланган Марказий Осиё форуми ҳамкорлик учун яхши майдонча бўлиб хизмат қилади. Мавзу жуда аниқ белгиланган, чунки ҳозир экологик муаммоларни бартараф этишда инновацион қарорлар қаабул қилиш керак. Мазкур конференци доирасида ўзбек ҳамкорларимиз қўллаб қувватловида Оролбўйи ҳудудларида яшил камар” ҳосил қилиш керак ва бунга фермерларни ва маҳаллий аҳорлини жалб қилиш зарур. Саксавулни экишда ҳам уни плантция шаклда амалга ошириш керак. Чунки у Қизил Китобга киритилган. Плантация шаклида эса ундан фойдаланиш имкони бўлади, дейди Булат Бекниязов,  Оролни қутқариш фонди Қозоғистон бўлими ижрочи директори.

Ўзбекистон раҳбариятининг сайъ-ҳаракатларида Марказий Осиёнинг барча мамлакатлари билан яхши қўшничилик муносабатини ўрнатишга эътибор қаратилмоқда. Сўнгги йилларда минтақавий хусусиятга эга бўлган қатор масалалар, шу жумладан, сув ресурсларини бошқариш ва улардан фойдаланиш муаммолари ўз ечимини топаётганлиги кўзга ташланмоқда. Ўзбекистон Республикаси Президенти Ш.М.Мирзиёев айнан минтақа сув ресурсларидан ҳамкорликда фойдаланиш масалаларини ҳал этиш ҳамда Орол фожиаси оқибатларини олдини олишга қаратилган ҳаракатларни бирлаштиришни Ўзбекистоннинг ташқи сиёсатдаги муҳим йўналишларидан бири сифатида белгилаб бердилар. Халқаро анжуманлар қарорлари, Марказий Осиё давлатлари раҳбарлари ва делегацияларининг икки ва кўптомонлама учрашувлари якунлари бу борадаги ишларнинг яққол мисолидир.

Қайд этилганидек, конференциянинг ўтказилиши Оролбўйи аҳолисининг яшаш шароитларини ва атроф муҳит ҳолатини яхшилашга йўналтирилган лойиҳаларни амалга оширишда минтақавий ҳамкорликни мустаҳкамлаш ва инвестицияларни жалб этишда муҳим қадам бўлди.

Конференцияни ўтказишдан кўзда тутилган мақсад Оролни қутқариш халқаро жамғармаси (ОКХЖ) фаолияти доирасида минтақа давлатларининг Оролбўйи муаммоларини ҳал этишга қаратилган амалий ҳаракатларини келишиш, Орол фожиасининг салбий оқибатларини юмшатиш бўйича амалга оширилаётган дастурларни ўзига хос инвентаризациядан ўтказиш, Оролбўйи минтақасида экологик ва ижтимоий иқтисодий вазиятни яхшилашга қаратилган лойиҳаларни амалга ошириш бўйича ҳамкорлик қилиш йўлларини муҳокама қилиш ва белгилаб олиш, шунингдек, уларни амалга ошириш учун инвестицияларни жалб қилишдан иборат.

Дастурга мувофиқ конференция иштирокчилари Оролбўйига, жумладан, Нукус шаҳрига, Муйноқдаги “Кемалар қабристони”га, шунингдек, Муйноқдаги музейга ташриф буюришиб, ҳудуддаги экологик вазият билан бевосита танишиш имкониятига эга бўлдилар. Маҳаллий аҳоли ҳамда давлат ва жамоат ташкилотлари вакиллари билан учрашувлар ўтказишди.

8 июнь куни халқаро конференциянинг ялпи ва секцион йиғилишлари бўлиб ўтди. Йиғилишларда Оролни қутқариш халқаро жамғармаси фаолияти ва  Орол денгизи хавзаси муаммолари бўйича янги харакатлар дастури — ПБАМ-4,  Марказий Осиёнинг трансчегаравий дарёлари сув ресурсларидан ҳамкорликда фойдаланиш бўйича минтақа давлатлари ҳамкорлигини янада яхшилаш,  Оролбўйи ҳудудларини иқтисодий-ижтимоий ривожлантириш ва БМТ шафелиги остида Оролбўйи ҳудуди учун инсонлар хавфсизлиги бўйича кўпҳамкорли Траст фондини ташкил этиш, Орлбўйида муҳофаза этиладиган табиий ҳудудлар барпо этиш ва уларни ривожлантириш, Орол денгизининг қуриган тубида ўрмон мелиорация ишларини фаоллаштириш, шунингдек, Орол денгизи экологик муаммолари муҳокамасига ёш мутахассисларни жалб қилиш ва минтақа сув ресурсларидан фойдаланишнинг янгича ёндашувлари ва инновацион ечимларини ишлаб чиқиш каби масалалар муҳокама қилинди.

Конференция иштирокчилари экологик тоза технологияларга ихтисослашган «Green & Ecological Technologies Central Asia – GETCA 2018», Марказий Осиё халқаро кўргазмасида, бизнец-форумда, соҳага алоқадор вазирлик ва идоралар, маҳаллий давлат ҳокимияти органлари мутахассисларининг халқаро молия институтлари ва ташкилотлар билан учрашувларида иштирок этиш имкониятига эга бўлишди.

Форумда хорижий ва маҳаллий бизнес вакилларининг жалб қилинган инвестицияларини амалга ошириш учун, Оробўйи минтақасининг экологик ва ижтимоий-иқтисодий вазиятини яхшилашга йўналтирилган лойиҳалар тўплами маъқулланди.

Конференцияда қабул қилинган якуний ҳужжат, шунингдек конференция материаллари тўплами Марказий Осиё Республикалари ва хорижий давлатлар парламентлари ва ҳукуматларига, халқаро ва жамоат ташкилоларига йўлланди.

Форум доирасида БМТТД Ўзбекистондаги ваколатхонаси, Ўзбекистон Республикаси Ўрмон хўжалиги давлат қўмитаси, Оролни қўтқариш халқаро жамғармаси ГЭФ агентлиги ва ОҚХЖ Қозоғистондаги ижроия дирекцияси ўртасида денгизнинг қуриган тубида ўрмон барпо этишни мувофиқлаштириш бўйича ҳамда Ўзбекистон экологик ҳаракати ва Ислом ҳамкорлик ташкилоти фан ва технология соҳасидаги доимий қўмитаси (КОМСТЕК ОИС) ўртасида атроф муҳитни муҳофаза қилиш соҳасида ҳамкорлик Меморандумлари имзоланди.

Н.Қосимова

photo_2018-05-22_00-14-43

В ТАШКЕНТЕ СОСТОЯЛАСЬ МЕЖДУНАРОДНАЯ КОНФЕРЕНЦИЯ ПО СМЯГЧЕНИЮ ПОСЛЕДСТВИЙ АРАЛЬСКОЙ КАТАСТРОФЫ

8 июня 2018 года в Ташкенте состоялась международная конференция на тему: «Совместные действия по смягчению последствий Аральской катастрофы: новые подходы, инновационные решения, инвестиции».

Конференция была проведена Экологическим движением Узбекистана, Министерством иностранных дел, Министерством инновационного развития и Академией наук Республики Узбекистан в партнерстве с министерствами и ведомствами республики, Международным фондом спасения Арала, Региональным экологическим центром Центральной Азии, представительствами ПРООН, ЮНЕСКО, Всемирного банка, Германского общества по международному сотрудничеству, Международного института водного менеджмента, Координатором проектов ОБСЕ, Постоянным комитетом по сотрудничеству в сфере науки и технологий Организации Исламского Сотрудничества, Глобальным водным партнерством Центральной Азии и Кавказа, АО ИИ «Узвторцветмет» и другими международными и региональными организациями.

- В нашей стране ведется широкомасштабная работа по смягчению негативного влияния Аральской катастрофы на здоровье населения и окружающую среду Приаралья, — говорит начальник управления Государственного комитета Республики Узбекистан по лесному хозяйству Х.Толипов. — Проблема требует привлечения внимания широкой общественности к усилиям, направленным на восстановление экосистемы и устойчивое развитие региона. Самый доступный и удобный способ стабилизации экологического состояния Приаралья – создание лесов. Площадь высохшей части моря составляет 5,5 миллиона гектаров, 3,5 миллиона из которых приходятся на территорию нашей страны. Если превратить 2 миллиона гектаров в леса, ситуация значительно изменится. Для этого нужно осуществлять лесопосадки на 100 тысячах гектарах ежегодно. Если ускоренными усилиями реализовать намеченное, через 15-20 лет мы сможем устранить угрозу. Прошедшая конференция значима тем, что высказанные на ней предложения, идеи и инвестиционные планы направлены на обеспечение благополучного будущего Приаральского региона.

Цель международного конференции согласование в рамках деятельности Международного Фонда по спасению Арала практической направленности и координации действий стран региона, осуществляемых для решения проблем Приаралья; анализ и оценка реализуемых программ по смягчению последствий Аральской катастрофы; определение путей сотрудничества в реализации проектов, направленных на улучшение экологической и социально-экономической обстановки в регионе Приаралья, а также привлечение инвестиций для их реализации.

В конференции приняли участие депутаты парламентов и сотрудники министерств, ведомств и общественных организаций стран Центральной Азии, ведущие эксперты из более чем 20 стран мира, представители дипломатического корпуса и международных организаций, видные ученые и специалисты.

Участники конференции 7 июня совершили поездку в зону Приаралья: в г.Нукус, в г. Муйнак, на «Кладбище кораблей» на высохшем дне Аральского моря, где ознакомились с экологической ситуацией в этом регионе, провели встречи с местными жителями и представителями государственных органов и общественных организаций.

Наргис Косимова

photo_2018-06-05_11-56-19

Марказий Осиё халқаро экология форумининг расмий ёпилиш маросими бўлиб ўтди

7 июнь куни иккинчи Марказий Осиё халқаро экология форумининг расмий ёпилиш маросими бўлиб ўтди. Форумда жами 300 киши иштирок этди – Марказий Осиё мамлакатлари, халқаро ва минтақавий ташкилотлар, дипломатик миссиялар вакиллари, атроф-муҳитни ҳимоялаш бўйича етакчи экспертлар, табиатни муҳофазалаш бўйича етакчилар ва вакиллар. Форум ташкилотчилари – Ўзбекистон Республикаси Ҳукумати, Экология ва атроф-муҳитни муҳофаза қилиш давлат қўмитаси ва Марказий Осиё минтақавий экология маркази.

Форумнинг ёпилиш маросими Марказий Осиё ва Афғонистон ёшларининг жамоавий мурожаатномаси билан бошланди. Унда делегатлар ҳамкорликни мустаҳкамлашнинг аҳамиятини таъкидлаб ўтишди.

Туркманистон Атроф-муҳитни муҳофаза қилиш ва ер ресурслари давлат қўмитаси ҳузуридаги Саҳро, ўсимлик ва ҳайвонот олами миллий институти директор Мухаммет Дуриков тадбирга бошловчилик қилди.

Бошловчидан кейин форум иштирокчиларига биринчилардан бўлиб Туркманистон делегацияси вакили Мерген Юсупов мурожаат этди. Юсупов жаноблари Туркманистон Атроф-муҳитни муҳофаза қилиш ва ер ресурслари давлат қўмитаси раиси Батирмурод Оразмурадовнинг мурожаатномасини ўқиб эшиттирди. «Ушбу форум атроф-муҳитни муҳофазалаш йўналиши бўйича яқин ҳамкорликни ривожлантириш истагининг яна бир исботига айланди», — таъкидлади жаноб Оразмурадов ўз мурожаатида. Жаноб Оразмурадов форумнинг янада фаол ҳамкорлик ўрнатиш учун туртки бўлгани унинг асосий натижаси эканига ишонч билдирди ва МОҲЭФ 2018 ташкилотчиларига миннатдорчиилик изҳор этди.

Шундан сўнг Қозоғистон Республикаси Энегетика вазирлигининг Экологик мувофиқлаштириш ва назорат қўмитаси раисининг ўринбосари Зулфухар Жолдасов форум иштирокчиларига юзланди. «Марказий Осиё ва Афғонистондаги экологик аҳволни яхшилаш бўйича катта масъулият зиммамизга юклатилган», — таъкидлади жаноб Жолдасов.

Қирғизистон делегацияси раҳбари, Атроф-муҳит ва ўрмон хўжалигини муҳофаза қилиш давлат агентлиги директори ўринбосари Арсен Риспеков форумнинг мавзу йўналишлари атроф-муҳит масалаларида алоҳида аҳамиятга эга эканини форум исботлаганини айтиб ўтди. Жаноб Риспеков мамлакатлар қанчалик келишиб, биргаликда ишлашса, минтақанинг умумий фаолияти шунчалик муваффақиятли бўлади, деб ишонч билдирди.

Тожикистон Республикаси Ҳукумати ҳузуридаги Атроф-муҳитни муҳофаза қилиш қўмитаси раиси Хайрулло Ибодзода ўз чақишида Марказий Осиё халқаро экология форумини ҳар йили ўтказиш зарур эканини таъкидлади. «Ўтган ушбу кунлар самарали ишлаш учун имконият яратди, деган фикрга ҳамма қўшилса керак», — таъкидлади жаноб Ибодзода.

Сўнгра Афғонистон делегацияси раҳбари, Афғонистон Атроф-муҳитни муҳофаза қилиш миллий агентлиги бош директори Шах Заман Майвандига сўз берилди. Жаноб Майванди форум маълумотларни тарқатиш, тажриба алмашиш имконини берганини айтди. Шунингдек, у МОҲЭФ ўтказилиши чоғида Марказий Осиё давлатлари ва Афғонистон ўртасидаги ҳамкорликни ривожлантиришга ёрдам берувчи қатор муҳим учрашувларни ўтказишга улгурганини айтиб ўтди. «Бизнинг учрашув ва тадбирларимиз бугун ўз ниҳоясига етди, аммо, келинг, алоқани узмасдан, бугун бошлаган мулоқотимизни давом эттирайлик».

Марказий Осиё минтақавий экологик маркази директори доктор Искандар Абдуллаев ҳам форум иштирокчилари қаршисида сўзга чиқди. Доктор Абдуллаев форум ўз ишини тугалламаётгани, 8 июнь куни МОМЭМ-ТИҚХММИнинг Инновация ва илмий тадқиқотлар кластерининг очилиш маросими, Орол мавзусига бағишланган анжуман ва сув бўйича ҳамкорлик борасидаги махсус сессия бўлиб ўтишини таъкидлади.

«Форум Марказий Осиёда барқарор тараққиёт ва атроф-муҳитни ривожлантириш бўйича биргаликдаги қарорларни шакллантириш майдонига айланаётганини кузатиш жуда қувонарли», — деди МОМЭМ ижрочи директори д-р Искандар Абдуллаев.

Доктор Абдуллаев Ўзбекистон Ҳукуматига ва миллий делегациялар аъзоларига миннатдорлик билдирди: «Уларнинг ҳиссасисиз минтақада экология бўйича ҳамкорлик тўлиқ бўлмас эди». Д-р Искандар Абдуллаев фуқаролик жамиятининг саводхонлигини оширишга ёрдам берувчи журналистларнинг ролини таъкидлаб ўтди.

Доктор Абдуллаев МОҲЭФ 2018 форумнинг асосий мавзу йўналишлари бўйича ҳуқуқий ва институционал базанинг тараққиёти, ҳамкорликдаги илмий-тадқиқотлар, ҳамда давлат-ҳусусий шерикчилиги борасидаги ўзгаришлар ҳақида иштирокчиларга маълумотлар беришга имкон яратганини билдирди. Форум қатнашчилари энг яхши амалиётлар ва технологиялар, тўпланган тажриба ҳамда инвестицияларни жалб этиш имкониятларини муҳокама этишди. Бундан ташқари, форум минтақавий ҳамкорликни кучайтириш имкониятини ўрганиш, Марказий Осиё учун Барқарор тараққиёт мақсадлари контекстида биргаликдаги ҳаракатларни шакллантириш ва мувофиқлаштиришга шароит яратди.

Шунингдек, МОМЭМ ижрочи директори кейинги йилда ҳам форумни ўтказиш истагини эълон қилди: «Эртадан бошлаб учинчи форумга тайёргарлик бошланади». Марказий Осиё минтақавий экология маркази миллий ҳамкорлар билан музокараларни бошлайди.

Ўзбекистон Республикаси Экология ва атроф-муҳитни муҳофаза қилиш давлат қўмитаси раиси Баҳром Қўчқоров ўзининг хулосаловчи сўзида МОҲЭФ 2018 иштирокчиларига мурожаат этди: «Ўйлашимча, ўз олдимизга қўйган мақсадимизга эришдик. Мулоқот ўтказдик, бунинг учун делегациялар раҳбарларидан миннатдорман. Ушбу мулоқот кейинчалик ҳам давом этади ва мустаҳкамланади, деб умид қиламан».

Отабек УМАРОВ

IMG_9679

Иккинчи ва учинчи кун: қаттиқ маиший чиқиндиларни бошқариш ва қайта тикланадиган энергия манбалари

Форумнинг иккинчи куни «Қаттиқ маиший чиқиндиларни комплекс бошқариш» сессияда иштирокчилар мавзуларнинг долзарблигини таъкилаб ўтишди.

- Минтақада ҚМЧни қайта ишлаш паст даражада. Шу билан бирга мамлакатларнинг қонунчиликни такомиллаштириш ва чиқиндиларнинг ҳаддан зиёд тўпланиши муаммосини ҳал этишга қаратилган ташаббусларни илгари суриш бўйича саъй-ҳаракатларини таъкидлаб ўтиш даркор. Хусусан, Афғонистонда пластикдан қайта фойдаланишни назорат қилиш бўйича қонун кўриб чиқилмоқда, деди Сайед Кайом Хашими, Афғонистон Ислом Республикасининг атроф муҳитни муҳофза қилиш миллий агентлиги, қаттиқ ва хавфли чиқиндилар экологик инспекциси ва мониторинги бўйича эксперти.

Айтиш керакки, бугунги кунда қатор МДҲ мамлакатлари, хусусан  Қозоғистонда «Ишлаб чиқарувчининг кенгайтирилган масъулияти» тизими татбиқ этилмоқда, Ўзбекистонда 2019 йилдан қалинлиги 40 микрондан кам бўлган полиэтилен пакетлардан фойдаланишга таъқиқ жорий этилмоқда.

Мавзуларга оид параллель сессиялардан форум спикерлари пировард вазифа – чиқиндиларни алоҳида-алоҳида йиғиш ва саралаш эканини таъкидлашди. Бундан ташқари, минтақа давлатлари «велосипедни кашф этишлари»га ҳожат йўқлиги, яхшиси, халқаро тажрибага таяниш кераклиги таъкидланди. Аммо айнан таяниш ва ўз ҳулосасини чиқариш даркор. Латвиянинг Cleantech компанияси ижрочи директори Эвия Пудане Европа Марказий Осиё ўртасидаги ҳамкорлик борасида ўз фикрича,   мамлакатда яхши иш берадиган стратегиялар Ўзбекистон учун ярамаслиги ва самара бермаслиги ҳам мумкин, шу боис ўзингизнинг давлатингиз, шаҳарларингизга мос келадиган стратегия ва ёндошувларни танлашни маслаҳат бераман, деди у.

Zoï Environment Network директори жаноб Отто Симонетт Марказий Осиё бўйича минтақавий таҳлилни форум иштирокчилари эътиборига ҳавола этди. Қозоғистонда янги стандартлар, мақсадли кўрсаткичлар шакллантирилмоқда ва қонунчилик янгиланаяпти, деб таъкидлади спикер. Қирғизистонда тоғ экотизимлари ва Иссиқ-Кўл кўлини чиқиндилардан тозалаш ишларида жамоатчиликнинг фаол иштироки кузатилмоқда. Тожикистонда халқаро кўмак остида заҳарланиш ва радиоактив ифлосланиш муаммоларини ҳал этишга киришилган, чиқиндилар бўйича лойиҳалар амалга оширилмоқда. Туркманистонда – янги қонунчиликда экологик талаблар, Каспийдаги тарихий ифлосланиш, шаҳарларда тозаликни сақлаш муаммолари қамраб олинган. Ўзбекистон чиқиндиларни бошқариш тизими, чиқиндиларни қайта ишлаш учун имкониятларни кенгайтириш борасида янгича фикрлаш ва давлат дастурларини, инвестицион режаларни намойиш этмоқда.

Форум иштирокчилари, шунингдек, қаттиқ маиший чиқиндиларни бошқариш бизнес-сектор учун катта имконият эшикларини очаётганини таъкидлашди. Буни яхши англаган минтақанинг баъзи мамлакатлари ушбу соҳада фаолият юритадиган сармоядорлар учун преференциялар тизими устида ишлашмоқда.

 

Қайта тикланадиган энергия манбалари ва энергосамарадорлик

Қайта тикланадиган энерги манбалари йўналиши бўйича муҳокамаларни бошлаб берган пленар сессияда (ТЭМ) Марказий Осиё ва Афғонистон давлатлари делегациялари вакиллари соф энергетика борасидаги миллий сиёсат ва асосий жиҳатларни акс эттирувчи маърузаларни ўқиб эшиттиришди.

Таъкидлаш керакки, минтақанинг барча мамлакатлари ўз сиёсатида қайта тикланадиган энергия ҳиссасини ошириш бўйича режаларини намоён этишади. Мисол учун Қозоғистонда ҳозирги пайтда қайта тикланадиган энергетиканинг ҳиссаси – 1%, 2030 йилгача уни 10%гача, 2050 йилгача эса – 50%гача ошириш кўзда тутилган. 2009 йилдан бошлаб қонунчилик даражасида қулай шарт-шароитлар яратилган, қатъий белгиланган тарифлар ҳисобига ТЭМдан ишлаб чиқарилаётган энергияни сотиб олиш кафолатланган, солиқ мажбуриялари олиб ташланмоқда.

Афғонистонда ТЭМ сектори атроф-муҳитга салбий таъсирларнинг камаяётганини ҳисобга оладиган бўлсак, у барқарор ривожланиш салоҳиятига эга. ТЭМни жорий этиш схемаси тасдиқланган, уни қўллаш масаласи иқтисодиётнинг барча секторларида кўриб чиқилмоқда.

Қирғизистонда ТЭМни ривожлантириш учун қонуний    асослар мавжуд. Миллий энергетика дастури қабул қилинган бўлиб, у ТЭМни ривожлантириш бўйича низомни ўз ичига олган. Қирғизистон Республикасининг саноат, энергетика ва ер ости бойликларидан фойдаланиш давлат қўмитаси вакили Адима хоним Мусаева энергосамарадорликни ошириш бўйича ишлаш зарур эканини билдирди. У энергосамарадорликни ошириш ҳисобига 40%гача энергияни тежаш имкони мавжуд эканини таъкидлади.

Тожикистон Республикаси Энергетика ва сув ресурслари вазирлиги Электроэнергия бошқармаси бошлиғи ўринбосари жаноб Хол Юнусовнинг сўзларига кўра, мамлакатда электр энергиясининг асосий қисми гидроэлектростанциялар томонидан ишлаб чиқарилади. Тожикистон қуёш энергетикасини ривожлантириш бўйича юксак салоҳиятга эга. Жаноб Юнусов Қирғизистон, Тожикистон, Афғонистон ва Покистон ўртасида Марказий Осиё электр узатиш тизими CASA 1000 қурилиши бўйича келишувларга эришилганини таъкидлади.

Туркманистонда 2018-2024 йилларда энергия тежаш дастури қабул қилинган, у ТЭМни жорий этиш ва қайта тикланадиган энергия манбалари бўйича қонун лойиҳаси тайёрланишини кўзда тутади. Мазкур дастурни бажариш бўйича тадбирлар режаси ишлаб чиқилган бўлиб, у қонунчилик асосларини ҳам назарда тутади. Делегация аъзоси, Туркманистон табиатни муҳофаза қилиш жамияти раиси Сердар Аллеков мамлакатдаги асосий йирик объектлар газга ўтгани ва кенг миқёсдаги ТЭМ фойдали эмаслигига изоҳ берди. Аммо ТЭМ тор қамровда, мамлакатнинг чекка ҳудудларида уй хўжалигида асқатишини билдирди.

Ўзбекистонда ТЭМ бўйича йўл ҳариталари тасдиқланган. Халқаро компаниялар билан ишлар бошланган, техник-иқтисодий асослар ишлаб чиқилмоқда. Бундан ташқари, ТЭМдан фойдаланиш ва давлат-хусусий шерикчилиги бўйича қонун лойиҳаси кўриб чиқилмоқда.

Мавзуларга оид параллель сессияларда узоқ истиқболда қуёш, шамол ва бошқа сов энергиянинг нархи тушишига катта эътибор қаратилди. Бир вақтнинг ўзида қазиб олинадиган энергия манбаларидан олинадиган энергия қиймати эса барқарор сақланади. Ушбу далиллар ва жаҳондаги ўзгаришларни инобатга олган ҳолда мутахассислар қайта тикланадиган энергия манбаларининг ҳиссаси ортишини прогноз қилишмоқда, жумладан, Марказий Осиёда ҳам.

Шунингдек, ТЭМ соҳасида «давлат ва хусусий шерикчилиги» сессияси чоғида барча спикерлар хусусий сектор қайта тикланадиган энергия манбаларини ривожлантиришдан манфаатор эканини билдиришди. Хусусий сектор соҳани ривожлантиришда муҳим роль ўйнаши мумкин, аммо бунинг учун унга шундай имкониятни тақдим этиш даркор. Минтақанинг ҳар бир мамлакати нафақат қонунчилик асосларига, балки соҳани кредитлаш тизими ва имтиёзлар тақдим этишга ҳам эътибор қаратиши даркор. Хорижий инвестицияларни жалб этиш учун шарт-шароит яратиш, янги иш ўринлари ташкил этиш, ТЭМ соҳасида янги лойиҳаларнинг иқтисодий самарасидан фойдаланиш орқали ҳар бир мамлакат Барқарор ривожланиш мақсадлари (БРМ)га эришиш учун замин ҳозирлайди.

Форум иштирокчилари таъкидлаганидек, Марказий Осиёда энергия ишлаб чиқариш бошқа минтақалар билан қиёслаганда паст даражада, ва минтақа ТЭМни жорий этиш бўйича орқада қолмоқда. Аммо ривожланиш сари қадамлар қўйилмоқда. Нефть-газ сектори, энергосамарадорлик ва молиялаштириш муаммолари ўз ечимини кутаяпти. Халқаро молиявий институтлар билан ҳамкорликни йўлга қўйиш даркор.

Уч кун давом этган Марказий Осиё халқаро экологик форуми 2018   доирасида  Ўзбекистон учун хорижий давлатлар ва халқаро ташкилотлар билан ҳамкорликка кенг йўл очди. Жумладан, Италия атроф-муҳит вазирлиги билан ҳамкорлик қилишга келишиб олинди, Германия атроф-муҳит вазирлиги билан қўшма ҳужжатлар имзоланди. Қозоғистон, Қирғизистон ва Тожикистон билан атроф-муҳитни муҳофаза қилиш бўйича мақсадли келишувларга эришилди. Анжуман доирасида «Чиқиндиларни қайта ишлаш технологиялари. Атроф-муҳит муҳофазаси. Энергия тежамкорлиги ва энергия самарадорлиги – ГEТCА 2018» ихтисослаштирилган кўргазмаси, бизнес-форум, «Марказий Осиё ёшлари» деб номланган тадбир ўтказилди ҳамда Оролбўйи ҳудудига саёҳат уюштирилди. Форум ёпилишида Марказий Осиё ёшларининг атроф-муҳитни асраш ва экологик муаммоларни бартараф этишда биргаликда курашишга бағишланган мурожаатномаси ўқиб эшиттирилди.

Наргис ҚОСИМОВА